المساعد الشخصي الرقمي

مشاهدة النسخة كاملة : لأي استفسار عن جامعة أم القرى .. تفضل هنا


الصفحات : [1] 2 3 4 5

فراشة كيوت
07-01-2010, 12:18 PM
السلام عليكم ورحمة الله وبركاته

أي أحد عنده اأي استفسار عن جامعة أم لقرى يتفضل هنا

أسهل من أنك تسجل في أي منتدى من منتديات الجامعه

عشان استفسار بسيط

عموما التسجيل ما دأ إلى الآن لكن مكتوب قريبا

وغالبا يكون في الفترة بعد الاختبار التحصيلي

وينتهي التسجيل قل ما تطلع النتيجة

:)

يا رب كلية الطب
07-01-2010, 01:02 PM
ممكن اعرف اذا فيه قبول للاجانب
في الكليات الطبيه

مازال هناك أمل
07-01-2010, 03:39 PM
ممكن أعرف ألية التسجيل بالجامعه ؟؟

والنسبه الموزونه ع اي اساسا تنحسب ؟؟

ويسلموووو ^^

فراشة كيوت
07-01-2010, 04:09 PM
ممكن اعرف اذا فيه قبول للاجانب
في الكليات الطبيه


لا للأسف ما في

فراشة كيوت
07-01-2010, 04:22 PM
ممكن أعرف ألية التسجيل بالجامعه ؟؟

والنسبه الموزونه ع اي اساسا تنحسب ؟؟

ويسلموووو ^^

شووفي يا عسوولهـ

تقريبا بعد ما تختبروا اختبار القبول حيبدأ التسجيل الالكتروني

تفتحيلك ملف تدخلي بياناتك وكذا

اتوقع وقتها ما تكون نتيجة الثانوي طلعت .. الا اذا اتطوروا دي السنة

المهم : مو لازم تدخلي الأشياء اللي مو موجودة عندك زي نسبة الثانوي ودرجة التحصيلي وكذا

بعد ما تستلمي شهادتك دخلي نسبة الثانوي ودرجات المواد المطلوبة

واختاري الرغبات .. طبعا مسموح ب 5 رغبات ترتيبها حس الأولوية

وممكن اذا اتأخرت نتائج قياس ينتهي المواعد المحدد لتحديث بياناتك وكذا

بس لا تشيلي هم هما يرسلوها :)

بعدها بكم يوم تدخلي مره ثانية ع الصفحة (تقريبا حيكون في الفترة من 11 - 13 شعبان)

ويكتبولك نسبتك الموزونة .. واليوم اللي تراجعي فيه الجامعه .. والفترة اذا من 8 أو 11

تقريبا حتكون فترة مراجعة الجامعه من 12- 8 وتستمر أسبوع الين ما تقفل التخصصات

انتي روحي الجامعه في يومك ووقتك .. لأنك لو رحتي قبل ما حيدخلوكي .. ولو رحتي بعد حيكون قفل كم تخصص

وبالنسبة للأوراق هما يكونوا مححدين في الموقع الأشياء اللي المفروض تاخديها معاكي ..

طبعا كل يوم يقفل تخصص أو أكثر .. حسب الرغبة عليه

احنا أول يوم قفل طب الأسنان بالنسبة للعلمي .. والاعلام بالنسة للأدبي

ثاني يوم قفل الطب .. والحاسب وكذا

طبعا يكون في موقع الجامعه صفحة توضحلك ايش التخصصات اللي ما زالت متاحه :)

أما بالنسبة للنسبة الموزونة : 50 % من الثانوي + 30 % من القدرات + 20% من التحصيلي

والله يسهلها عليكم ان شاء الله

وأي شيء أنا بالخدمة

مازال هناك أمل
07-01-2010, 06:28 PM
الله يجزاااك كل خييير

فتحتي طلاسم ورموز كثييره تدور براااسي

أخر طلب ممكن رابط الجامعه

ويسلمووو كثيير

فراشة كيوت
07-01-2010, 06:36 PM
http://uqu.edu.sa/

هذا الرابط

اذا ما فهمتي شيء من اللي مكتوب فووق في الرد اللي قل

قوليلي

حآآسه ان الكلااام حوووسه

amoolah10
07-01-2010, 09:05 PM
النسبة الموزونة هذي لجميع التخصصات
بما فيها الكليات الصحية ؟؟

يآليل
07-02-2010, 03:51 AM
كيف قسم علم المعلومات ؟ وكم النسبه المطلوبه ؟

خطوآت أنثى..!
07-02-2010, 04:08 AM
الله يسسعدك ياشيخه من زمان استنى احد يرد ع اسألتي كلها
هاللحين ام القرى حطت اعلان انوه التسجيل قررب وحاطين التخصصات بس اللي فاقع تسبدي انووه الحاسب مالقيته ابد
ياليت تشوفين الموقع وتتأكدين يمكن عيوني فيها شي:)
>>... سألتك نفس السؤال في موضوع ثاني :)
وثاني شي ابغاا اعررف السنه اللي طافت نسبه الحاسب قفلت ع كم تقريبا
وكم كانت النسب اللي طالبينها لانهم يقولو الحاسب غير عن التخصصات الثانيه
والله يوفقك ويحقق مرادك:)

القلم الرائع
07-02-2010, 05:17 AM
الله يسعدك أختي فراشه عندي استفسارات
وهي انا طالب بجامعة الملك خالد اول سنه وابي اسحب ملفي واقد في ام القرى من جديد وهل يقبلون خريجي السنه الماضيه ؟؟؟؟؟هل لابد من مضي3شهورعلى سحب الملف ؟؟؟؟نسبتي97.20 والقدرات 82 والتحصيلي78 وبعيد وان شاء الله بجيب فوق 80 هل تؤهلني للدخول في الطب؟؟؟؟هل يوجد هذه السنه سنه تحضيريه؟؟؟؟

بدرالشمال
07-02-2010, 05:28 AM
الله يسعدك أختي فراشه عندي استفسارات
وهي انا طالب بجامعة الملك خالد اول سنه وابي اسحب ملفي واقد في ام القرى من جديد وهل يقبلون خريجي السنه الماضيه ؟؟؟؟؟هل لابد من مضي3شهورعلى سحب الملف ؟؟؟؟نسبتي97.20 والقدرات 82 والتحصيلي78 وبعيد وان شاء الله بجيب فوق 80 هل تؤهلني للدخول في الطب؟؟؟؟هل يوجد هذه السنه سنه تحضيريه؟؟؟؟ بما أنك طالب في جامعةالملك خالد - لماذا تسحب ملفك - اطلب تحويل من جامعةالملكخالد إلى جامعةام القرى !!!!!!!!

سوسو sa
07-02-2010, 06:13 AM
سلام عليكم

انا جبت بالقدرات 69

وثاني ثانوي 89
وثالث ثانووي الفصل الأول 92

وودي ادخل خدمه اجتماااعيه بجامعه ام القرى هل يقبلون نسبتي.......؟؟؟؟

علما اني ما اختبرت التحصيلي !!!

ياااااريت تفيدني

فراشة كيوت
07-02-2010, 11:27 AM
النسبة الموزونة هذي لجميع التخصصات
بما فيها الكليات الصحية ؟؟

الله يذكرك بالشهادة النسبة اللي كتبتها قبل لجميع التخصصات العلمية

أما التخصصات الأدبية يآخذون 60% من الثانوي + 20 % من القدرات + 20% من التحصيلي

فراشة كيوت
07-02-2010, 11:28 AM
كيف قسم علم المعلومات ؟ وكم النسبه المطلوبه ؟

والله القسم ما أعرف عنه كثير بس سمعت أنه مرغوب فيه

والنسبة المطلوبة أتوقع أعلى من 83%

بصرآحة مو متأكده مرررره

فراشة كيوت
07-02-2010, 11:32 AM
الله يسسعدك ياشيخه من زمان استنى احد يرد ع اسألتي كلها
هاللحين ام القرى حطت اعلان انوه التسجيل قررب وحاطين التخصصات بس اللي فاقع تسبدي انووه الحاسب مالقيته ابد
ياليت تشوفين الموقع وتتأكدين يمكن عيوني فيها شي:)
>>... سألتك نفس السؤال في موضوع ثاني :)
وثاني شي ابغاا اعررف السنه اللي طافت نسبه الحاسب قفلت ع كم تقريبا
وكم كانت النسب اللي طالبينها لانهم يقولو الحاسب غير عن التخصصات الثانيه
والله يوفقك ويحقق مرادك:)

صحيح انتبهت انهم مو حآطين الحآآسب .. بس تلاقينه في الصحة الرئيسيئ مع الكليآت .. احتمال سقط سهوا

أو لأنه عند الأولاد سنة تحضيرية مع الهندسة .. الله أعلم

كل التخصصات العلمية نفس الشي أخذوا 50% ثآنوي + 30% قدرات + 20% تحصيلي

قفلت تقريبا ع 87 - 88 %

مو متأكده مررره .. بس أفتكر انه القسم قفل ثآني يوم

:)

فراشة كيوت
07-02-2010, 11:37 AM
الله يسعدك أختي فراشه عندي استفسارات
وهي انا طالب بجامعة الملك خالد اول سنه وابي اسحب ملفي واقد في ام القرى من جديد وهل يقبلون خريجي السنه الماضيه ؟؟؟؟؟هل لابد من مضي3شهورعلى سحب الملف ؟؟؟؟نسبتي97.20 والقدرات 82 والتحصيلي78 وبعيد وان شاء الله بجيب فوق 80 هل تؤهلني للدخول في الطب؟؟؟؟هل يوجد هذه السنه سنه تحضيريه؟؟؟؟

أهلين بالقلم المميز

ع فكرة أنا نفسي Dr.MeMe

النسبة الحالية مع التحصيلي 78 = 88.8 %

يفضل انك تحل أفضل في الاختبار القادم عشان ترفع من فرصة قبولك وتكون شبه مضمونة

يقبلون خريجي الدفعة هذه والدفعة اللي قبلها

حكاية ال 3 شهوور ما أعرف عنها شي بس ما أتوفع انها مطلوبة

والسنة التحضيرية ما سمعت انه في الا من خلال المنتديآت

انه خلال اللقاء التعريفي قالوا انه حيكون في

ويبآآن وقت التسجيل

والله يوفقكم

فراشة كيوت
07-02-2010, 11:38 AM
بما أنك طالب في جامعةالملك خالد - لماذا تسحب ملفك - اطلب تحويل من جامعةالملكخالد إلى جامعةام القرى !!!!!!!!

أم القرى ما تقبل تحويل ع تخصص طبي من جامعة أخرى

أو من قسم آخر خارج الكليات الصحية في أم القرى

فراشة كيوت
07-02-2010, 11:40 AM
سلام عليكم

انا جبت بالقدرات 69

وثاني ثانوي 89
وثالث ثانووي الفصل الأول 92

وودي ادخل خدمه اجتماااعيه بجامعه ام القرى هل يقبلون نسبتي.......؟؟؟؟

علما اني ما اختبرت التحصيلي !!!

ياااااريت تفيدني

والله ع حسب درجة التحصيلي

بـس الخدمة الاجتماعية يقفل في الأيام الأولى

تقريبا على 87 - 86 %

روبي كوول
07-02-2010, 01:11 PM
الله يوفقك يارب
أنا ودي اسئل تقريباً وش الحد الأدنى في النسبة الموزونة للقبول بالطب

والله يجزاك ألف خير

فراشة كيوت
07-02-2010, 01:16 PM
الله يوفقك يارب
أنا ودي اسئل تقريباً وش الحد الأدنى في النسبة الموزونة للقبول بالطب

والله يجزاك ألف خير

العآم وقف الطب على 88% موزونة

Forat
07-02-2010, 01:40 PM
الصيدلة العام الماضي وقفت على كم؟؟

فراشة كيوت
07-02-2010, 01:42 PM
أتوقع 85 - 86 %

بس مو أكيد

لكن افتكر انه قفل ثالث يوم

llonely
07-02-2010, 03:09 PM
لو سمحت يا اخي الكريم
هل هناك اقبال كبير على كلية الشريعة قسم الشريعة للطلاب بحيث يكون اقفال القسم من المسجلين بسرعة

فراشة كيوت
07-02-2010, 06:08 PM
لو سمحت يا اخي الكريم
هل هناك اقبال كبير على كلية الشريعة قسم الشريعة للطلاب بحيث يكون اقفال القسم من المسجلين بسرعة

بالنسبة للطلاب لاحظت نوع الاقبال .. بحيث أن أغلب الطلاب أصحاب النسب العالية من القسم الشرعي

سجلوا في كلية الشريعة ..

لكن لا أتذكر أن القسم أكتفى في اليومين الأولى

=)

خطوآت أنثى..!
07-02-2010, 06:27 PM
مشكووره ياعسسل :)

amoolah10
07-02-2010, 10:56 PM
يعطيك العافية ...
صراحة وضحتي لنا أمور كثيرة
الله يسعدك ويحقق اللي في بالك

فراشة كيوت
07-02-2010, 11:25 PM
هذا وآجبنآآ

وإن شآء الله كلكم تدخلون التخصصآت اللي تحبونها

موفقين

Dr.MeMe

القلم الرائع
07-02-2010, 11:46 PM
Dr.MeMeالله لايحرمك الأجر لكن الشؤون الاكاديميه بالطب بأم القرى يقولون قفولوا على 89 كمان متى برأيك أسحب ملفي ونسبتي88.8 هل هذه النسبة مضمونه بعد توفيق الله

فراشة كيوت
07-02-2010, 11:57 PM
عند البنآت وقف ع 88%

بس احتمال الشبآب كانت عندهم أعلى

يفضل تستعير الشهآآدة إذا ممكن

وشد حيلك شويتين في التحصيلي

وموفق بإذن الله

عسوله الدلوعه
07-03-2010, 12:01 AM
طيب ممكن اسأل طبعا انا مو من سكان مكه انا من برا مكن ابي اسأل هل يوجد سكن للطالبات


وابي اعرف كم اخر نسبه وقفو عندها العام للقسم الادبي النسبه الموزونه للمدرسه كم وكم القدرات؟؟

فراشة كيوت
07-03-2010, 12:26 AM
والله هو موجود

بس أتوقع انه مليآآآآآن

بالنسبة لآخر نسبة

أتوقع آخر نسبة وقف فيها القبول في الجامعه ملها 78 - 79 %

وبس

:)

عسوله الدلوعه
07-03-2010, 12:57 AM
ياااربي وقسما متحطمه يكفي جلست سنه في البيت

لازم اشوف لي جامعه فيها سكن

تنتوني
07-03-2010, 03:22 AM
طيب ايش النسبه المطلوبه في قسم الحاسب
وشكرا

خادم الاسلام
07-03-2010, 03:28 AM
انا (وأعوذ بالله من كلمة انا ) انسان جايب في الثانوية

العامة 97 وفي القدرات 85


(1)كم لازم اجيب بالتحصيلي عشان اضمن دخول كلية
الطب

(2) هل يوجد في الجامعة تخصص طب اسنان (للأولاد طبعا )

فراشة كيوت
07-03-2010, 11:45 AM
طيب ايش النسبه المطلوبه في قسم الحاسب
وشكرا

والله الحآسب زي ما قلت قفل ثآآني يوم

تقريبا ثالث قسم

بعد طب الأسنان - الطب

يعني تقريبا ع 87% - 86 %

:)

فراشة كيوت
07-03-2010, 11:49 AM
انا (وأعوذ بالله من كلمة انا ) انسان جايب في الثانوية

العامة 97 وفي القدرات 85


(1)كم لازم اجيب بالتحصيلي عشان اضمن دخول كلية
الطب

(2) هل يوجد في الجامعة تخصص طب اسنان (للأولاد طبعا )

يفضل إانك تجيب في التجصيلي 80 وأعلى

بحيث تكون نسبتك الموزونة 90% وأعلى

ايووا موجود طب أسنان :)

وهذه حتكون ثاني دفعه

وبالنسبة لطب الأسنان القبول يكون فقط لـ 20 طالب

ونفس العدد للطالبآت

بينما الطب 150 تقريبآآ

:)

تنتوني
07-03-2010, 02:49 PM
والله الحآسب زي ما قلت قفل ثآآني يوم

تقريبا ثالث قسم

بعد طب الأسنان - الطب

يعني تقريبا ع 87% - 86 %

:)

طيب معليش تعبتك معايا
النسبه اللي قفلو عليها هيه نسبة الموزونه ولا نسبة القدرات ولا الثانويه

فراشة كيوت
07-03-2010, 02:52 PM
النسبة الموزونة

تنتوني
07-03-2010, 02:53 PM
طيب سؤال أخير أيش السنه التحضيريه و هل في دفع فلوس

فراشة كيوت
07-03-2010, 03:11 PM
بالنسبة للعام كان في سنة تحضيرية مشتركة للهندسة + الحاسب + الادارة والسياحة

للأولاد بس

ومو بفلوس

الشي اللي بفولس هو التأهيلي .. ودا يسجلوا فيه اللي الجامعه ما تقبلهم عشان كل الأقسام أكتفت

القلم الرائع
07-03-2010, 04:39 PM
فراشة ...
أبي اتاكد هل يوجد سنه تحضيريه على الرغم أني اتصلت بالشؤون الاكاديميه وقالوا يمكن يكون فيه سنه تحضيريه ويقول باقي لسا ماجاهم خبر من العماده حاولت اتصل بالعمادة ماردوا أبي تتأكدين الله يعطيك العافيه

فراشة كيوت
07-03-2010, 06:35 PM
^^

المشكلة آحنآآ قسم البنآآت ما عندهم سآآآلفه

وما يدرون عن شيء

ما لك الا تستنى يفتح التسجيل الالكترووني

وشوف ايش مكتوب

وأنا بأحاول أستفسرلكم

وإن شآء الله بأرسل ايميل لعميد الطب ولعميد طب الأسنان

ويصير خير

إن شاء الله

القلم الرائع
07-03-2010, 10:11 PM
فراشه ....اتصلت اليلله بالعميد وقلته وضعي وقال مايمديك تسجل بام القرى لانك طالب جامعي بجامعة الملك خالد ومافيه أمل قلته بسحب ملفي واقدم من جديد قال مافيه أمل وش الحل برأيك

فراشة كيوت
07-03-2010, 11:17 PM
^^

دقايق أسألك البنآت اللي مسجلين بنفس الطريقة

انت كلمن أي عميد ..؟!

فراشة كيوت
07-03-2010, 11:23 PM
ما لقيت في المسن الا وحده

لما سألتها قالتلي

هيا أصلا لما سجلت في أم القرى ما سحبت ملفها

و كانت لسى طالبة بجامعة الملك عبد العزيز

بس استعارت شهادتها

ولما أنقبلت راحت سحبت الملف

موفق بإذن الله

القلم الرائع
07-04-2010, 12:07 AM
لكن العميد يقول مستحيل

فراشة كيوت
07-04-2010, 12:19 AM
^^

هوا قال مستحيل لأنك قلتله

لكن لما تسجل ما حيصير شي

العام عندنا مسجلين كثيييييير بنفس الطريقة

انت استعير الشهادة

ما حتخسر شي

وربك ييسرها

القلم الرائع
07-04-2010, 12:22 AM
يافراشه الله يعطيك العافيه بس استعاره عندنا يقولون مافي نظام جامعة الملك خالد اش رايك اسحب احسن

فراشة كيوت
07-04-2010, 12:27 AM
انت سجل تسجيل الكتروني

وشوف ايش يصير ما يفرق اذا سحبت دحين او بعدين

انتظر يتحدد اليوم اللي تقدم فيه أوراقك وتتحدد نسبتك المكافئة

إذا لقيت انه التسجيل مضمون أتوكل ع ربك وأسحب

دحين يبك من هذا الكلام

وشد حيلك في التحصيلي

وموفق بإذن الله

القلم الرائع
07-04-2010, 12:30 AM
يعني السحب أو الاستعارة سواء
لكن 3شهور على سحب الملف ضروري

فراشة كيوت
07-04-2010, 12:35 AM
والله ما أتوقع .. أنا ما قرأت هذا الشرط عندنا

وأشوف موقع الجامعه

وأصلا ما حيفرق معآك سحبت اليوم

أو بعد أسبوعين

كلها حتكون أقل من 3 شهوور

بس أهم شي انه في فترة تقريبا يومين أو ثلاثة

بعد ما يطلع اليوم اللي تقدم فيه اوراقك

أتوقع أول يوم يكون جمعه

وتقديم الأوراق في الجامعه يكون الاثنين

فلآآزم السبت تسحب أوراقك

وبالتووفيق

llonely
07-04-2010, 11:03 AM
بصراحه يا فراشه ما قصرتي فعلا اي استفسار تردين عليه وان دل انما يدل على طيب اصلك وحبك للخير
عندي استفسار عن جامعة ام القرى وهو كالتالي :
بعد حساب المعدل التراكمي للثانوية العامة ودرجة القياس والتحصيلي وبعدين تطلع درجة الطالب النهائية فمثلا كانت درجة الطالب 81,33 هل تحسب 82 على انهم يحمعوا الكسور او لا تجمع انما تضل 81.33
وجزاك الله خير

فراشة كيوت
07-04-2010, 12:33 PM
لا تضل زي ما هيا

وهما ينآدو ع الطلاب والطالبآت بالكسور

فراشة كيوت
07-04-2010, 01:12 PM
الجامعة حددت يوم السبت 12شعبان موعداً لبدء القبول الفوري

هذا الكلام من إحدى الصحف على لسآن عميد القبول والتسجيل د/وليد ألطف

إذا ما كنت غلطانه هذا أول يوم لمرآجعة الجامعه

واحتمال يكون أول يوم يحددوا فيه في أي يوم ترآجعهم

فراشة كيوت
07-04-2010, 01:35 PM
جلست أحسبلكم متى تقريبآ حيكون التسجيل ع الموقع

طلع معآيآ من 28 - 7 إلى 8 - 8

يعني هذا حسب ما سوولنا العآم

وطبعا ممكن يقدموا شويآ

جبرك الخاطر
07-04-2010, 03:29 PM
اختي جزاك الله خير وكثر الله من امثالك

حبيت اقولك انا رجل ابي اسجل بجامعة ام القرى قسم الهندسة ياليت تشرحين لي
كيف اسجل
كيف افتح ملف
ومتى بيبدأ التسجيل
وكيف اختر القسم

امانه ضروري

فراشة كيوت
07-04-2010, 04:08 PM
اختي جزاك الله خير وكثر الله من امثالك

حبيت اقولك انا رجل ابي اسجل بجامعة ام القرى قسم الهندسة ياليت تشرحين لي
كيف اسجل
كيف افتح ملف
ومتى بيبدأ التسجيل
وكيف اختر القسم

امانه ضروري


طيب يا أخوي

أول شي لازم تعرفه أن الهندسة لها سنة تحضيرية مشتركة مع الحآسب والسيآحة

وحسب المعدل في أول سنة يتحدد اذا تدخل هندسة أو حآسب وكذا

كيف تسجل وتفتح ملف دا الشي مررره سهل

تفتح البوابة الالكترونية (http://uquapp.uqu.edu.sa:7777/uqu/init)

تلاقي شي اسمه طلب قبول

تختار طلب قبوب جديد وتدخل البيآنآت المطلوبة

بس انتبهوا انه ي قسم للطلاب وفي قسم للطالبات

عشان لا تصير حوسه ومشاكل

التسجيل يبدأ تقريبا يوم 28 .. بس هما ما أعلنوا إلى الآ

كيف تختار القسم

لما تدخل بياناتك .. تطلعلك قائمة بالتخصصات المتاحة في خانه

والخانه الثآنية فاضية

إنت تنقل البيانات لها حسب الأولوية

موفق بإذن الله وأي شيء أنا موجودة

فراشة كيوت
07-04-2010, 07:05 PM
خبر من موقع الجامعه عن مواعيد التسجيل

القبول بالجامعة
صرح سعادة عميد القبول والتسجيل د/ وليد بن جميل الطف بان تقديم طلبات القبول للجامعة سيبدأ بتاريخ 28 /7 /1431هـ ويستمر حتى تاريخ 9 /8 /1431هـ عن طريق موقع الجامعة علي الانترنت. وبتاريخ 10 /8 /1431هـ سيتم طباعة إشعار بموعد مراجعة الجامعة لإتمام للقبول الفوري. علماً ان القبول الفوري سيبدأ بتاريخ 12 /8 /1431هـ وينتهي 21 /8 /1431هـ .
اما بالنسبة الى موعد القبول في برنامج الانتساب فسيبدأ بتاريخ 5 /8 /1431هـ ويستمر حتى الاكتفاء بالعدد المطلوب. كذالك نوه سعادة العميد الى ان مواعيد القبول في برنامج السنة التأهيلية في كلية خدمة المجتمع والتعليم المستمر سيبدأ بتاريخ 26 /8 /1431هـ. متمنين للجميع التوفيق.

المصدر (http://uqu.edu.sa/admission)

القلم الرائع
07-04-2010, 10:55 PM
أختي فراشه ........
متى برأيك أفضل موعد للسحب ملفي

فراشة كيوت
07-04-2010, 11:22 PM
طيب عندي سؤال بسيط

وان شاء الله ما تحتاج تلجأ لهذا الشي

انت اذا لا سمح الله

ما أنقبلت طب

عندك مشكلة في إنك تنقبل صيدلة أو طب مختبرات

وفي أول سنة تشد حيلك وتجيب في كل المواد أعلى من 80

ومررره الشغلة سهلة أنا دارسة ومجربة

إذا إيوا أسحب في أي وقت

أما إذا عندك إنك ما أنقبلت طب بتجلس في جآمعتكم

فانتظر نتيجة التحصيلي إذا كآنت أحسن ونسبتك صآرت تقريبآ 90

فأسحب وانت مطمن

=)

القلم الرائع
07-04-2010, 11:25 PM
طيب ياأختي لو طلعت نسبة القدرات والتحصيلي والثانويه فوق 89.5 اش رايك

فراشة كيوت
07-04-2010, 11:31 PM
ان شآآء الله مقبول

تعرف هيآآ توقف ع الفآآصلة

بس انت استخير

والخيرة فيما آختآآره الله

=)

القلم الرائع
07-04-2010, 11:39 PM
توقف على الفاصله معنى هذا ايش

فراشة كيوت
07-04-2010, 11:43 PM
يعني ممكن يوقف التسجيل ع 89.45

واللي 89.4 ما ينقبل

ممكن يكونوا اثنين ع جهازين مختلفين و احد ينقبل والثآني يقفل عليه التسجيل

فأنت أتوكل على الله

وإن شآء الله ربك ييسرها

=)

القلم الرائع
07-04-2010, 11:45 PM
يعني تنصحيني اسحب ملفي أي يوم يعني بالتاريخ

فراشة كيوت
07-04-2010, 11:55 PM
طيب جآآوب ع سؤآآلي اول :)

القلم الرائع
07-04-2010, 11:55 PM
والله ياأختي ماأبي الاطب والا جامعة الملك خالد

فراشة كيوت
07-05-2010, 12:02 AM
آهآآ أجل استخير ربك .. وشوف

انا أشوف السبت 5 - 8 كويس

أتوقع تكون طلعت نتيجة التحصيلي

انت شد حيلك والله ما يضيعلك تعب ان شاء الله

القلم الرائع
07-05-2010, 12:24 AM
طيب يأختي وآسفين على أزعاجك سالفة 3شهور على سحب الملف لاني اخاف اسحبه ثم يطلع بعدين أنه لازم 3شهور الظاهر لايجيني جلطه

فراشة كيوت
07-05-2010, 12:29 AM
ما لقيت شي زي كذا في موقع الجآمعه

بس أنا قلتلك الي صآر مع البنآآت

أغلبهم كانوا مستعيرين الشهآدة

يعني ما كانوا سآحبين الملف

ولا مر عليه 3 شهوور أصلا

:)

القلم الرائع
07-05-2010, 12:36 AM
طيب ياأختي الاستعارة سمعت ان ماعندنا وبعضهم يقول الاستعارة خلال48ساعه أذا مارجعت الملف يطبق عليك العقوبات فاش رايك لان الجامعة عندنا انظمتها عذاب

فراشة كيوت
07-05-2010, 12:39 AM
انت ما تستعير الا الشهادة

ثانوي و شهادة حسن سير وسلوك

والله يآ آبني أنا ما في يدي شيء

انت استخير ربك

والله يوفقك

سؤآل يطرح نفسه :)

انت متى اختبآرك..؟!

يآليل
07-05-2010, 03:49 AM
كيف نحسسب الدرجه المزونه؟ مع التحصيلي والقدرات والثانويه

فراشة كيوت
07-05-2010, 12:28 PM
(درجة الثآنوي × 0,5) + (درجة القدرآت × 0.3) + (درجة التحصيلي × 0,2) = النسبة الموزونة

هذا للعلمي

(درجة الثآنوي × 65) + (درجة القدرآت × 0.2) + (درجة التحصيلي × 0,2) = النسبة الموزونة

وهذا للأدبي

فراشة كيوت
07-05-2010, 06:44 PM
ع فكرة .. أنا موحود في منتديآت الجامعة باسم Dr.MeMe

إذا أحد منكم دخل أي فسم طبي ومحتآج أي شيء أنا بالخدمة

:)

القلم الرائع
07-05-2010, 08:28 PM
الله يبيض وجهك ويحرم وجهك على النار لكن برأيك اذا كانت نسبتي 97.20والقدرات82 كم لازم يكون التحصيلي عشان اسحب
والله يعطيك العافيه

Abdullah10
07-05-2010, 08:40 PM
اختي كيف طب في ام القرى قووي ؟
وكم اقل نسبة قبلت طب
وهل اذا دخلت صيدلة ولا علوم طبية يمديني احوول طب ؟؟؟؟؟؟
وشكرا لك

فراشة كيوت
07-05-2010, 08:53 PM
الله يبيض وجهك ويحرم وجهك على النار لكن برأيك اذا كانت نسبتي 97.20والقدرات82 كم لازم يكون التحصيلي عشان اسحب
والله يعطيك العافيه


ممممم 84 كويس

:)

فراشة كيوت
07-05-2010, 08:57 PM
اختي كيف طب في ام القرى قووي ؟
وكم اقل نسبة قبلت طب
وهل اذا دخلت صيدلة ولا علوم طبية يمديني احوول طب ؟؟؟؟؟؟
وشكرا لك

والله مو أنا اللي أقيم إذا قوي أولا :)

أقل نسبة 88% أو 89%

إيوآ تقدر تحول إذا جبت في كل الموآد أعلى من 80

Abdullah10
07-05-2010, 09:08 PM
طيب يااختي انا جايب 97 واتوقع انها كذا
وقدرات 69 والحمدلله على كل حال
وتحصيلي يمكن 71 - 77
هل انقبل في اي كلية صحية في ام القرى
يعني لوجبت 82 انقبل ؟


وجزاك الله خير

فراشة كيوت
07-05-2010, 09:13 PM
شووف يآابني لو جبت 77

تقريبآ النسبة المكافئة 84.6%

أتوقع تنقبل صيدلة أو أي قسم من كلية العلوم الطبية

القلم الرائع
07-05-2010, 09:59 PM
طيب يافراشة معنى هذا ماافكر بالسحب اذا طلعت اقل من84

فابري
07-05-2010, 10:13 PM
لو سمحتوا احد يساعدني ويقولي كيف السنه التحضيريه للهندسه سمعت ان اضافوا بعض التخصصات في السنه التحضيريه

فراشة كيوت
07-05-2010, 11:01 PM
طيب يافراشة معنى هذا ماافكر بالسحب اذا طلعت اقل من84

والله ع حسب الدرجة

بس لما تجيب 84 تكون النسبة المكافئة 90%

وتزيد فرصة القبول بشكل كبير

لأنو حتى لو قفل القبول على 89% العام

أغلب الطلاب كآنوا بين 90% و 89%

بين هذه النسبتين أكثر من 50 طالب

:)

فراشة كيوت
07-05-2010, 11:01 PM
لو سمحتوا احد يساعدني ويقولي كيف السنه التحضيريه للهندسه سمعت ان اضافوا بعض التخصصات في السنه التحضيريه

السنة التحضيرية مشتكرة بين الهندسة والحاسب والسياحة والادارة

موفق

=)

القلم الرائع
07-06-2010, 01:30 AM
يعني 84 كحد ادنى

فيصل 2020
07-06-2010, 02:01 AM
متى تكون المقابلة الشخصية

القلم الرائع
07-06-2010, 02:05 AM
فيصل أي كلية تبغى

فابري
07-06-2010, 03:40 AM
مشكوووووووووووووووووووووووووره فرااااااااااااااااااااشه كيوت

فيصل 2020
07-06-2010, 05:02 AM
ان شاء الله هندسة

حـــلآ
07-06-2010, 09:51 AM
السلام عليكم ورحمه الله وبركاته

يابنات وياشباب يااهل الخبره انا بسحب من الجامعه وبقدم ع جامعة جده لاني انا من جده والصراحه تعبت من الشوار وابي ارتاح>>تحكي معاناتها هع>المهم انا خايفه يقولو الجامعه تختم ع الشهاده ومااقدر اقدم كيف يعني صح هذا الكلاام ان الجامعه تختم ع الشهاده ومااقدر اقدم من جديد تكفوووووووووون طمنوني ابي ارتااح.. وكمان مااقدر احول معدلي مرره زفت..المهم ريحوني انصحووني مابي اغلط مرره ثانيه..الله يوفق إلي يرد علي ويحقق الي في باله ويسعده دنيا واخرره

القلم الرائع
07-06-2010, 01:13 PM
أخوي فيصل مافيه مقابلة القبول فوري
أختي حلا الله يعينك ماعندي اي فكرة لكن أن شاء الله الاخت فراشة تساعدك

فراشة كيوت
07-06-2010, 01:35 PM
يعني 84 كحد ادنى

لآ مو كذا بس يفضل تكون 84

إنت شوف وهذا الموضوع موجود

وأنا كمآن موجودة إلى يوم 11-8

فراشة كيوت
07-06-2010, 01:36 PM
مشكوووووووووووووووووووووووووره فرااااااااااااااااااااشه كيوت

لآ شكر على وآجب

فراشة كيوت
07-06-2010, 01:37 PM
متى تكون المقابلة الشخصية

ما في مقآبلآت شخصية

:)

قاهر العالم
07-06-2010, 01:38 PM
توضيح للطلاب الي يقول يبغا يدرس طب بأم القرى ...
الطب الآن أصبح سنه تحضيريه مثل الهندسه

انا حضرت اللقاء التعريفي بجامعة أم القرى وذكرو باللقاء أن كلية الطب نظامها مثل كلية الهندسة سنه تحضيريه وبعد سنه بالمعدل تختار القسم الي ترغبه ...
وبورقة التعريف مكتوب كذا
مسار صحي - طب وجراحه - علوم طبيه - صيدله
مسار هندسي هندسة كهربائية والخ..
--------
المسار الصحي هو قال تقريبا 85 وممكن تكون 80 وممكن تكون اقل ما ادري بالظبط وهو قال على حسب المتقدمين
يعني كلية الطب تحتاج 150 طالب و العلوم الطبيه 200 والصيدله 200 يعني 550 طالب تقريبا حيقبلوهم في المسار الصحي
وبعد سنه يتم احتساب المعدل الجامعي ويتم التخصيص
يعني طب وجراحة تقريبا 3.5 إلى 4
علوم طبية من 3 إلى 3.5
وصيدلة من 2.5 إلى 3
ومن يقل معدله عن 2.5 يتم تحويله خارج المسار الصحي لكليات أخرى
وللأهمية كلية طب الاسنان 50 إلى 100 طالب فقط والقبول فيها مباشرة مو تابعه للمسار الصحي يعني تقديم مباشر
هذا الي اعرفه والله اعلم
حبيت أوضح ذلك لأنه فيه طلاب تقول أحول بعد سنه وناس تقول الله ما راح اقبل

بالنسبة لي كنت أبغى اقدم على جامعة أم القرى لأن فيها قبول على طول
لكن ... دام ان نظامها اختلف
فـ جامعة الملك عبدالعزيز تدعو طلابها .. او البترول والمعادن و الملك سعود بالرياض

والي يبغى أم القرى الله يعينه أول سنه يبغاله يشد حيله ويضاعف مجهودة
الدراسه مو سهله خاصة الي يبغى طب
الطب الدراسه صعبه والمجال الطبي حتى تموت لازم العلم يكون متواصل ...
الله يعين الجميع والله يوفقنا ونحقق أحلامنا ان شاء الله

فراشة كيوت
07-06-2010, 01:39 PM
السلام عليكم ورحمه الله وبركاته

يابنات وياشباب يااهل الخبره انا بسحب من الجامعه وبقدم ع جامعة جده لاني انا من جده والصراحه تعبت من الشوار وابي ارتاح>>تحكي معاناتها هع>المهم انا خايفه يقولو الجامعه تختم ع الشهاده ومااقدر اقدم كيف يعني صح هذا الكلاام ان الجامعه تختم ع الشهاده ومااقدر اقدم من جديد تكفوووووووووون طمنوني ابي ارتااح.. وكمان مااقدر احول معدلي مرره زفت..المهم ريحوني انصحووني مابي اغلط مرره ثانيه..الله يوفق إلي يرد علي ويحقق الي في باله ويسعده دنيا واخرره

اللي أعرفه إنهم يختموا ع الصورة بس

ويكتبوا إنها مطابقة للأصل

طيب إنتي شو تخصصك..؟!

وكمان أتأكدي من حكآية ال 3 شهور ..؟! لأني جامعة الملك عبد العزيز كآتبينها في الشروط مو زي أم القرى ..؟!

وكمآن أحسبي حسآب السنة التحضيرية

والله يوفقك ويسهلك

=)

فراشة كيوت
07-06-2010, 01:44 PM
توضيح للطلاب الي يقول يبغا يدرس طب بأم القرى ...
الطب الآن أصبح سنه تحضيريه مثل الهندسه

انا حضرت اللقاء التعريفي بجامعة أم القرى وذكرو باللقاء أن كلية الطب نظامها مثل كلية الهندسة سنه تحضيريه وبعد سنه بالمعدل تختار القسم الي ترغبه ...
وبورقة التعريف مكتوب كذا
مسار صحي - طب وجراحه - علوم طبيه - صيدله
مسار هندسي هندسة كهربائية والخ..
--------
المسار الصحي هو قال تقريبا 85 وممكن تكون 80 وممكن تكون اقل ما ادري بالظبط وهو قال على حسب المتقدمين
يعني كلية الطب تحتاج 150 طالب و العلوم الطبيه 200 والصيدله 200 يعني 550 طالب تقريبا حيقبلوهم في المسار الصحي
وبعد سنه يتم احتساب المعدل الجامعي ويتم التخصيص
يعني طب وجراحة تقريبا 3.5 إلى 4
علوم طبية من 3 إلى 3.5
وصيدلة من 2.5 إلى 3
ومن يقل معدله عن 2.5 يتم تحويله خارج المسار الصحي لكليات أخرى
وللأهمية كلية طب الاسنان 50 إلى 100 طالب فقط والقبول فيها مباشرة مو تابعه للمسار الصحي يعني تقديم مباشر
هذا الي اعرفه والله اعلم
حبيت أوضح ذلك لأنه فيه طلاب تقول أحول بعد سنه وناس تقول الله ما راح اقبل

بالنسبة لي كنت أبغى اقدم على جامعة أم القرى لأن فيها قبول على طول
لكن ... دام ان نظامها اختلف
فـ جامعة الملك عبدالعزيز تدعو طلابها .. او البترول والمعادن و الملك سعود بالرياض

والي يبغى أم القرى الله يعينه أول سنه يبغاله يشد حيله ويضاعف مجهودة
الدراسه مو سهله خاصة الي يبغى طب
الطب الدراسه صعبه والمجال الطبي حتى تموت لازم العلم يكون متواصل ...
الله يعين الجميع والله يوفقنا ونحقق أحلامنا ان شاء الله


أنا أرسلت ايميل للعميد وما رد

بس يبآن وقت التسجيل إذا مكتوب تحضيري أو عآدي

ومع ذلك أنا أشوف أم القرى أفضل

حتى مع هذا النظام

أولآ إنت ضامن تخصص طبي

ثآنيآ : بسهوووله تقدر تجيب a و a+

وأقولها عن تجربة مو كلآآآم فاضي

أما طب الأسنآن فما يقبلو 50 - 100

إحنآ بس 21 طالبة وتقريبا الطلاب 24

:)

beeshoo.
07-06-2010, 04:12 PM
ممكن اسئل اذا الصيدلة فيها تأهيلي وايش اقل نسبة في التأهيلي
.....beeshoo..roseyzeeedroseyzeeed...

فراشة كيوت
07-06-2010, 04:14 PM
لا والله الصيدلة ما فيها تأهيلي

أما أقل نسبة ما أعرفها

تكون حسب نسب المتقدمين

amoolah10
07-07-2010, 01:21 PM
اختي فراشة كيوت
الله يعطيك ألف عافية على المجهود اللي تبذليه
علشان توضحي لنا استفسارات كثيرة
ربي يجازيك ألف خير ويوفقك ويحقق لك كل أمانيك



حبيت اسألك أنا جبت في الثانوي 99,6
والقدرات 83
كم يبغالي اجيب في التحصيلي علشان انقبل طب ؟؟؟

وانا سمعت من بعض المشرفات ان الاختبار القدرات الاول كان تجريبي فإذا كان عندك أي معلومة تطمنا أتمنى تردي لنا لاني في الاختبار الثاني مررررة ماكان حلو بالنسبة للقدرات
والله يعطيك العافية
يمكن يكون السؤال الاخير مو مكانه بس من حيرتي وخوفي انه مايحسبوه
صرت اسأل كل الناس

فراشة كيوت
07-07-2010, 01:59 PM
عشآآن تكون نسبتك المكافئة 90 يكفي تجيبي 77

بالنسبة للسؤال الأخير مآ أعرف

بس

وحده من صآحبآتي العام كان عندها اختبارين

اختبار السنة

واختبار السنة اللي قبلها

فلما جات تسجل موقع الجامعه أخذلها آخر اختبار

والدرجة حقته كانت أقل .. فهيا أخذت معآهآ صورة من الدرجة ورآحت أول يوم تسجيل وعدلولها هيا =)

amoolah10
07-07-2010, 08:38 PM
يعطيك العافية فراشة كيوت

^_^ zezoo^_^
07-08-2010, 12:13 AM
دحين مكتوب في الموقع انو التسجيل بدأ من زمــااان بس انا خشيت المــوقع ومني عارف كيف اسجل خشيت ع البوابة الالكترونية وحطيت طلب قبول وبعدين ما في شي يقولي لسة ؟؟؟!!
أحـــد يعــرف :)

فراشة كيوت
07-08-2010, 12:52 AM
^^

التسجيل يبدأ يوم السبت

28-7

موفق ..^^

جناااا
07-08-2010, 03:59 AM
يعطــيك العـأإفيــة دكتؤرة

بس بستفسـر عن قسم .. تصميم أزيـأء .. وقسم السكن وإدارة المنــزل ..

هي مفتؤحــة ؟؟؟

ومين يدخـله طالبات العلمـي والإ الادبــــي ؟؟

ولك جزيـــــــــل الشكــر ..

راما الدلوعه
07-08-2010, 12:44 PM
يعطيك العافيه على المعلومات المهمه

عندي سؤال

بالنسبه لاختبار كفايات الغه الانجليزيه ضروري اختبره اذا باادخل قسم حاسب الي واي تخصص للمواد العلميه وكمان الطب
او بس هو مخصص لقسم اللغه الانجليزيه
لانه فااختبار القدرات والتحصيلي جانا فيه قسم كله انجليزي

وشكراَ

فراشة كيوت
07-08-2010, 03:00 PM
يعطــيك العـأإفيــة دكتؤرة

بس بستفسـر عن قسم .. تصميم أزيـأء .. وقسم السكن وإدارة المنــزل ..

هي مفتؤحــة ؟؟؟

ومين يدخـله طالبات العلمـي والإ الادبــــي ؟؟

ولك جزيـــــــــل الشكــر ..

للأسم ما أعرف :(

فراشة كيوت
07-08-2010, 03:01 PM
يعطيك العافيه على المعلومات المهمه

عندي سؤال

بالنسبه لاختبار كفايات الغه الانجليزيه ضروري اختبره اذا باادخل قسم حاسب الي واي تخصص للمواد العلميه وكمان الطب
او بس هو مخصص لقسم اللغه الانجليزيه
لانه فااختبار القدرات والتحصيلي جانا فيه قسم كله انجليزي

وشكراَ

لآ بس للي بيسجلوا انجلش :)

راما الدلوعه
07-08-2010, 03:56 PM
مشكوووووووووره على المعلومه

يعطيك الف عافيه

asq100
07-08-2010, 04:57 PM
سلام عليكم
النسبة الثانوية=78
القدرات =59 هذه هنا المشكله
التحصيلي =لم تنزل بعد
ارغب في
تخصص الحاسب في الجامعة أم القرى
وتخصص الهندسه الحاسب في جامعة أم القرى
تتوقع أقبل
سوال أخر
التقديم في جامعة القنفذة متى يبدء

ارجو الإجابة ضروري

:::عبدالرحمن:::
07-08-2010, 05:00 PM
اخوي ام القرى فيها سنة تحضيرية

واذا كان فيها هل تحضر التخصص الا اخترته ولا تحضر بشكل عام مثل اكثر الجامعات

وهل لجامعة فرع في القنفذة فيه هندسة كهربائية
دخلت موقع الجامعة مافي تقديم

هل انتهى ام لم يبدا

فراشة كيوت
07-08-2010, 05:00 PM
سلام عليكم
النسبة الثانوية=78
القدرات =59 هذه هنا المشكله
التحصيلي =لم تنزل بعد
ارغب في
تخصص الحاسب في الجامعة أم القرى
وتخصص الهندسه الحاسب في جامعة أم القرى
تتوقع أقبل
سوال أخر
التقديم في جامعة القنفذة متى يبدء

ارجو الإجابة ضروري

التقديم في القنفذة يبدأ قبل هنا

ويكتبوا الاعلان في الموقع

إذا شفتو قلتلك

أما الحاسب والهندسة بالنسبة للشباب .. سنة تحضيرية

ما أعرف ع كم قفلت والله

فراشة كيوت
07-08-2010, 05:05 PM
اخوي ام القرى فيها سنة تحضيرية

واذا كان فيها هل تحضر التخصص الا اخترته ولا تحضر بشكل عام مثل اكثر الجامعات

وهل لجامعة فرع في القنفذة فيه هندسة كهربائية
دخلت موقع الجامعة مافي تقديم

هل انتهى ام لم يبدا

في من العام سنة تحضيرية مشتركة ( حاسب وهندسة وسياحة)

وهذه السنة يقولو في للكليات الصحية

وطبعا تكون حسب المعدل

فتحت موقع الجامعه مافي هندسه في القنفذة

التقديم يبدأ السبت بإذن الله

Only-Lozah
07-08-2010, 06:41 PM
السسسلآم عليكم
ابغا استفسر اذا ممكن راح انقبل في قسسم التغذية الاكلينيكية
مرآ حااابه هذا القسسم وحاولت اجيب مجموع كويسس بس للاسف >_<
معدلي التراكمي 88.49 والقدرات 72 << الاختبار الاول .. الثاني كان احسن منه بشويا وان شاء الله اجيب اكثر من 72
التحصيلي ما اعرف لسسع بس اتوقع فوق الـ70
فهل يمديني ادخل القسسم ..؟؟
=(

فيصل 2020
07-08-2010, 07:52 PM
شروط الطب

هل هي نفسها شروط العلوم الطبية التطبيقية


مناحية النسبة والنسبة الخاصة

〓•∞ ḏгεαм ∞•〓
07-08-2010, 08:15 PM
فرآشة الله يجزآكي خير .. لآزم تجاوبني .,. بصرآآحة خاااااااايف ..

أنا السنوآت ـآللي فاتت .. كانت درجاتي حلوة .. إلين الترم اللي فات ..

أما هذا الترم الأخير .. و لـ ظروف خاصة خبصت عز التخبيص .. يعني الدرجاااات مررره طاايحة

بس الحمد لله معدلآتي في الوقت اللي فات حلوة ..

و الأن معدل الثانوية النهائي حقي 90.9 %

هل ينظرون لدرجات أخر ترم ؟؟؟ لآنهم لو نظروآ مصييييبة بتحصل !!

معدلي في الثانوية : 90,9 %
القدرآت : 81%
التحصيلي : ؟؟ %

هل يقبلوني في الهندسة .. و الله مصيبة لو ما إنقبلت ..

فرآشة الله يرضى عليكي .. من جد مستني ردك !!

و هل بدآ ـآلتسجيل ؟ و كيف طريقة التسجيل الألكتروني في أم القرى ؟

آسف أدري أسئلتي كثيرة .. بس و الله لو جـآوبتي ما رآح أنساكي من الدعـآء ..

طعن قلبي بهجره
07-08-2010, 10:00 PM
مسآآآآآء الخيرآآآآتـ ..


بليز عندي استفسار ياليت تفيدوني ..
بالنسبه لقسم ادارة اعمال بجامعة ام القرى .. هل دراستهم عربي او انجليزي <<< هذا اولا

وهل يقبلوا قسم ادبي او لازم علمي >>> هذا ثانيا

وياترى لازم نسبه عاليه او شو الوضع لانو نسبتي بالثانوي مرررره موحلوه لكن بالقدرات 91 ؟؟؟؟


مشكوووورين من كل قلبي ...!!

فراشة كيوت
07-08-2010, 10:03 PM
السسسلآم عليكم
ابغا استفسر اذا ممكن راح انقبل في قسسم التغذية الاكلينيكية
مرآ حااابه هذا القسسم وحاولت اجيب مجموع كويسس بس للاسف >_<
معدلي التراكمي 88.49 والقدرات 72 << الاختبار الاول .. الثاني كان احسن منه بشويا وان شاء الله اجيب اكثر من 72
التحصيلي ما اعرف لسسع بس اتوقع فوق الـ70
فهل يمديني ادخل القسسم ..؟؟
=(

للأسف أتوقع لآ وانتي جربي

من الشروط إنه يكون نسبة الثانوي أعلى من 90

وبرضو أنتي جربي ما أعرف إذا دي السنة يسمحوا أو لا

فراشة كيوت
07-08-2010, 10:03 PM
شروط الطب

هل هي نفسها شروط العلوم الطبية التطبيقية


مناحية النسبة والنسبة الخاصة

نفسسسها

اللهم إن الطب يقفل على نسب موزونة أعلى

فراشة كيوت
07-08-2010, 10:06 PM
فرآشة الله يجزآكي خير .. لآزم تجاوبني .,. بصرآآحة خاااااااايف ..

أنا السنوآت ـآللي فاتت .. كانت درجاتي حلوة .. إلين الترم اللي فات ..

أما هذا الترم الأخير .. و لـ ظروف خاصة خبصت عز التخبيص .. يعني الدرجاااات مررره طاايحة

بس الحمد لله معدلآتي في الوقت اللي فات حلوة ..

و الأن معدل الثانوية النهائي حقي 90.9 %

هل ينظرون لدرجات أخر ترم ؟؟؟ لآنهم لو نظروآ مصييييبة بتحصل !!

معدلي في الثانوية : 90,9 %
القدرآت : 81%
التحصيلي : ؟؟ %

هل يقبلوني في الهندسة .. و الله مصيبة لو ما إنقبلت ..

فرآشة الله يرضى عليكي .. من جد مستني ردك !!

و هل بدآ ـآلتسجيل ؟ و كيف طريقة التسجيل الألكتروني في أم القرى ؟

آسف أدري أسئلتي كثيرة .. بس و الله لو جـآوبتي ما رآح أنساكي من الدعـآء ..


الهندسة ما أتوقع يطلبوا الدرجآآت

وهيا سنة تحضيرية مشتركة بين الهندسة والحاسب والادارة والسياحة

وبإذن الله مقبول لأنه القبول في السنة التحضيرية سهل نوعا ما

بس شد حيلك وجيب معدل عشان تدخل هنسة بعد أولى

التسجيل يبدأ السبت

وطريقته عادي

تدخل البوابة الالكترونية وتعمل طلب قبول جديد للطلاب

وتدخل بياناتك ورغباتك

موفق بإذن الله

:)

فراشة كيوت
07-08-2010, 10:10 PM
مسآآآآآء الخيرآآآآتـ ..


بليز عندي استفسار ياليت تفيدوني ..
بالنسبه لقسم ادارة اعمال بجامعة ام القرى .. هل دراستهم عربي او انجليزي <<< هذا اولا

وهل يقبلوا قسم ادبي او لازم علمي >>> هذا ثانيا

وياترى لازم نسبه عاليه او شو الوضع لانو نسبتي بالثانوي مرررره موحلوه لكن بالقدرات 91 ؟؟؟؟


مشكوووورين من كل قلبي ...!!

أصلآآ مين قآآل أنه عندنا إدارة أعمال للبنآآت

بصرآآحة اللي أعرفه إنه مآآفي

وأنتي أتأكدي أكتر ..

التسجيل بعد يومين ويطلعلك التخصصات المتاحة لقسمك لما تدخلي في بيآآناتك انتي علمي أو أدبي

موفقة

:)

فيصل 2020
07-08-2010, 10:38 PM
كيف تحسب النسبة الخاصة


وهل هي لسنة ثانية وثالثة ولا بس ثالث للمقرر الواحد؟؟؟؟


ولو النسبة الخاصة اقل من 90 هل اقدر ادخل علوم طبية تطبيقية ولا ان انساها ؟؟؟

فراشة كيوت
07-08-2010, 11:29 PM
كيف تحسب النسبة الخاصة


وهل هي لسنة ثانية وثالثة ولا بس ثالث للمقرر الواحد؟؟؟؟


ولو النسبة الخاصة اقل من 90 هل اقدر ادخل علوم طبية تطبيقية ولا ان انساها ؟؟؟

هيآآ لثآآلث ككل من 100

النسبة الخاصة = ( حاصل جمع درجات مقررات : الأحياء + الكيمياء + الفيزياء + اللغة الانجليزية ) ÷ 4

ودا شرط أساسي

فيصل 2020
07-09-2010, 12:17 AM
هيآآ لثآآلث ككل من 100

النسبة الخاصة = ( حاصل جمع درجات مقررات : الأحياء + الكيمياء + الفيزياء + اللغة الانجليزية ) ÷ 4

ودا شرط أساسي


يعني بس درجات سنة ثالث ثانوي لهذه المواد

طعن قلبي بهجره
07-09-2010, 12:29 AM
مشكووووره قلبووو ..

بس لقيت بالنت هالقسم <<< يمكن مخربطة ويكون قسم تماسيح بس :36_1_30:


ع العموم راح اتاكد ...

amoolah10
07-09-2010, 01:04 AM
عندي سؤال واتوقع الكل يسأله
التسجيل في جامعة ام القرى راح يبدأ السبت
واحنا ماعندنا ولانتيجة في يدنا الى الان
حتى نتائج الثانوي السبت أو الاحد ( لطالبات نظام المقررات )
ايش راح ندخل لمن نجي نسجل ؟؟
ارجو الرد ... والعام صار معاكم كذا ولا كيف ؟

فراشة كيوت
07-09-2010, 01:09 AM
يعني بس درجات سنة ثالث ثانوي لهذه المواد

يب

:)

فراشة كيوت
07-09-2010, 01:10 AM
مشكووووره قلبووو ..

بس لقيت بالنت هالقسم <<< يمكن مخربطة ويكون قسم تماسيح بس :36_1_30:


ع العموم راح اتاكد ...

غالبآآ زي ما قلتي للأولاد بس

فراشة كيوت
07-09-2010, 01:12 AM
عندي سؤال واتوقع الكل يسأله
التسجيل في جامعة ام القرى راح يبدأ السبت
واحنا ماعندنا ولانتيجة في يدنا الى الان
حتى نتائج الثانوي السبت أو الاحد ( لطالبات نظام المقررات )
ايش راح ندخل لمن نجي نسجل ؟؟
ارجو الرد ... والعام صار معاكم كذا ولا كيف ؟

أنا العآآم لما سجلت مآآكآآن عندي أي درجة

دخلت بيآآنآآتي وبس

لما أستلمت الشهآآدة .. دخلت النسبة والرغبآآآت .. ودرجآآت المواد لمطلوبة

واخترت التخصصات

عندك فترة كوويسه تدخلي فيها

ومآآيفرق لو سجلتي ودخلتي بيآآنآآآتك أول يوم ولا آخر يوم

موفقه

=)

فيصل 2020
07-09-2010, 01:15 AM
يب

:)
مشكور وماقصرت جزاك الله خير اعطيتني امل


الله ييسر لك امورك قول آمين

فراشة كيوت
07-09-2010, 02:59 AM
آآميييييين

:)

ذوق وقدري فوق
07-09-2010, 03:50 PM
ياشيخة روحي ربي يسسعدك ويوفقك

تآبعت الموضوع من الاول للاخير !


وبالفعل شفت ردودك بملتقى طلاب وطالبات ام القرى << قبل شوي كنت مطبح هناك وتحطمت وربي
شكله مافي لاطب وجراحة ولاطب اسنان وامه


//
/

شوفي يآسستي انا ارتحت لكلامك .. وابيك تريحيني بكم نصيييحة




انا سلمك الله :. من مكة طبعـآ ونـآوي ادرس بام القرى

لقيت فرص كثير مثلا جامعه الطائف طب او عزوز سنة تحضريية او او ولاقدمت ولاع شيء

ابي ام القرى وبس

//
/

حقولك نسبتي :.



نظآمـ مقررات الثانويه = 99.47

القدرات لللاسف = 75

التحصيلي لسع مابين = بس نقول امكن فوق 65 إن شاء الله كحد أدنى

//
/


بناءا ع نسبي :. تبين مايآتي << حآسس نفسه يلقي محاضرة وبدا يتفلسف


الطب والجراحة + طب الاسنــآن = مسسستحيل انقبل فيهمـ لانه انكبت في القدرات

والموزنه حقتي ماتتعدى 87 وحولهـآ !


//
/

اللي ابي اسأله وابيك تريحيني وتنصحيني :.



الخيارات اللي حتكون مطروحة قدامي اكيد :

1 . علومـ طبية 2 . صيدلة


ابيك تنصحيني وش ادخل فيهمـ .. سمعت انه الصديلة مره صعبة وكلها كيمياء

وانا مالي رغبة فيهـآ ! <<< لكن لو سمعت نصحيتك امكن يأثر فيني كلامك



اللي حيصير .. علومـ طبية :.


شو افضل تخصص فيهـآ << لاتقولين حسب ميولك ومدري وش .. عـآدي كلهمـ حلوين بس ابي وش
اللي افضل وفرص العمل اكثر ورواتب ومكانة وهيك يعني


انا اشوف طب المختبرات مرة كويس .. ولا تمريض ولا تغذية ولا اشعة ولاعلاج طبيعي !


ابي اسمع نصائحك .. بالنسبة للصعوبة والدراسة وهيك وهيك .. بما انك دارسة بام القرى


الشيء الثاني :. الحمد لله عندي طموح وافكر انه اجيب معدل كويس بالسنة التحضييرية واحول طب


بس كيف السنة التحضيرية صعبه مرة ولاسهلة ولامتوسطة ؟؟


//
/

<< عـآرف خيتو كثرت اسئلة عليك .. بس سآمحيني وربي قلقان ومتوتر وحتى الاجازة مالها طعم عندي
الله يعدي هالايام ع خير ويتحدد مصيرنـآ .. ونببسط بالاجازهـ !

amoolah10
07-09-2010, 09:24 PM
اختي فراشة كيوت ...
اذا ممكن اعرف تخصصك ...
اللي اعرفه انه في المسار الصحي ..
بس طب ولا ايش ؟؟؟

وهل فيه مقابلة شخصية للطب
واذا كان فيه مانوعية الاسئلة فيها ؟
بالعربي ولا بالانجليزي ؟؟
اذا عندك تجربة ياليت تفيدنا
ولك الشكر مقدما

فراشة كيوت
07-09-2010, 09:39 PM
ياشيخة روحي ربي يسسعدك ويوفقك

تآبعت الموضوع من الاول للاخير !


وبالفعل شفت ردودك بملتقى طلاب وطالبات ام القرى << قبل شوي كنت مطبح هناك وتحطمت وربي
شكله مافي لاطب وجراحة ولاطب اسنان وامه


//
/

شوفي يآسستي انا ارتحت لكلامك .. وابيك تريحيني بكم نصيييحة




انا سلمك الله :. من مكة طبعـآ ونـآوي ادرس بام القرى

لقيت فرص كثير مثلا جامعه الطائف طب او عزوز سنة تحضريية او او ولاقدمت ولاع شيء

ابي ام القرى وبس

//
/

حقولك نسبتي :.



نظآمـ مقررات الثانويه = 99.47

القدرات لللاسف = 75

التحصيلي لسع مابين = بس نقول امكن فوق 65 إن شاء الله كحد أدنى

//
/


بناءا ع نسبي :. تبين مايآتي << حآسس نفسه يلقي محاضرة وبدا يتفلسف


الطب والجراحة + طب الاسنــآن = مسسستحيل انقبل فيهمـ لانه انكبت في القدرات

والموزنه حقتي ماتتعدى 87 وحولهـآ !


//
/

اللي ابي اسأله وابيك تريحيني وتنصحيني :.



الخيارات اللي حتكون مطروحة قدامي اكيد :

1 . علومـ طبية 2 . صيدلة


ابيك تنصحيني وش ادخل فيهمـ .. سمعت انه الصديلة مره صعبة وكلها كيمياء

وانا مالي رغبة فيهـآ ! <<< لكن لو سمعت نصحيتك امكن يأثر فيني كلامك



اللي حيصير .. علومـ طبية :.


شو افضل تخصص فيهـآ << لاتقولين حسب ميولك ومدري وش .. عـآدي كلهمـ حلوين بس ابي وش
اللي افضل وفرص العمل اكثر ورواتب ومكانة وهيك يعني


انا اشوف طب المختبرات مرة كويس .. ولا تمريض ولا تغذية ولا اشعة ولاعلاج طبيعي !


ابي اسمع نصائحك .. بالنسبة للصعوبة والدراسة وهيك وهيك .. بما انك دارسة بام القرى


الشيء الثاني :. الحمد لله عندي طموح وافكر انه اجيب معدل كويس بالسنة التحضييرية واحول طب


بس كيف السنة التحضيرية صعبه مرة ولاسهلة ولامتوسطة ؟؟


//
/

<< عـآرف خيتو كثرت اسئلة عليك .. بس سآمحيني وربي قلقان ومتوتر وحتى الاجازة مالها طعم عندي
الله يعدي هالايام ع خير ويتحدد مصيرنـآ .. ونببسط بالاجازهـ !



الله يسعدك ويوفقك يآآآشيخ

اللي متوفر للأولاد في كلية العلوم الطبية

مختبرآت .. علآج طبيعي .. بس

طبعآآ المختبرآآت قسم قديم وأول قسن افتتح في الكلية .. العلآج الطبيعي أول دفعة اتخرجت هذه السنة أتوقع

الصيدلة .. أول دفعة حتتخرج السنة الجآية

صحيح الصيدلة فيهآ كيميآآء بس مختلفة عن كيميآآء المدرسة

نصيحتي .. أختآآر التحصص الأقرب لك .. إذا مآآكآن تحضيري

وشد حيلك أول سنة وبتحول بالرآحة

الدرآآسة تعتبر سهلة .. بس لآزم مآ تهمل

يعني إذا ذاكرت .. مو صعبة تجيب a+ في كل الموآد

نصيحتي شد حيلك وحول طب أو طب أسنان

وعندكم طب الأسنان العام قفل بعد الطب

يعني في فرصة للقبول =)

هوا بكره يبين إذا تحضيري أو لا .. إذا كان تحضيري فطمن بآلك والله الدرآسة سهلة

وإذا ما كان تحضيري شوف التخصص اللي تحس إنه أقرب لميولك .. لأنه صعبة تكمل في تخصص ما تحبه .. إذا ربك قدر إنك ما تحول

وأنا ما أقدر أنصحك بشي أكتر من كدا

لسى أنا طالعة ثآنية وما أعرف كثير عن التخصصات .. لو أعرف ما يغلى عليكم شيء

انت يكفي تجيب 78 تحصيلي .. فتكون نسبتك 88 تقريبا وتقدر تدخل طب أو طب أسنان

أدعي ربك إنت بس

موفق

=)

فراشة كيوت
07-09-2010, 09:41 PM
اختي فراشة كيوت ...
اذا ممكن اعرف تخصصك ...
اللي اعرفه انه في المسار الصحي ..
بس طب ولا ايش ؟؟؟

وهل فيه مقابلة شخصية للطب
واذا كان فيه مانوعية الاسئلة فيها ؟
بالعربي ولا بالانجليزي ؟؟
اذا عندك تجربة ياليت تفيدنا
ولك الشكر مقدما


أنا طب أسنان :)

لا ما في مقابلة أو أي شيء

مجرد تسلمي ملفك وأوراقك وتكوني أنقبلتي

موفقه

=)

فيصل 2020
07-09-2010, 11:56 PM
التسجيل يفتح بعد الساعة 12 او في الصباح ولا متى ؟؟؟؟؟؟؟؟؟؟؟؟؟؟؟؟

فراشة كيوت
07-09-2010, 11:58 PM
أتوقع الصبآآح

كلها 3 دقاايق ويبآآن كل شي

:)

فيصل 2020
07-09-2010, 11:59 PM
موقع الجامعة ماصار يفتح بسرعة هذا بس عندي ولا عندكم كمان

فراشة كيوت
07-10-2010, 12:02 AM
آيوآآ .. طول اليوم

هذا رابط البوابة اللي تسجل منها

شغال تمام مآآشآآء الله

http://uquapp.uqu.edu.sa:7777/uqu/init

فيصل 2020
07-10-2010, 12:05 AM
مشكوووووووووووووور




بدأ التسجيل ولا لا ؟؟؟؟؟؟؟؟؟؟؟؟

فراشة كيوت
07-10-2010, 12:07 AM
لا ما فتح

أتوقع الصبآح 7 .. 8

فراشة كيوت
07-10-2010, 12:11 AM
نسيت في تخصص إدارة صحية كمان في كلية العلوم التطبيقية

:)

فيصل 2020
07-10-2010, 12:20 AM
فراشة كيوت


ينفع اسجل في عدة جامعات وبعدين اختار الي ابغاها ولا لا ؟؟؟؟؟؟؟؟

فراشة كيوت
07-10-2010, 12:22 AM
آيوآآ ينفع

:)

فيصل 2020
07-10-2010, 12:24 AM
يعني ما يأثر بشي

amoolah10
07-10-2010, 12:26 AM
ليش الموقع مايفتح ؟؟

فراشة كيوت
07-10-2010, 12:26 AM
لا ما يأثر

بس غالبا يكون القبول في أكثر من جامعه في يوم واحد

انت اختار الجامعه اللي تباها وسلم ملفك لها

أنا كذا صاحباتي عملوآ

بس أنا ما سجلت إلا في أم القرى :)

فراشة كيوت
07-10-2010, 12:28 AM
الله أعلم يمكن في شي بيسووه

بس هوا تجي عليه حالآت

أدخلي ع البوابة ع طول

http://uquapp.uqu.edu.sa:7777/uqu/init

amoolah10
07-10-2010, 12:29 AM
ايش المعلومات المطلوبة عند التسجيل ؟
حتى لمن افتح ع البوابة
مايروح ع الصفحة الرئيسة معلق مدري ايش فيه
...

فراشة كيوت
07-10-2010, 12:30 AM
المعلومات

الاسم .. السجل المدني .. النسبة .. الاسم انجلش .. أرقام جوالات .. علمي أو أدبي

اسم المدرسة .. مو فاكرة البآآقي :)

الموقع ما يفتح .. أدخلي ع البوابة إذا فتح التسجيل

amoolah10
07-10-2010, 12:32 AM
بعد ما ادخل ع الرابط ايش اضغط ؟

فراشة كيوت
07-10-2010, 12:33 AM
تلاقي فوق طلب قبول

بعدين تدخلي طلب قبول جديد للطالبات :)

amoolah10
07-10-2010, 12:37 AM
الله يوفقك ويسعدك
وتحصلي ع افضل الدرجات

فراشة كيوت
07-10-2010, 12:38 AM
الله يسمع منك =)

وييسرلك أمورك

فيصل 2020
07-10-2010, 12:39 AM
احسلي اسجل في ام القرى وبس بلا اكثر من جامعة بلا بطيخ صح ولا انا غلطان

فراشة كيوت
07-10-2010, 12:40 AM
^^

أنا كمآآن كذا عملت .. كفآآية مشوار الجآمعه

مممم

القبول في الطايف أسهل

بس مشوآآر

خليك ع مكه والله يسهلك =)

فيصل 2020
07-10-2010, 12:42 AM
امين دعواتك ليا اني انقبل في قسم المختبرات

متى يقفل القسم هل له مستقبل ولا الصيدلة

فراشة كيوت
07-10-2010, 12:45 AM
عآآرف المختبرآآت فيه كتير متخرجين .. بس الصيدلة لا

اللي موجودين كلههم فنيين صيدلة مو بكالوريوس

والقبول في القسمين سهل نوعآ مآ .. يعني يقفل على 84% أو شي زي كذا

فيصل 2020
07-10-2010, 12:47 AM
كيف دراستها سهلة ولا صعبة

فراشة كيوت
07-10-2010, 12:49 AM
الصيدلة..؟؟

فيصل 2020
07-10-2010, 12:51 AM
لالا مختبرات

فراشة كيوت
07-10-2010, 12:52 AM
والله ما أعرف ..

بس مافي شيء سهل ..

انت اجتهد وربك ييسرها

فيصل 2020
07-10-2010, 12:57 AM
طيب معلي اخر سؤال

النسبة الي يقبلونها كمعدل عام ( تحصيلي + ثانوي + قدرات)

اقل نسبة يقبلونها

فراشة كيوت
07-10-2010, 12:58 AM
والله ما أعرف أتوقع 84-85%

بس مو متأكده

فيصل 2020
07-10-2010, 01:03 AM
طيب اخر اخر سؤال


كيف هندسة الحاسب والنسبة وايش وظائفها

فراشة كيوت
07-10-2010, 01:05 AM
مممم

طبعآ الهندسة سنة تحضيرية

بعد أول سنة يحددولك .. إذا هندسة ولا هندسة حاسب ولا علوم حآسب ولا ادارة

أما وظائفها ما أعرفها للأسف

فيصل 2020
07-10-2010, 01:08 AM
يعني زي المختبرات اول سنة تحضيرية

فراشة كيوت
07-10-2010, 01:11 AM
^^

الطب والمختبرات وكدا .. مو أكيد تحضيري

:)

@الحسناني@
07-10-2010, 01:12 AM
متى التسجيل,... لاني ملخبط في هالجـــــــامعات

فراشة كيوت
07-10-2010, 01:13 AM
السبت .. بس ما بدأ أتوقع 7 أو 8 الصبآح

amoolah10
07-10-2010, 01:13 AM
التسجيل في جامعة ام القرى
السبت 28 - 7

فيصل 2020
07-10-2010, 01:13 AM
اهاااا

مشكور وماقصرت ومعليش ثقلت عليك

فراشة كيوت
07-10-2010, 01:14 AM
لآ ولو آنتوو زي أخوآآني وأخوآآتي :)

@الحسناني@
07-10-2010, 01:17 AM
مشكووووووووورة الله يخليك ويوفقك في دينك ودنياك كلها

خطوآت أنثى..!
07-10-2010, 01:19 AM
هاللحييين هذا الرابط مو حق الصيفي اصلا مكتووب 1430


http://uquapp.uqu.edu.sa:7777/uqu/init (http://uquapp.uqu.edu.sa:7777/uqu/init)

فيصل 2020
07-10-2010, 01:19 AM
الله يخليك ويوفقك في دينك ودنياك كلها

ويسهلك كل صعب

فراشة كيوت
07-10-2010, 01:22 AM
هاللحييين هذا الرابط مو حق الصيفي اصلا مكتووب 1430


http://uquapp.uqu.edu.sa:7777/uqu/init (http://uquapp.uqu.edu.sa:7777/uqu/init)

لا عآدي هذا رابط القبول

الصيفي انتهى التسجيل وبدأت الدراسة

فراشة كيوت
07-10-2010, 01:23 AM
العفوو .. هذا أقل من الواجب

الله يوفقكم ويسهلكم أموركم

خطوآت أنثى..!
07-10-2010, 01:34 AM
بسسسسألك ياعسسل كم اقل نسسبه تقبلها ام القرى في الاغلب يعني في السبعينات ولا شوووو

وسسسؤال ع بطاقه البنك والكشف الطبي متى نسويهاا

تعبنااك :)

فراشة كيوت
07-10-2010, 01:44 AM
أتوقع في حدود 78%

البطاقة في أي وقت ..

الكشف الطبي سوينآآه ورحنا الجامعه وختمنا وحسنآآ حوسه

وآخر شي الا الآن عندي في البيت :)

ما أخذوه مني

خطوآت أنثى..!
07-10-2010, 01:51 AM
يعني البطاقه مومشكله لو سويتها بعد يعني اقصد مايطلبونها وقت التسجيييييل

الكشف الطبي وين نسويه في مستشفى وقبل مايبدا التسجيييل

ولازم ينختم بعد يؤ


وللليييييييييييييه مااخذوووه
يطلبونه وماياخذووونه :(


:)

فراشة كيوت
07-10-2010, 01:55 AM
البطاقة عادي

يقولولك افتحي حساب ودخليه في صفحتك ع موقع الجامعه في رمضان

الكشف .. بعد ما سلمنا أوراقنا .. رحت ختمته من الادارة الطبية

لما خلصت قلتلها فين أوديه .. قالتلي مع ملفك .. طبعا احنا خلاص أديناهم الملف .. فما أقدر أرجع مره ثانية أقلها باقي الكشف :)

خطوآت أنثى..!
07-10-2010, 02:02 AM
يعني اسويه قبل التقديم يكووون افضل صحح

طيب تسوينه في مستشفى وش تقولين لهم ابي اسوي كشف طبي لجامعه ولا شووو

والله احس اني دخت من هرررجهم الزايد

ورربي عارفه اني تعبببتك بس استحميلنا احنا زي الضايعين ندور اي احد يجاوب ع اسئلتنا :)

الله يعطيك العافيه :)

فراشة كيوت
07-10-2010, 02:05 AM
^^

عآآآدي يآآ بنتي

انتي تطبعي الكشف وتسويه في المستشفى

أنا أديت أبويا الورقة وهوا سواها .. الأغلبية سووا كذا

لأنها ما لها داااعي

خطوآت أنثى..!
07-10-2010, 02:39 AM
مشكووووووووره ياسستي تعبناك معانا

الله يوفقك واشوفك دكتوره اسنان :)

amoolah10
07-10-2010, 07:21 AM
ياهووو ...
متأكدين من الرابط مكتوب الفصل الصيفي ...؟
كيف تجي ؟ وموقع الجامعة نفسه مايفتح ؟
ايش الحل ؟

فيصل 2020
07-10-2010, 08:04 AM
ياهووووو الساعة 8.00 وبعده ما فتح التسجيل

amoolah10
07-10-2010, 08:35 AM
سااااعدوووني ...
التسجيل فتح وانا ماعندي نسبة الثانوي ..
وحاطين عندها نجمة يعني ضروري اعبيها
ايش اسوي ؟؟

فيصل 2020
07-10-2010, 09:08 AM
بعد ما أخلص واطبع الورقة اقفل الصفحة عادي خلاص ولا اسوي شي كمان

amoolah10
07-10-2010, 09:21 AM
ياليت احد يجاوبني ...
ايش احط في النسبة واانا مو عندي الى الان نسبتي
حسبي الله ونعم الوكيل:(

فراشة كيوت
07-10-2010, 01:33 PM
آيوآآ فيصل بس احفظ رقم الطلب والرقم السري وكذا

أمووله حطي نسبة تقريبيه وبعدين عدليها

فراشة كيوت
07-10-2010, 02:05 PM
شبآآب .. صبآآيآآ

هآآ .. تحضيري ولا .. كيف

ما أتوقع تحضيري .. بس طمنونآآ

فراشة كيوت
07-10-2010, 02:39 PM
يسلموو .. خلاص سألت :)

فيرزآتـشي
07-10-2010, 02:45 PM
حتى انا ما اخذت نسبتي للحين أكيـد اقدر اعدل النسبه بعدين

فراشة كيوت
07-10-2010, 02:49 PM
^^
ايووا تقدري

بس مو اليوم كان استلام الملفات..؟؟

مَلآكْ
07-10-2010, 02:52 PM
فرآشة قلبـو . .
سجلت بـ أم القرى . .
بس احترت بشئ . .
علوم طبيعية والقسم العلمي
أحسهم نفـس الشئ
بس حطيت القسسم العلمي :Ss

والتحصيلي والقدرات ماحطيت فيهم شئ .؟
عآدي كيذا ولالا .. ؟

حتى طيبة . . بس طيبة حطيت فيهم تقريبي من عندي لان مايمدي اكمل تسجيل الا ضروري اسوي كيذا . .

بس الحين بسأل .. خلاص بس احط بياناتي الطلب يصير أوكي .؟

لان تو الفيصل .. سجلت فييها .. أحسها هي الي اعطتني شعور أني سجلت بجامعة :sS
انو خلاص تم ارسال الطلب و........... الخ
اما الباقي مااحس :Ss

فراشة كيوت
07-10-2010, 02:56 PM
فرآشة قلبـو . .
سجلت بـ أم القرى . .
بس احترت بشئ . .
علوم طبيعية والقسم العلمي
أحسهم نفـس الشئ
بس حطيت القسسم العلمي :ss

والتحصيلي والقدرات ماحطيت فيهم شئ .؟
عآدي كيذا ولالا .. ؟

حتى طيبة . . بس طيبة حطيت فيهم تقريبي من عندي لان مايمدي اكمل تسجيل الا ضروري اسوي كيذا . .

بس الحين بسأل .. خلاص بس احط بياناتي الطلب يصير أوكي .؟

لان تو الفيصل .. سجلت فييها .. أحسها هي الي اعطتني شعور أني سجلت بجامعة :ss
انو خلاص تم ارسال الطلب و........... الخ
اما الباقي مااحس :ss

ايووا القسم العلمي

عادي القدرات اذا حابة تحطي اللي عندك أول .. إذا مو حابة سيبيه فاضي

ايوا إذا طلعتلك آخر ورقة معناته أووك

موفقه

:)

مَلآكْ
07-10-2010, 03:00 PM
ايووا القسم العلمي

عادي القدرات اذا حابة تحطي اللي عندك أول .. إذا مو حابة سيبيه فاضي

ايوا إذا طلعتلك آخر ورقة معناته أووك

موفقه

:)

كيـف يعني آخـر ورقه :)

يعني مثلا الفيصل طلع لي كذا
الطلب مكتمل ونرجو مراجعة بياناتك أعلاه للتأكد من صحتها
وفي حالة عدم وجود أية ملاحظات يرجى الإنتظار لحين إعلان النتائج عبر موقع الجامعة

أم القرى وطيبة ماطلع لي شئ من هذا القبيل :)

فيرزآتـشي
07-10-2010, 03:04 PM
الا كان اليوم بس رحت ويقولون ما جات الشهادات من الرئاسة تعالو باكر وهاتك يا كذب ومواعيد فاضيه

فراشة كيوت
07-10-2010, 03:07 PM
آهآآ .. الله يعين

فراشة كيوت
07-10-2010, 03:08 PM
كيـف يعني آخـر ورقه :)

يعني مثلا الفيصل طلع لي كذا
الطلب مكتمل ونرجو مراجعة بياناتك أعلاه للتأكد من صحتها
وفي حالة عدم وجود أية ملاحظات يرجى الإنتظار لحين إعلان النتائج عبر موقع الجامعة

أم القرى وطيبة ماطلع لي شئ من هذا القبيل :)

لا ما يطلع

اهم شي لما تدخلي تلاقي بيانتك كلها اللي حطيتيها

ارتقاء
07-10-2010, 03:10 PM
انااا ابغى اسجل في اكثر من جااامعه عااااااااااااااادي

فراشة كيوت
07-10-2010, 03:11 PM
ايواا

sos
07-10-2010, 03:19 PM
لو سمحتو ممكن رابط التسجيل ؟


لأنو الموقع معلق عندي =(

فراشة كيوت
07-10-2010, 03:31 PM
http://uquapp.uqu.edu.sa:7777/uqu/init

sos
07-10-2010, 03:53 PM
جزاكي الله خير

رنين مكة
07-10-2010, 04:16 PM
ودي أعرف لو اني دخلت طب وانا ماعرف انقلش اقدر اكمل
لاني مغصوبة وماقدامي الا دا الحل
ياريت ضروري التسجيل بدا الآن

طعن قلبي بهجره
07-10-2010, 04:41 PM
مسآآآآء الخيرآآآت ..

ممكن اعرف متى يفتح تسجيل الاجانب ؟؟:36_1_5::36_1_5:

لانه بعد ماسجلت يقول الموقع مافي لغير السعوديين ؟؟

ممكن تفهموني >>> تحزن تهي تهي :36_1_4:

طعن قلبي بهجره
07-10-2010, 04:48 PM
وممكن لو احد عنده خبره بقسم علم معلوماات يقوول رأيه ..

والقسم يقبل شهادة الثانوي قسم ادبي ؟؟

مشكووورين

فراشة كيوت
07-10-2010, 04:56 PM
ودي أعرف لو اني دخلت طب وانا ماعرف انقلش اقدر اكمل
لاني مغصوبة وماقدامي الا دا الحل
ياريت ضروري التسجيل بدا الآن

والله إذا يمشي الحال ممكن

لأن في كورس انجلش 12 ساعه في الأسبوع

إذا مرررره مو تمام حاولي تاخذي كورس في الاجازة

فراشة كيوت
07-10-2010, 04:57 PM
مسآآآآء الخيرآآآت ..

ممكن اعرف متى يفتح تسجيل الاجانب ؟؟:36_1_5::36_1_5:

لانه بعد ماسجلت يقول الموقع مافي لغير السعوديين ؟؟

ممكن تفهموني >>> تحزن تهي تهي :36_1_4:

ما في الا للسعودين أو اللي امهم سعودية

〓•∞ ḏгεαм ∞•〓
07-10-2010, 06:05 PM
فرآآشة كيوت .. شكرآ على إجابتك اللي فاتت و الله يجزآكي خير و يحقق كلي كل أمانيكي ..

عندي سؤآل ثاني .. معليش بتعبك شويتين ^_^

هل هذه صفحة القبول ؟ يعني إذا بقدم على قسم معين أو بقدم بالجامعة من هنا ..

بالعربي هذا هو التسجيل الإلكتروني في الجامعة ^_^

http://uquapp.uqu.edu.sa:7777/uqu/ui/guest/application_online/index/typeApplicationOnlineIndex.faces

و هل يكفي التسجيل .. و لآ لآزم أرآجعهم .. و متى أرآجعهم .. و أأكد تسجيلي عندهم .. عشان ما أبغى أسجل تسجيل إلكتروني و بس .. أبغى أضمن إني خلآص من السنة الجاية أكون في الجامعة ..

^_^

آسف ع الاسئلة الكثيرة .. و الله يوفقكي و يسهل لك كل صعب .. طمنتيني بـ ردك الأخير

رنين مكة
07-10-2010, 07:22 PM
تيب ايش مجالات العمل
اذا دخلت هندسة ديكور

[ السكن وادارة المنزل ]

رنين مكة
07-10-2010, 07:29 PM
وهل أقدر أحول من جامعه لكلية
ولآ بس من كلية لجامعه .؟

فراشة كيوت
07-10-2010, 08:14 PM
تيب ايش مجالات العمل
اذا دخلت هندسة ديكور

[ السكن وادارة المنزل ]


وهل أقدر أحول من جامعه لكلية
ولآ بس من كلية لجامعه .؟



والله ما أعرف

فراشة كيوت
07-10-2010, 08:17 PM
فرآآشة كيوت .. شكرآ على إجابتك اللي فاتت و الله يجزآكي خير و يحقق كلي كل أمانيكي ..

عندي سؤآل ثاني .. معليش بتعبك شويتين ^_^

هل هذه صفحة القبول ؟ يعني إذا بقدم على قسم معين أو بقدم بالجامعة من هنا ..

بالعربي هذا هو التسجيل الإلكتروني في الجامعة ^_^

http://uquapp.uqu.edu.sa:7777/uqu/ui/guest/application_online/index/typeapplicationonlineindex.faces

و هل يكفي التسجيل .. و لآ لآزم أرآجعهم .. و متى أرآجعهم .. و أأكد تسجيلي عندهم .. عشان ما أبغى أسجل تسجيل إلكتروني و بس .. أبغى أضمن إني خلآص من السنة الجاية أكون في الجامعة ..

^_^

آسف ع الاسئلة الكثيرة .. و الله يوفقكي و يسهل لك كل صعب .. طمنتيني بـ ردك الأخير

سوري بس رديت وما اادري فين اختفى الكلام

المهم

انت عملت طلب قبول واتأكدت ان كل بياناتك اوكي

يوم 9 - 8 تكوون متأكد انه كل شي تمام

وهما يوم 10 - 8

يحددولك اليوم اللي تراجعهم فيه

وطبعا دا مو معناته انك اتقبلت في التخصص .. لأ التخصص حسب ما يكتفي

ويكون في صفحة في موقع الجامعه بالتخصصات المفتوحة والمقفلة

وربي يسهلك وتتقبل

:)

ابو يزيد22
07-10-2010, 08:32 PM
سلا م عليكم


ياجماعه ولد خالي حايس .. في ورططططة

بس ماباكم تضحكووون عليه

المشكله .. // انه سجل في قسم الطالبات مع العجله الله يهديه

اللحين قوللولي وش السواة ؟؟


بالله اللي يعرف لا يرده الا الكيبورد

فراشة كيوت
07-10-2010, 09:00 PM
^^

يقآآل انه في خيار اسمه الغاء الطلب

خليه يدور عليه ويسجل من جديد في قسم الطلاب

نرسيآن
07-10-2010, 09:10 PM
خيتو حبيت اسألك بدأ التسجيل للطالبات لانو انا عندي ماافتح بس الطلآب فتح لهم التسجيل

وصحباااتي يقوولو فتح للطالبات

ومشككككووورة ياقلبي ع الموضووع عقبال مانشوووفك دكتورة اسنان ائد الدووونيا

فراشة كيوت
07-10-2010, 09:12 PM
^^

ايوووا عسوووله فتح

جربي تااني

الله يسمع منك يآآرب

@الحسناني@
07-10-2010, 09:42 PM
فرااااااااشة كيوووووووووت
ابي اسئل في جامعة ام القرى فيييية في مكة وفية في الليث والقنفذة
اقدر اختارها كلها ولا وحدة منها

amoolah10
07-10-2010, 09:53 PM
انا اعرف انه اللي ما ينقبلوا طب يقدروا يدرسوا
مختبرات واذا جابوا درجة عالية يحولوا طب
هل التغذية نفس الشئ ولا لا ؟

رنين مكة
07-10-2010, 09:55 PM
أقدر أحول من مدينة لمدينة

ههههههههههههههههههه

سوري كثرت عليكم

وايش رايكم بالتصميم الداخلي ؟

فراشة كيوت
07-10-2010, 10:01 PM
فرااااااااشة كيوووووووووت
ابي اسئل في جامعة ام القرى فيييية في مكة وفية في الليث والقنفذة
اقدر اختارها كلها ولا وحدة منها

لا وحده .. لأنه تقديم الليث والقنفذة قبل

فراشة كيوت
07-10-2010, 10:02 PM
أقدر أحول من مدينة لمدينة

ههههههههههههههههههه

سوري كثرت عليكم

وايش رايكم بالتصميم الداخلي ؟


والله ما أعرف .. :(

فراشة كيوت
07-10-2010, 10:03 PM
انا اعرف انه اللي ما ينقبلوا طب يقدروا يدرسوا
مختبرات واذا جابوا درجة عالية يحولوا طب
هل التغذية نفس الشئ ولا لا ؟

يب نفس الشي

@الحسناني@
07-10-2010, 10:13 PM
مشكوووووورة والله يعطيك الف عافيه بس يعني مااقدر الحين اقدم عمكة والاكيف

فراشة كيوت
07-10-2010, 10:34 PM
^^

انت قدمت ع شوو

رنين مكة
07-10-2010, 11:03 PM
ههههههههههههههههههههه
وربي مو انا صحباتي يسالوني هع


تي سؤالي انا

التغذية الاكلينيكية فيها مواد عربي ولا كلها انقلش هع

فراشة كيوت
07-10-2010, 11:06 PM
لا انجلش

العربي المواد العامه :)

فراشك حصير
07-10-2010, 11:12 PM
كل ما عبيت البيانات يطلع لي ( انتهت فترة الجلسة لمعاودة الإتصال اضغط هنا ) ،
وش الحل : ( ؟

فراشة كيوت
07-10-2010, 11:28 PM
^^

أسرع شووي في تعبية البيانات

فراشك حصير
07-10-2010, 11:40 PM
شكراً فراشة كيوت ، الحمدلله زبط معاي : ) ..

نرسيآن
07-10-2010, 11:45 PM
فراشه بليز ممكن سوال
الطب له سنه تحضيريه والا علطــــــــول اخش طب والقسم اللي ابيه
وشكرا

حكايا
07-11-2010, 12:03 AM
السلام عليكم ورحممته وبركاته .
حياك الله د. فراشه > سعيده بكِ جداً ()
جزاك الله خير على كل اللي تقدميه للطلاب والطالبات .. ماقصرتي بميزان حسناتك إن شاء الله
لدي أسئله كثيره .. .! لا تحرميني من أجوبتك .. فأنا بأمس الحاجه لها
س / سمعت إن الطب له سنه تحضيريه بنفس التخصص > يعني أدخل كلية الطب وأدرس تحضيري ؟ صحيح ؟
س / بالنسبه لرغباتي .. أنا رتبتها حسب الأولويه .. لكن على افتراض أن الطب اكتفى مبكراً ولم أقبل فهل يحولوني مباشره على الرغبه الثانيه . ؟ +هل السنه التحضيريه في كل الكليات الصحيه هي نفسها من ناحية الدراسه والمواد بحيث إني أقدر في حال عدم قبولي بكلية الطب أدرسها في أي كليه وأرفع المعدل و بعدها أدخل طب ؟؟
س/ هل هناك أترام صيفيه لطالبات الطب ؟
س / في قسم علم نفس بالجامعه ؟

آسفه جداً على الإطاله =( , أنتظر إجابتك على أحر من الجمر
والله يوفقك يادكتوره وييسر لك أمورك ويرزقك الفردوس الأعلى من جنته
أختك ,

راما الدلوعه
07-11-2010, 12:10 AM
السلام عليكم

عندي سؤال بالنسبه للاقسام

العلوم - رياضيات
العلوم -كيمياء

والاقسام
العلوم التطبيقيه بمكه المكرمه - رياضيات

ايش الفرق بينها واين موقع الجامعه بالضبط الي بالزاهر محتاره

انا ابي ادخل كيمياء او رياضيات بالجامعه الي بالزاهر بس مااعرف ايت منهم وايش الفرق بينهم

فراشك حصير
07-11-2010, 12:12 AM
لمّا حطيت البيانات على السريع .. كتبت حرف غلط في اسمي الإنجليزي حسب الجواز ،
و مو راضي يتغير اللحين !!

مهم يكون الاسم مطابق للجواز تماماً ؟

راما الدلوعه
07-11-2010, 12:44 AM
بسرعه بليييييييييز مستعجله يعطيك العافيه

فراشة كيوت
07-11-2010, 12:52 AM
فراشه بليز ممكن سوال
الطب له سنه تحضيريه والا علطــــــــول اخش طب والقسم اللي ابيه
وشكرا

بالنسبة لنا ما في

بالنسبة لكم بما ان التخصصات نزلت بدون كلمة تحضيري فالمفروض مافي

فراشة كيوت
07-11-2010, 12:55 AM
السلام عليكم ورحممته وبركاته .
حياك الله د. فراشه > سعيده بكِ جداً ()
جزاك الله خير على كل اللي تقدميه للطلاب والطالبات .. ماقصرتي بميزان حسناتك إن شاء الله
لدي أسئله كثيره .. .! لا تحرميني من أجوبتك .. فأنا بأمس الحاجه لها
س / سمعت إن الطب له سنه تحضيريه بنفس التخصص > يعني أدخل كلية الطب وأدرس تحضيري ؟ صحيح ؟
والله إلى الآن ما في شي أكيد

س / بالنسبه لرغباتي .. أنا رتبتها حسب الأولويه .. لكن على افتراض أن الطب اكتفى مبكراً ولم أقبل فهل يحولوني مباشره على الرغبه الثانيه . ؟ +هل السنه التحضيريه في كل الكليات الصحيه هي نفسها من ناحية الدراسه والمواد بحيث إني أقدر في حال عدم قبولي بكلية الطب أدرسها في أي كليه وأرفع المعدل و بعدها أدخل طب ؟؟
ايوا اذا اكتفى أو ما اكتفى بامكانك تختاري هناك التخصص اللي تبيه
والسنة التحضيرية الكل نفس المواد وبامكانك تحولي

س/ هل هناك أترام صيفيه لطالبات الطب ؟

لا
س / في قسم علم نفس بالجامعه ؟

ايوا

آسفه جداً على الإطاله =( , أنتظر إجابتك على أحر من الجمر
والله يوفقك يادكتوره وييسر لك أمورك ويرزقك الفردوس الأعلى من جنته
أختك ,


العفووو

فراشة كيوت
07-11-2010, 12:57 AM
السلام عليكم

عندي سؤال بالنسبه للاقسام

العلوم - رياضيات
العلوم -كيمياء

والاقسام
العلوم التطبيقيه بمكه المكرمه - رياضيات

ايش الفرق بينها واين موقع الجامعه بالضبط الي بالزاهر محتاره

انا ابي ادخل كيمياء او رياضيات بالجامعه الي بالزاهر بس مااعرف ايت منهم وايش الفرق بينهم

اللي بالزاهر العلوم التطبيقية

والثاني كلية التربية

اللي في الزاهر مع اعداد تربوي

واكثر بسنه

فراشة كيوت
07-11-2010, 12:58 AM
لمّا حطيت البيانات على السريع .. كتبت حرف غلط في اسمي الإنجليزي حسب الجواز ،
و مو راضي يتغير اللحين !!

مهم يكون الاسم مطابق للجواز تماماً ؟

لا مو مهم

تقدري تغيريه بعد القبوول

مع ذلك جربي لأني مجربه قبل يتغير

ليأإن الحربي
07-11-2010, 01:01 AM
حبيت اسألك ياقلبي

لمن اكتب التخصصات اللي ارغب فيها اكتبها حسب الكلية ولا حسب القسم..؟

فراشة كيوت
07-11-2010, 01:12 AM
حسب القسم اللي بدك ياه

راما الدلوعه
07-11-2010, 01:36 AM
مشكووووووووووووووره ماتقصرين يعطيك الف عاااااافيه

فراشك حصير
07-11-2010, 01:46 AM
الحمدلله رضى يتغير عندي ، الله يحقق لك اللي تتمنيه فراشة كيوت : ) ..

نرسيآن
07-11-2010, 05:10 AM
الله يعينك عليا
حبيت اسألك اش اطبع اوراق لمن اسجل واش اخذ ارواق لمن اروحلهم خخخخ معليش اسالتي غبيه بس استحمليني
وربي يوووفقكي

فراشة كيوت
07-11-2010, 07:09 AM
أهم شي الورقة اللي حيكون مكتوب فيها النسبة المكافئة

والباقي مكتوب في طلب القبول

سوري بس عشان مو حافظة عدد النسخ يفصل تخذيها من هناك