المساعد الشخصي الرقمي

مشاهدة النسخة كاملة : ليك رغبة فى دخول كلية الطـــب .. ؟؟ اتفضــل هنـــا ..


Dя.Λнмє∂Ƨαммσυяα
06-28-2012, 03:12 PM
السلام عليكم ورحمة الله وبركااته ،،

الحمد لله وكفى والصلاة والسلام على الذين اصطفى وبعد ،،،

طبعاً أولاً لحقوق الملكية والحفظ :100: .. أحب أقول إن فكرة الموضوع متااخدة من مشرفناا وبشمهندسناا / مهند الزهرانى ..

فــ يااريت يسامحنى ع الجريمة دى بقاا :):):) :100:

ثانياً .. الموضوع داا إن شاء الله هتكلم فيه معااكم عن كل اللى واجهنى ف سنة أولى - اللى مش عاايزة تخلص دى - بحكم خبرتى المتواضعة ..

ملحوظة صغيرة : أناا هتكلم عن كليات الطب اللى ف مصر بصفة عاامة وطب القاهرة بصفة خااصة .. بحكم إن دى الكلية اللى بدرس فيهاا ..
فـ إخواتناا السعوديين ميزعلوش منى لأنى معرفش نظام دراسة الطب عندهم :):)

بالنسبة للنقاط اللى هتكلم عنهاا :
- الحمد لله جالى طب .. ايه المطلوب منى قبل بدء الدراسة ؟
- طب أناا بترعب لو شفت حد متعور قدامى .. أعمل ايه ف موضوع الجثث داا ؟!
- أناا ضعيف ف موضوع الإنجليزى ؟؟ آخد كورسات لغة ولا أعمل ايه ؟!
- مطلوب منى أذاكر كام ساعة ف اليوم ؟
- أذاكر ازاى طيب ؟!
- طب أناا بكره الأحيـــاء !! هتأقلم ازاى مع المواد اللى هناخدهاا ؟!
- ايه المواد اللى هناخدهاا ف سنة أولى ؟
- آخد دروس ولا أحضر محاضرات ولا أسمع تسجيلات ؟!
- هل لازم أحضر كل يوم الكلية ؟!

دى النقاط الحالية اللى ف دمااغى .. وهى قابلة للتجديد بإذن الله :):)

فـ اللى عنده أى نقطة مهمة يااريت يضيفهاا ..

واللى عنده أى استفسار أناا حااضر بإذن الله :):)

نبدأ ع بركة الله .. :):):)
: )

- الحمد لله جالى طب .. ايه المطلوب منى قبل بدء الدراسة ؟

أولاً .. ألف مبرووووك ياسيدى :):) وعقبال الدكتوراة إن شاء الله :):)

ثانياً بقاا وداا الأهم .. أحب أسألك سؤال ..
وخلى الإجابة بينك وبين نفسك مش لازم أعرفهاا .. المهم تكون صريـــح سواء معاياا أو مع نفسك ..

انتاا ليه دخلت الكليــــة دى ؟؟
الحقيقة اللى بيدخل الكلية دى - أو كلية علمية تاانية - بيبقاا صنف من تلاتة !

الصنف الأول : هل عشان دى رساالة .. وانتاا نفسك ف يوم من الأيام يكون ليك بصمة ف المجتمع وتخفف الآلام عن المريض وترسم البسمة ع وجهه ! ولأن الطب داا تكليف قبل مايكون تشريــــف ويمثل ثلث العلــم كماا قال عنه الإمام الشافعى - رحمه الله - .. ؟؟

الصنف الثانى : ولا عشاان أهلك وأصحابك لعبوا بدماغك وضغطوا عليك وانتاا كان نفسك تدخل كلية تاانية بس استخسرت المجموع اللى انتاا جايبه ؟!

الصنف الثالث : ولا عشاان المنظرة والبريستيج بقاا .. وتبقاا انتاا الوحيد اللى ف عيلتك اللى واخد لقب "دكتــوووور" .. وتبقاا رايح جااى بالبالطو والوالدة تتباهى بيك قدام قرايبك .. وابنى الدكتور راح وابنى الدكتور جه ؟!

...
معلش محدش يزعل من كلامى لكن داا الواقع اللى بنعيشه !!

لو انتاا من الصنف الأول .. يبقاا هنيئــــاًااا لك بجـــد ..
تشريفك لعالم الطـــب والإعجاز العلمى ف الإنسان .. وأهلاً بيك ف مشوار الكفـــاح ..
وتأكد إنك ف يوم من الأياام هتسيب بصمتك ف المجتمع ..
زى نااااس كتيييييير منهاا ..
السيــر / مجدى يعقوب ..
ود.مصطفى السيـــد وجراح القلب الشاب الـ د.رامى إسماعيل ..
الحكااية كلهاا محتاجة شوية مجهود وصبـــر .. فـ متخليش حد يقتل طموحاتك :):)

ولو انتاا من الصنف التاانى .. أحب أقولك معلش ..
متزعلش نفسك .. ومتعرفش الخيــر فين .. ربناا وحده اللى يعلم ..
وإن شاء الله هتلاقى ف الكلية دى اللى يسّرك ..
اعمل اللى عليك بس وجدد النيّة دى وهتلاقى نفسك ف يوم من الأياام مش متخيل نفسك غير فيهاا ! :)

ولو انتاا من الصنف التالت .. يبقاا أحسن لك حوّل لكلية تاانية - غير طـبّ - من دلوقتى !!
المريض اللى هييجى يتعالج عندك ربناا مش هيشفيه بالفخــر اللى انتاا فيه !!

نرجع بقااا لموضوعناا ..

مطلوب منك ياسيدى .. ويستحسن تجيبهم قبل الدراسة ماتبدأ .. عشان بعدهاا المحلات بتعتبره موسم وبيغالوا ف الأسعاار :):)

بالطووو أبيــض :)
وحااجة كداا زى الملقط اسمهاا "Forceps" :
http://www.tridentpharm.com.sg/user/cimage/Tissue-Forceps-5.jpg

دى عشاان تمسك بيهاا الحاجات الدقيقة اللى ف الجثة من غير ماتشدهاا وتقطعهاا وتحرم زمايلك من الإستفادة منهاا :):)

وهتحتااج كماان ياسيدى ..
Gloves بالإنجليزية ..
أو قفازات بالعربيـــة ..
أو جوانتياات باللهجة المصرية :):):)

عشاان تعرف تمسك بيهاا الجثة وبعد ماتخلص تااكل وتشرب بايدك عاادى من غير ماتوسخهاا :):):)

وبكداا نكون خلصناا أول نقطة ف أول السطـــر :)


- طب أناا بترعب لو شفت حد متعور قدامى .. أعمل ايه ف موضوع الجثث داا ؟!

متخااافش خاااالص ياسيدى ومفيش دااعى للخـــوف .. :):)

أولاً .. الجثة اللى هتشتغلوا عليهاا مش هيبقاا فيهاا دم خااالص .. لأن الدم ولونه الأحمــر هو السبب اللى بيرعب الواحد شوية !!
وداا لأنهم بيحفظوهاا ف مادة اسمهاا "الفورمالين" عشان متتعفنش !! والماادة دى بتتشرب الدم اللى فيهاا !!

وداا فيديوو لـ أحسن وأطيب دكتور عندناا ف الكلية وهو بيشرح ع الجثة :
http://youtu.be/0qp5ss_O990


هتلاحظوا إنه مش لابس حااجة ف ايده خااالص وماسك الجثة عااادى خااالص .. وكماان هتلاقوه بيزعق شوية عشان ف عيال عاملة زحمة ودوشة اللى حواليه :):)

فــ الحكااية كلهاا مسألة تعـــود مش أكتر :):)

وبمناسبة النقطة دى بقاا أحب أنوّه ذكركم لحااجة كان المفروض أقولهاا ف الأول ..

قبل ماتشتغلوا ع الجثة ..
تحترم الأول إن داا ميت وليه حرمته ..
وتدعيله .. بالرحمة والمغفرة ..
وإن يكون العلم اللى بتتعلموه ع الجثة داا صدقــة جاريـــة ليه تشفع له يوم القيامة !!
وإياك إياك ثم إياك .. تعبث بيهاا أو تصورهاا لغرض غير علمى أو تتصـــور معااهاا أو .. أو ... !!
أبسط حااجة .. ليك الحق تتخيل ..
لو كاان داا حد من قرايبك .. وشفته بيحصل فيه كداا قدامك ..
هيبقاا ايه رد فعلك ؟!

احترم إن الظروف هى اللى حطته ف الموقف داا .. وإن كلناا صائرون إلى ماصاروا إليه عاجلاً أو آجلاً ..
: )

- أناا ضعيف ف موضوع الإنجليزى ؟؟ آخد كورسات لغة ولا أعمل ايه ؟!

عاادى ياسيدى كلناا كداا تقريباً :):)
وانتاا مش محتااج إن شاء الله تااخد حااجة خااااالص ..
عيــــــش الإجازة طولهاا بعرضهــــــاا عشان متندمش بعد كداا إنك ضيعت لحظة فيهاا :):)

داا غير كماان إن الإنجليزى بتااع الكلية ملووش دعوة أصلاً بالإنجليزى اللى كنت بتاخده ف ثانوى !!
الحكاية كلهاا هتبقاا مصطلحات لاتينى مع الوقت هتتعود عليهاا .. لدرجة إنك بعد كداا هتسمع الكلمة لأول مرة عمرك ماهتنساهاا أبداًااا :):)

- مطلوب منى أذاكر كام ساعة ف اليوم ؟

انتاا وشطارتك ياسيدى :):) .. أهم حااجة لماا تذاكر تذاكر بـ نفس وتركيز :):)

يعنى لماا تذاكر 3 ساعات بتركيـــــز واستيعاب .. أحسن 100 مرة من إنك تذاكر 10 ساعات وانتاا عمال كل شوية تسرح وتقطع مذاكرتك بحاجاات تانية !!
: )

بس العاادى ف كليتناا بنحتاج مثلاً نذاكر حوالى 4 لـ 5 ساعات ف اليوم مثلاً !! :):):)

:36_1_42:

- أذاكر ازاى طيب ؟!

انتاا ف أول شهرين تقريباً هيبقاا قدامك مشكلة ف اللغة وهتلاقى نفسك بتقعد بالنص سااعة - أو يمكن سااعة كمان - ف الصفحة الواحدة !! أحب أقولّك متزعلش خااااالص .. كلناا عديناا بالمرحلة دى :):)

انتاا إن شاء الله هتجيب كتاب القسم .. أو الكتاب اللى بيشرح منه الدكتور ف المحاضرة ..
وهتلاقى الدكاترة ف بداية السنة مراعيين فيكوا الحكااية دى ..
وبيشرحوا كلمة كلمة .. وبيترجموا حرف حرف ..
وطبعاً من عشمى فيكوا يادكاترة المستقبــــل :):)
إنكوا تترجموا ع طوول وراا الدكتور .. بحيث لماا تروحوا إن شاء الله متضيعوش وقت ف الكلمة دى تاانى !!

وانتوا بتذاكروا بقاا .. تقروا الصفحة عاادى خاااالص وتحطوا خــط تحت الكلمة اللى مش عاارفين ترجمتهاا ..
وبعد ماتخلصوا قرايتهاا .. تفتحوا موقع ترجمة مثلاً زى :
Google Translate
أو القاموس الطبى زى داا مثلاً : http://www.tbeeb.net/med/
وتترجموا الكلمة منه ..

وسيبكوا طبعاً من القواميس وكتب الترجمة اللى بتتباع لأنك هتضيع فيهاا وقت جاااااامد وهتخليك تزهق ع الفااضى ..
هيبقاا حالك .. سااعة ف الصفحة اللى بتذاكرهاا .. وسااعة ف الكلمة بتدوور عليهاا ف القاموس !!

وبعد كداا هتلاقوا رجلكوا مشيت ف الموضوع داا ومش هيمثل ليكوا أى مشكلة خاااالص .. والصفحة بعد كداا هتاخد منك بالكتير 10 دقاايق ف حفظهاا ..

وأياام الامتحانات هتلاقى نفسك بتخلص كتااب 200 صفحة ف يومين مثلاً .. آه والله بيحصل ! :):):)

:100:

- طب أناا بكره الأحيـــاء !! هتأقلم ازاى مع المواد اللى هناخدهاا ؟!

اطمــن ياسيدى .. الأحيااء بتااعت ثانوى وتصنيف الممالك والكلام الفااضى داا تقدر تبلّه وتشرب ميته !!

ملووش علاقة بتاتاًاااااااا بالمواد اللى هتدرسهاا .. هو يمكن ف الأول بس تلاقى بعض الحاجات المتشابهة باللى كنت بتااخدهاا ف ثانوى زى محتويات الخلية وأنواع الأنسجة الـ 4 وكداا ولكن بالإنجليزى !!

بعد كداا هتتعمق ف كل ماادة بقاا وبالعلم اللى فيهاا :):)

Dя.Λнмє∂Ƨαммσυяα
06-28-2012, 03:13 PM
- ايه المواد اللى هناخدهاا ف سنة أولى ؟

هتااخدوا ياسيدى 4 مواد .. وتكملتهم ف سنة تاانية إن شاء الله :):)
Anatomy = علم التشريـــح ..
Physiology = علم وظائف الأعضاء ..
Histology = علم الأنسجة ..
Biochemistry = علم الكيمياء الحيوية ..

نمسك ماادة ماادة كداا بقاا وندى نبذة بسيطة عنهاا :):)

الـ Anatomy = علم التشريـــــح ..
من اسمهاا طبعاً .. بتعرف كل حااجة عن جسم الإنسان ..
وأسماء العضلات وكل عضلة طالعة منين Origin وبتصــبّ فين Insertion ..
وايه الـ Action بتااعهاا .. يعنى لو العضلة قصرت هتعمل ايه ؟؟
هل هتتنى دراعى مثلاً ولا هتفرده ولا هتعمل ايه بالظبط ؟!
وبتاخدوا كماان فيه الشرايين والأوردة ..
الشرايين بتاخدوا فيهاا بتبتدى منين وبتنتهى فين وايه الفروع Branches اللى بتديهاا وايه الـ Anastomosis اللى بتعملهاا .. ودى بتبقاا عبارة عن فروع من شريان معين بتلتقى مع فروع طالعة من شرياان تاانى بحيث لو سكة الدم الرئيسية اتسدت .. يبقاا ف طريق فرعى الدم يمشى منه والجسم ميتحرمش من الغذاء والأكسجين :):) .. سبحــــان الله ..
والأوردة برضوو شبيهة شوية بالشرايين بس بطريقة عكسية ..
يعنى مكان نهاية الشرايين بيكون بدايات الأوردة ..
ومكان مالأوردة بتنتهى .. ف نفس المنطقة الشرياان بيكون لساا بيبتدى !!
والأوردة مش بتطلع فروع .. بالعكس بيجيلهاا روافــد :) Tributaries !
لحااد ماف الآخر يصبوا ف أوردة أكبر فـ أكبر وينتهوا ف الآخر ف الوريدين الأجوف العلوى والسفلى ومن ثــمّ الـ Right Atrium = الأذين الأيمــن :)
وبتااخدوا كماان الأعصاب .. وطالعة من أنى فقرة ف الحبل الشوكى .. وبتعذى عضلات ايه وايه مناطق الجلد اللى بتغذيهاا !!
ولو اتقطع العصب الفلانى - لاقدر الله - أو حصل فيه إصابة !! ايه العضلات اللى تتشل والعيان يفقد الإحساس فين وايه التشوه أو الـ Deformity اللى بتظهر ع العيان !!

وبتاخدوا كماان علم متفرع من الأناتومى وهو :
Embryology = علم الأجنّـــة ..
وفيه بتااخدوا كل تفصيلة ف حيااة الجنين من بداية إخصاب الحيوان المنوى Sperm للبويضــة Ovum إلى أن يُولــد - بإذن الله - :):)

بالنسبة بقاا للمناطق اللى بتاخدوهاا ف أناتومى سنة أولى :
Upper Limb = الطرف العلوى :)
من أول الكتف لحاااد طراطيف صوابع ايديك :):)
Lower Limb = الطرف السفلى :):)
شبيــه بالآبر شوية .. برضوو من أول الحوض - عند عضمة الحزام كداا - لحااااد صوابع رجليـــك :):)
Thorax = القفص الصدرى ومايحتويه !!
قلب ورئتين بقاا وفقرات وحجاب حاجز .. إلخ :):)
وبااقى المناطق بتكملوهاا ف سنة تاانية إن شاء الله :):)

وبكداا نكون خلصناا أول ماادة من الـ 4 ..

ندخل ع تاانى ماادة ..

Physiology = علم وظائف الأعضاء ..
دى بقاا أكتر ماادة ممتعـــة ف سنة أولى كلهااا .. هى والأناتومى ..
وأكتر ماادة محتااجة فهــــم عميـــق بعكس الـ 3 تاانيين يمكن محتاجين حفــظ أكتر من الفهـــم :):)
وأكبر ماادة فيهم برضوو .. يمكن لوحدهاا بالـ 3 مواد التاانيين مع بعض :):)
هتاخدوا فيهاا بقاا ازاى جسمكوا بيشتغل وازاى القلب بيدق وازاى الواحد بيتنفس ... إلخ :):)
بالنسبة للفروع اللى هتاخدوهاا :
A.N.S = Autonomic Nervous System
وهو الجهاز العصبى اللا إرادى .. وازاى المخ والحبل الشوكى بيتحكموا ف عمليات جسمك ..
يعنى امتى مثلاً المعدة تاخد أوامر بالهضــم وامتى توقف ؟!
وامتى تعرق وامتى لأ ؟!
وامتى ضربات قلبك تسرع وامتى تبطأ ؟!
وأشياء أخرى من هذا القبيل :):)

Nerve :
اللى هو العصب .. وازاى بيطلع كهرباا وازاى بيدى الأوامر للعضلة بإنهاا تنقبض مثلاً .. وايه الحااجات اللى بتستثير العصب .. وايه الحااجات اللى بتثبطه وتبطأه ف نقل الإشارات !!

Muscle :
اللى هى العضلة :) .. وازاى بتستقبل الكهرباا اللى جايلهاا من الـ Nerve وازاى بتحول الكهرباا اللى جايلهاا دى لطااقة حركية مرئية بنشوفهاا بعينينياا ع هيئة انقباض :)
وازاى العضلة بتنقبض وتقصر ؟!
وازاى بيحصل الشــد العضلى ؟؟
..
الحقيقة الـ Nerve & Muscle ع بعضيهم هماا الأساس لموضوع مهم جداًاااااا وهو الـ ECG أو رســم القلب ..

Blood & Immunity :
الأول بتاخدوا الدم .. وتركيبه ووظيفة كل حااجة فيه ..
البلازماا ف الأول ومحتوياتهاا وتركيبهاا .. وايه وظيفة البروتينات اللى فيهاا ؟!
ووظيفة الكور الحمراا وازاى بتنقل الغذاء والأكسجين للخلاياا وازاى بتااخد منهاا الفضلات وثاانى أكسيد الكربون ..
وازاى الجسم بيمتص الحديد وايه فايدته ف الدم وتصنيع الهيموجلوبين ؟!
والأنيمياا وأنواعهاا ؟! وامتى نقول ع الشخص داا عنده أنيمياا ولا لأ ؟!
وبعد كداا بتدخلوا ف الصفايح الدموية ووظيفتهاا بقاا وازاى بتخلى الدم يتجلط لو الواحد اتعور ولا حااجة ..
وليه الدم وهو مااشى جواا الأوعية مش بيتجلط !!
وأهمية الكبــد وفيتامين K عشان تصنيع عوامل التجلط ؟؟
وامتى لو الواحد اتعور النزيف يطول مثلاً عقبال مالدم يتجلط !! والهيموفيلياا Hemophilia وأنواعهاا :):)
وبعد كداا بتتطرقوا للـ كور البيضاا .. وأنواعهاا ووظيفة كل نــوع منهاا ..
ومن الكــور البيضاا بتتطرقوا لموضوع الـ Immunity أو المنااعة ..
وأنواع المناعة ؟؟ الفطرية والمكتبسة !!
والأجسام المضادة .. بأنواعهاا ووظايفهاا !!
وازاى كرات الدم البيضاا بتهاجم أى جسم غريب !!
وليه مش بتهاجم جسمى أناا ؟!
وليه الأم وهى حاامل ف الجنين جسمهاا مش بيعتبره جسم غريب ويهاجمه ؟!
وايه اللى يحصل للجنين داا بعد مايتولد .. ف حال لو الأم كونت ضده أجسام مضادة ؟!
وأمراض نقص المنااعة .. زى الـ AIDS & HIV !!
وفصايل الدم بميزاتهاا وعيوبهاا ..
وايه المخاطر اللى تحصل والأعراض اللى بتظهر لو نقلناا دم غلط للعيان ؟!!

Respiration :
اللى هو التنفــس أو وظيفة الجهاز التنفسى :)
وازاى بيحصل شهيق وازاى بيحصل زفيــر ؟!
وازاى بيحصل تبادل للغازات بين الرئتين والدم ؟!
وبعد كداا ازاى بيحصل تبادل للغازات بين الدم والخلية ؟!
وازاى الهيموجلوبين بيشيل الأكسجين وثانى أكسيد الكربون ؟!
وازاى الجسم بيتسمم من أول أكسيد الكربون ؟! ولو اتسمم - لاقدر الله - نلحقه ازاى ؟!
ونفس الحكااية لو الشخص اتسمم بالـ Cyanide أو السيانيد !!
وبعد كداا بتتطرقوا لموضوع التحكم ف التنفــس ..
وازاى مراكز المخ والنخاع المستطيل بيتحكموا ف التنفــس ؟!
وهل التنفــس داا عملية إرادية ولا لا إرادية ؟!
طب لو هى لا إرادية .. ازاى الواحد بيااخد شهيـــق عميــــــق ويكتمه ويطلعه براحته ؟!
ولو هى إراديـــة .. ازاى الواحد طوول حياته بيتنفس عاادى من غير مايشغل باله وتفكيره بالحكاية دى ؟!!
وامتى نفس الواحد يزيد وامتى يقل ..؟؟!! ع حسب تركيز الأكسجين وثانى أكسيد الكربون ف دمه !!
والـ Hypoxia اللى هى نقص كمية الأكسجين اللى واصلة للأنسجة وأنواعهاا ..
والـ Cyanosis اللى هى إن المريض جسمه يزرقّ من قلة الأكسجين وبتظهر امتى مع الـ Hypoxia ؟؟
والـ Asphyxia اللى هى الاختنـــاق .. والفرق بينهاا وبين الـ Hypoxia ؟!!
والـ Apnea اللى هى كتمان النفــس وامتى بيحصل للواحــد وأنواعهاا الإرادية واللا إراديــة ؟!
وازاى الواحد يكتم نفسه لأطــول فترة ممكنة ؟! قد تطــول لـ 5 دقايق !! من غير مايتضرر !!
+
بعض الـ Reflexes .. اللى هى الأفعال المنعكسة !!
زى الـ Sneezing = العطــس ..
Coughing = الكحّـــة أو السعــال ..
Yawning = التثاؤب ..
وامتى بيحصل كل واحدة فيهم ؟!

CardioVascular System :
وهو الجهاز الدورى .. القلب والأوعية ..
ف الأول بتاخدوا القلب وازاى بينقبض ؟؟
وايه اللى يميزه عن بقيت عضلات الجسم التاانية ؟؟
وليه القلب كــ عضلة .. مبيتعبش ؟!!
وازاى القلب بتتولد الكهرباا فيه اللى تخليه ينقبض ؟؟
وايه الأعصاب اللى بتغذيه ؟؟
وهل لو قطعتهاا القلب هيتشــل والإنسان يموت ؟!
وازاى القلب بيتغذى ؟؟
وامتى القلب يجيله Ischemia ؟؟ وهى نقص التغذية الدموية ؟!
وبعد كداا بتتطرقوا لموضوع الـ ECG = Electrocardiogram
اللى هو رســم القلب ..
وازاى بنركبه ع العياان .. وازاى من رسم القلب داا - زى اللى بنشوفه ف المسلسلات - نشخص العياان داا ونقول إن عنده مرض معين :):):)
وتأثير القهوة والكافيين والتدخين ع عضلة القلب والكهرباا بتاعتهاا !!
والـ Cardiac Cycle وهى التغيرات اللى بتحصل للقلب ع مدار الانقباضة الواحدة !!
وايه كمية الدم المطلوبة اللى القلب لازم يضخهاا ف الضربة الواحدة ؟!
وامتى الكمية دى تزيد أو تقل ؟!
وبعد كداا بتدخلوا بقاا ع الأوعية الدموية !!
ف الأول بتاخدوا الفرق بين الشرايين والأوردة والشعيرات ..
وتركيب جدار كل واحد وازاى بيتلائم مع وظيفته ؟!
وبعد كداا بتاخدوا الـ Venous Circulation اللى هى الدورة ف الأوردة ..
وازاى الدم بيرجع من الرجلين عكس الجاذبية للقلب ؟!
وايه فايدة الصمامات اللى ف الأوردة وازاى بتشتغل ؟!
وبتاخدوا كماان الدورة اللمفاوية Lymphatic Circulation !!
وايه فايدتهاا وايه فايدة اللمف أصلاً وبيتركب من ايه ؟؟
وليه كل حااجة مترجعش عن طريق الأوردة وخلاص ؟!
وامتى يحصل Edema ؟؟ وهى إن الدم يترشح من الأوعية ويتجمع تحت الجلد والمنطقة دى تورم !!
وبتااخدوا برضوو موضوع مهم جداًااااا طبياً .. وهو الـ ABP = Arterial Blood Pressure ..
وازاى بيتقاس .. وامتى نقول ع الشخص داا ضغطه عاالى وامتى نقول ضغطه وااطى ؟!
وايه الحاجات اللى بتعلى الضغط وتوطيه ؟؟
وازاى مراكز المخ بتتحكم ف العملية دى ؟؟
وحالات النزيف وأنواعهاا وأسبابهاا ؟؟
وازاى نقدر نسعف المريض لو نزف كمية كبيرة من دمه ؟!
وامتى المريض لو نزف كتير .. يدخل ف مرحلة "فقدان الأمل" وإنه مهماا اديناله 20 لتر دم .. مش هيكمل ويعيش للأســـف ؟؟!!
وف الآخر بتاخدوا أنواع مخصصة من الدورات الدموية ..
Coronary Circulation = الدورة التاجية
Pulmonary Circulation = الدورة الرئوية
Cerebral Circulation = الدورة الدموية ف المــخ !!
وبكداا نكون خلصناا تانى ماادة من 4 ..

آخــر مادتين بقاا دوول صغيرين نسبياً مقارنةً بالـ 2 اللى قبلهم :):)

Histology = علم الأنسجـــــة ..
وداا بتاخدوا فيه تركيب الخلية تحت الميكروسكوب والعضيات المختلفة اللى فيهاا وشكلهاا عامل ازاى ؟؟ وازاى بتأدى وظيفتهاا ؟؟
وبعد كداا بتاخدوا أنواع الأنسجة الـ 4 .. وازاى شكل الخلية فيهم بيتلائم مع وظيفتهاا + أماكن تواجدهم ؟؟
وف النسيج الضام بتااخدوا أنواع خااصة منه .. زى الدم والغضاريف والعظام .. وايه الفرق بين كل واحد فيهم ؟!
وبعد كداا بتتطرقوا لمستوى أكبر شوية وهو إنكوا تدرسوا الأجهزة نفسهاا ..
زى الجهاز التنفسى والدورى ..
وبتمشوا فيهم منطقة منطقة .. وبتدرسوا نوعية الخلاياا المبطنة ليهم ووظيفتهاا :):)

آخـــر ماادة بقاا .. :)

Biochemistry = الكيمياء الحيويـــة ..
بتاخدوا فيهاا تركيب الكربوهيدرات والبروتينات والدهون .. عشاان ف سنة تاانية إن شاء الله تعرفوا ازاى الحاجات دى بتتهضم ف الجسم ؟!
وبتااخدوا كماان الـ DNA & RNA بالتفصيل الممــــل ..
وازاى بيحصل استنساخ وترجمة وازاى الخلية بتصنع بروتينات وأجسام مضادة ..
وبتااخدوا الهندسة الوراثية .. وهى ازاى إنى أستخلص مثلاً من جسم الإنسان إنسولين صناعى عشان أعالج بيه النااس اللى عندهاا سكــر ؟!
مهوو مش هجيب بنكرياس واحد مثلاً وأقعد أعصر فيهاا كل شوية :):):)

وبــكداا نكون خلصناا الـ 4 مواد اللى هتاخدوهم ف سنة أولى إن شاء الله :):):)

Dя.Λнмє∂Ƨαммσυяα
06-28-2012, 03:13 PM
- آخد دروس ولا أحضر محاضرات ولا أسمع تسجيلات ؟!

أنصحك متستعجلش !!
يعنى تحضر محاضرات الأول وتجرب الدكاترة .. لقيت نفسك مااشى تماام يبقاا حلوو أووى :)
لقيت ف دكتور ناازل ف جزء معين ومفهمتش منه كويس !!
ممكن تجيب تسجيلات الدروس + الورق اللى بيشرحوا منه ف الجزئية دى .. وتسمع مع نفسك ف البيت :):)
لقيت نفسك لا كداا ولا كداا .. ولو إن دى مستبعدة شوية !!
أمرك لله بقاا وخد دروس .. هى عيوبهاا أكتر من ميزاتهاا للأســف ..
فـ إنك لازم تكون موجود قبلهاا بساعة مثلاً عشاان تحجز مكاان وعقبال ماتخرج فيهاا بتااع ساعة تاانية - من كتر الزحمة - !!
لكن الميزة اللى فيهاا إنك مبتديش فرصة لحااجة تتراكم عليك .. بعكس التسجيلات انتاا بتسمعهاا ف أى وقت يعجبك .. وداا بيدى فرصة للحاجة إنهاا تتراكم عليك !! وساعتهاا مش هتضطر تسمعهاا إلا لماا تتزنق فيهاا !!
لكن برضوو التسجيلات ليهاا ميزة مش موجودة ف كله .. وهى إنك بتسمع الحااجة مع نفسك .. ف جــوو من الهـــدوء التااااام .. ولو ف حتة مش فاهمهاا بتعيدهاا أكتر من مرة ! وممكن ترجع لهاا تاانى وقت ماتحب ! :)

فـ الكمال لله وحده .. :):)

ومفيش حااجة كاملة المميزات أو العيوب :):)

- هل لازم أحضر كل يوم الكلية ؟!

طبعاً لاااااااااازم :):)

أولاً .. عشان انتاا بتاخد سكاشن - اللى هى العملى - ودى بيبقاا فيهاا غياب !! وبيبقاا ليك عدد من المرات مسموح بيه ولو تعديته .. ممكن تتحرم من امتحان العملى - لاقدر الله - !!
إنماا المحاضرات تحضر براحتك أو تغيب محدش يقدر يقولك حااجة :):)
+
انتاا لو قعدت ف البيت واعتمدت ع نظام بقاا "هذاكر لوحدى" و "قعدة البيت بتنجز أكتر" والكلام داا !!
هتلاقى نفسك إنتاجك أقــل !!
لأن قعدة البيت بتجيب خمــووول !!
انتاا هتلاقى نفسك بتستطول اليوم وعمال بتماطل وتضيع ف وقت وف آخر اليوم هتلاقى نفسك أنجزت حااجة ممكن تتعمل ف سااعة مثلاً !!
+
مش كل حااجة تقدر تذاكرهاا لوحدك !! ف حاجاات زى الفسيولوجى مثلاً دى لازم تسمعلهاا شرح .. لأن القراءة لوحدهاا لا تكفى !!

وبرضوو نزولك الكلية بيجدد طاقتك وكداا عشان تعرف تذاكر كويس آخــر اليوم ونفسك مفتوحــــة :):):)
والحركة بركة زى مابيقولوا :):)

وبــ كداا يكون .. تــــمّ بحمد الله تعالى ..
اللى عنده أى استفسار يتفضل ..

ولا يتبقى لناا إلا الدعاء لكــم بالتوفيـــق ..

وفقكـــــــم الله ~

أخووكـــــــــم ..
^_^

moly555
06-28-2012, 03:14 PM
رائع
رائع
رائع
رائع
بجد
بسم الله ما شاء الله
ربنا يوفقك ويرزقك بكل خير
حسيت اني دخلت جو الكلية
ربنا يكرمك يارب
موضوع جدا مفيد
ويشرفني اني اول رد
سلامي وتحياتي وشكري وعرفاني لحضرتك دكتور احمد

هبه11
06-28-2012, 03:20 PM
كل ده كلام !!!!!!!! :)
ما شاء الله كفيت ووفيت واهم حاجة اديتنا فكرة عن المنهج ،،،،،، فرحتني والله لما قوتلت التصنيف بتاع الاحياء نبله ونشرب ميته وبعدين قفلتيني لما قولت في الكيمياء الحيوية تركيب dna وrna ......بس انا خلاص حبيت الاناتومي من الوصف والفيديو:)




عندي شوية اسئلة كده ....
ايام الكلية بتصحى الساعة كام وبتروح الساعة كام ؟ (انا ودعت الصحيان بدري مع اخر يوم مدرسة ويا ريت ما تحبطنيش ) وبرده بترجع الساعة كام ؟وبتاخدوا كام محاضرة في اليوم ؟


كم مرة بتاخدوا عملي في الاسبوع .... ؟؟؟؟


ايه اصعب سنة..... 3 ثانوي بكل الضغوط والتوتر والمذاكرة ولا اولى طب ؟


كنت عايش حياتك الاجتماعية عادي ايام الدراسة ولا اضطريت نتعزل عن الناس عشان تدح ؟؟؟


ايه رد فعل الدكاترة وزمايلك لما يعرفوا ان انت خدت الشهادة من السعودية ؟ويا ترى كان في حد معاك برده كده (واخد شهادته من السعودية يعني)؟


الامتحانات نظامها ازاي ؟وسهلة ولا متوسطة ولا صعبة ؟وفي امتحان شفوي ؟


واخيرا وليس اخرا هو ايه نوع الموبايل اللي تم التصوير بيه ؟؟؟:):)

عمرو 2009
06-28-2012, 03:21 PM
موضوع رااااائع وجاي في وقتو يا دكتر :)

Dr.Tomo7
06-28-2012, 03:22 PM
جميل جدا د.احمد
لاحظت ان العناصر اللي حضرتك هتتكلم عنها عامة الى حد ما وتناسب العديد من الكليات؛؛

في انتظار بقية الموضوع

ربما اكتب موضوع مماثل عن كلية علوم بحكم اني كنت منفية فيها هذا العام :)

Rashed -_*
06-28-2012, 03:23 PM
دراسة الطب في جمهورية مصر العربية تختلف عن المملكة العربية السعودية ,
خصوصا ان بدايتها السنة التحضيرية عكس مصر تماما . كذلك اسلوب حل المشكلات الطبية الرائد التي تتعامل معه جامعات المملكة العربية السعودية .

ولكن لا مانع ان نستفيد من افكاركم وخبرتكم

بالإنتظآر ,,

@ abdoo @
06-28-2012, 03:26 PM
الموضوع بجد محترف مغطي كل حاجة
شكرا جزيلا
بس كان عندي سؤال ممكن يكون تافه .. هل ممكن الدكتور يقولي اقرا من المذكرة قدام الطلبة طبعا ( وتكون المذكرة مليانة مصطلحات جديدة أنطقها غلط ويبقى شكلي وحش )
لو كان ممكن يا ريت تقوللي إزاي أعرف النطق الصحيح للمصطلحات) ويارب ميكونش ممكن :):):)

آسف ع التفاهة دي

إيثار!
06-28-2012, 03:45 PM
- الحمد لله جالى طب .. ايه المطلوب منى قبل بدء الدراسة ؟
- طب أناا بترعب لو شفت حد متعور قدامى .. أعمل ايه ف موضوع الجثث داا ؟!
- أناا ضعيف ف موضوع الإنجليزى ؟؟ آخد كورسات لغة ولا أعمل ايه ؟!
- مطلوب منى أذاكر كام ساعة ف اليوم ؟
- أذاكر ازاى طيب ؟!
- طب أناا بكره الأحيـــاء !! هتأقلم ازاى مع المواد اللى هناخدهاا ؟!
- ايه المواد اللى هناخدهاا ف سنة أولى ؟
- آخد دروس ولا أحضر محاضرات ولا أسمع تسجيلات ؟!
- هل لازم أحضر كل يوم الكلية ؟!

صرآحه دعآيه مشوّقه :) :)
يمكن أحب الطب يومآ ما << محد بيتسطططر :)
*الناس قدموا وقرروا وخلصو وانتي لسى :)*

لؤلؤة مصر1
06-28-2012, 03:51 PM
الموضوع راااااااااااااااائع :)

ماشاء الله تبارك الله جميل جدا :)

شكرا دكتور احمد وفقك الله امتياز ان شاء الله ربنا يوفقك في النتيجة يارب:)

صراحة بالنسبة للخوف انا تى مقترش المواد بتدرس ايه شفت كلمة شريان ووريد ومقدرتش اكمل بصراحة :(

شفت بداية الفديو بس شفت حاجة بيضى قفلت على طول لا حول ولا قوة الا بالله ايه ده ؟؟

أختي شافت الفديو قالتلي ::يا حظهم الجثة طازة:):):)

شكرا جزيلا على الموضوع الرااااائع وعلى المجهود :)

Murtada14
06-28-2012, 04:32 PM
هاذا اللي خايف منه

Murtada14
06-28-2012, 04:35 PM
طب أناا*بترعب لو شفت حد متعور قدامى .. أعمل ايه ف موضوع الجثث داا ؟!

@ abdoo @
06-28-2012, 04:44 PM
طب أناا*بترعب لو شفت حد متعور قدامى .. أعمل ايه ف موضوع الجثث داا ؟!

أظن إن القصة بالتعود بس إحنا في انتظار الدكتور

Dя.Λнмє∂Ƨαммσυяα
06-28-2012, 06:01 PM
كداا يكون تـــمّ بحمد الله يادكاترة المستقبل :):)

قراءة رشيدة ف ساعة سعيدة :):):)
+
دعواتكــــم بالتوفيــق والسداد ..~
: )

kh-hamouda
06-28-2012, 06:18 PM
بسم الله ماشاء الله ...

كنت بانتظاره ..

محجوووز

=============

فك ..

ماشاء الله تبارك الله يا دكتور ..

رااائع جدا جدا جدا جدا

استفدت بشكل كبير دكتور احمد ...

جعله الله في ميزان حسناتك ..

============

كان عندي كام استفسار بس .. لو تسمح

1- من الاخر يعني ازاي اقفل عدادات الدرجات ( قدر الامكان يعني ) .. او ازاي أطلع الأول على الدفعة ؟؟ .؟؟

ايه هوا اسهل طريق للوصول للغاية دي ؟ ..


وشكرا لك مرة اخرى

DoC.bArCa
06-28-2012, 06:55 PM
ماشاء الله
ما خليت لي سؤال الا ولقيت جوابــه : )

جنرال القدرات
06-28-2012, 06:59 PM
هل تقبلني كليتكم ؟ و متى يبدأ تسجيلها ؟ :)

سحابة حُلم ~
06-28-2012, 07:04 PM
روووووووووعة الموضوع بجد . .
كنت محتآرة وخآيفة كثير أني أدخل طب ولا لآ ,رغم أن الكل مشجعني انو أدخل طب وبعد الحيرة قررت اني ما أدخل ahbat
بس صرآحة بعد موضوعك هذآ حبيت الطب واتمنى اني اعيش لذتو و حلآوتو :)

للمعلومية : أنا توني بروح لـ ثاني ثانوي بس حابة اعرف نفسي
وش بصير في المستقبل عشان استعد نفسيًا :):)

سحابة حُلم ~
06-28-2012, 07:07 PM
^
مشكور ويعطيك ربي العافية ,وجعله في ميزان حسنآتك =)

medical student
06-28-2012, 07:13 PM
كويس جداً،، احس الطب عندكم اسهل بكثير ،، موضوع ان الدكتور يترجملكم كلمة كلمة استغربت منه :100: ،، انا خلال السنة هذي ما سمعت عربي الا من دكاترة العربي بس ،، يمكن انتوا عشان يدرسونكم مصريين منكم وفيكم بئه وابسط يا عم :) ،، استشفيت :) من كلامك ان نظامكم القديم مش ال( PBl (PROBLEM BASED LEARNING

موفق :)

عسى ربي يعوضنا
06-28-2012, 07:18 PM
رَآئِع جِدآ ..
يعَطِيك الف عَآفيه يَ دكتَور ..
مَوضوع 100% ..

الله يكَتبِ ليَ فيه نَصيب يَ رب .

=)

Dя.Λнмє∂Ƨαммσυяα
06-28-2012, 07:47 PM
كان عندي كام استفسار بس .. لو تسمح

1- من الاخر يعني ازاي اقفل عدادات الدرجات ( قدر الامكان يعني ) .. او ازاي أطلع الأول على الدفعة ؟؟ .؟؟

ايه هوا اسهل طريق للوصول للغاية دي ؟ ..


وشكرا لك مرة اخرى

دى عاايزة واحد بيحرت الـ 24 سااعة :):)

بهزرر :):) .. الحكااية كلهاا محتاجة شوية مجهود وتنظيم وقت ..

عاايزة مذاكرة باستمرار من غير زهق ولا ملل ! لأن بتعدى عليك أوقات ساعات بتكون وصلت لمرحلة الزهق !!

لكن بترجع تكمل تاانى :):)

وبرضوو قليلٌ دائـــم .. خيرٌ من كثيرٍ متقطع :):)

وحكااية الدرجات دى هتكتشف إنهاا مجرد كمالياات مش زى المدرسة وكداا ..

لأنك داخل عشان تطلع بمعلومة تفيد بيهاا اللى حواليك مش تجيب امتياز أو ترتب ع الدفعة وخلاص !!

لكن مفيش ماانع تجمع بين الاتنين :)

:100:

Dя.Λнмє∂Ƨαммσυяα
06-28-2012, 07:50 PM
هل تقبلني كليتكم ؟ و متى يبدأ تسجيلها ؟ :)

آى نعم تقبل بإذن الله :)
ف وافدين كتييير معاياا ف الدفعة :):)

لكن بخصوص تسجيل الوافدين وكداا معنديش فكرة عنه صرااحة ahbatahbat

كويس جداً،، احس الطب عندكم اسهل بكثير ،، موضوع ان الدكتور يترجملكم كلمة كلمة استغربت منه :100: ،، انا خلال السنة هذي ما سمعت عربي الا من دكاترة العربي بس ،، يمكن انتوا عشان يدرسونكم مصريين منكم وفيكم بئه وابسط يا عم :) ،، استشفيت :) من كلامك ان نظامكم القديم مش ال( PBl (PROBLEM BASED LEARNING

موفق :)

مفيش طب سهــل ف الدنياا :):)

حكااية الترجمة دى بتبقاا بس ف الأول :):):)

عشاان هوول الصدمة :100:

هبه11
06-28-2012, 07:52 PM
انا عدلت ردي في الصفحة الاولى


برااااااااحتك خالص خالص في الاسئلة ،،، انا مش مستعجلة :)

ابوعلي الجنوبي
06-28-2012, 07:59 PM
موضووووووووع اكثر من رائع
عندي كم سؤاااال
1- هل يعتمد الطب بالدرجة الاولى على الحفظ البحت
2- قضية حفظ الهرمونات والانزيمات والمسميات الاخرى تتنسى بعد فترة فماهو الحل حتى ترسخ المعلومة للأبد:)

A H M A D 94
06-28-2012, 07:59 PM
موضوع رائع يادكتور احمدicon309

ياريت يادكتور تقارن بين الطب البشري والاسنان مقارنة شاملة على قد ماتقدر ( من ناحية توفر الفرص داخل مصر وخارجها والرواتب في مصر وخارجها.....الخ)ياريت تشرح باسهاب شوية واكون لك شاكر وبظهر الغيب لك داعيا
عشان بصراحة محتااار اوي بين التخصصين :36_1_42:

Dя.Λнмє∂Ƨαммσυяα
06-28-2012, 08:16 PM
كل ده كلام !!!!!!!! :)
ما شاء الله كفيت ووفيت واهم حاجة اديتنا فكرة عن المنهج ،،،،،، فرحتني والله لما قوتلت التصنيف بتاع الاحياء نبله ونشرب ميته وبعدين قفلتيني لما قولت في الكيمياء الحيوية تركيب dna وrna ......بس انا خلاص حبيت الاناتومي من الوصف والفيديو:)

لأ ف البيووو ممتعة أكتر بصرااحة !!

خصوصاً كماان إن بعض مدرسى الأحياء بيشرحوا الحااجة وهما أصلاً مش فاهمينهاا كويس !!
فـ مبيعرفوش يوصلوا المعلومة كويـــس !!

عندي شوية اسئلة كده ....
ايام الكلية بتصحى الساعة كام وبتروح الساعة كام ؟ (انا ودعت الصحيان بدري مع اخر يوم مدرسة ويا ريت ما تحبطنيش ) وبرده بترجع الساعة كام ؟وبتاخدوا كام محاضرة في اليوم ؟


لأ مفيش حااجة اسمهاا وداع :):)

اليوم العاادى بيبدأ من الساعة 8 .. السكشن بيبتدى وقتهاا ويخلص مثلاً 11 بالكتييير ..
وسااعة بريــــك .. وبعد كداا بتبدأ المحاضرات من 12 لـ 3 العصــر كل محاضرة مدتهاا ساعة !!

وف دكتــور بيوو كماان - د.رشيــد اللى ف الصورة الشخصية - بيعمل محاضرات ف المنهج كله ببلاااااش الصبح بدرى الساعة 6:45 بحيث نخلص المحاضرة 7:45 قبل السكاشن :):)
وبيعملهاا 3 أياام ف الأسبوع ! :)

فـ داا لازم الواحد يصحاله بدرى .. ع 4 ونص الفجر كداا مثلاً :):)

داا حال طب القاهرة :):):)


كم مرة بتاخدوا عملي في الاسبوع .... ؟؟؟؟


كل يوم بنااخد سكشن .. ماعدا يوم بناخد فيه سكشنين واحد قبل المحاضرات وواحد بعدهاا ..
بس اليوم اللى بعديه بيكون إجازة من السكاشن :):)


ايه اصعب سنة..... 3 ثانوي بكل الضغوط والتوتر والمذاكرة ولا اولى طب ؟


هو تالتة ثاانوى صعبة عشاان الضغط النفسى ومستقبل بقاا وكداا !!
لكن كمنااهج .. لعب عياال :):):)
متجيش حااجة جنب الكلية صرااحة !!


كنت عايش حياتك الاجتماعية عادي ايام الدراسة ولا اضطريت نتعزل عن الناس عشان تدح ؟؟؟


يعنى شوية كداا وشوية كداا .. لكن الواحد لازم ينعزل أغلب الأحياان عشان مصلحته برضوو :)

ايه رد فعل الدكاترة وزمايلك لما يعرفوا ان انت خدت الشهادة من السعودية ؟ويا ترى كان في حد معاك برده كده (واخد شهادته من السعودية يعني)؟


الدكاترة لو عرفوا شخصيتك الأول وبعد كداا عرفوا انتى جااية منين !! مش هتفرق معااهم ..
لكن ف دكاترة لو من أول مرة عرفوا إنكوا جااية من السعودية و100% ثانوية بقاا والكلام داا !! بياخدوا انطباع وحــش !! مش عاارف ايه تفسيره لحااد دلوقتى !!
والدكاترة شخصيات برضوو .. بيفرقوا من واحد للتانى !!
وبالنسبة لسكشنى كله معاادلة !! ف اللى من السعودية واللى من الإمارات واللى من عُمان واللى IG واللى SAT !
فـ عاادى يعنى .. ويستحسن متعرفيش حد من زمايلك إنك معادلة إلا متأخر شويـــة :):)


الامتحانات نظامها ازاي ؟وسهلة ولا متوسطة ولا صعبة ؟وفي امتحان شفوي ؟


اللى بيتعب ربناا بيديله :):)

وكل رئيس قسم ومزاجه ف الامتحانات بقاا :):)

وآه .. كل المواد فيهاا امتحانات شفوى ف آخر السنة بيكون بعد امتحان النظرى بتاعهاا :):)


واخيرا وليس اخرا هو ايه نوع الموبايل اللي تم التصوير بيه ؟؟؟:):)

كاان Galaxy SII ع ما أتذكر :):)

kh-hamouda
06-28-2012, 08:26 PM
دى عاايزة واحد بيحرت الـ 24 سااعة :):)

بهزرر :):) .. الحكااية كلهاا محتاجة شوية مجهود وتنظيم وقت ..

عاايزة مذاكرة باستمرار من غير زهق ولا ملل ! لأن بتعدى عليك أوقات ساعات بتكون وصلت لمرحلة الزهق !!

لكن بترجع تكمل تاانى :):)

وبرضوو قليلٌ دائـــم .. خيرٌ من كثيرٍ متقطع :):)

وحكااية الدرجات دى هتكتشف إنهاا مجرد كمالياات مش زى المدرسة وكداا ..

لأنك داخل عشان تطلع بمعلومة تفيد بيهاا اللى حواليك مش تجيب امتياز أو ترتب ع الدفعة وخلاص !!

لكن مفيش ماانع تجمع بين الاتنين :)

:100:


مهو انا متهيألي يا دوك احمد ان ال واخد ترتيب او امتياز طالع بمعلومات كتيير جدا حلوة ... :) :) :)

ههههههههه ..

بس انا كان قصدي حاجة تانية ..

بما أني طالب من برا .. هل فعلا هتكون مستويات الطلاب من الثانوية المصرية اعلى واحسن مننا ..

وهيكونو هما الأفضل واحنا مجرد عالة على الكلية من وجهة نظرهم ..

ولا اقدر بنفس المجهود ال هما بيعملوه اني اتفوق بشكل كبير في الكلية دي تصل لمرحلة الاول على الدفعة او تقفيل العدادات .. وفي نفس الوقت اكون حصدت اكبر كمية من العلم الراقي ده ...

kh-hamouda
06-28-2012, 08:34 PM
امم بعدين في حاجة كمان ..

نفرض على كل التقديرات بالزيادة ..

لو انا هصحى 4 الفجر وهرجع 4 العصر ( مع المواصلات وكده ) ..

يبقى كده 12 ساعة + 5 مزاكرة = 17 ساعة

+ 10 ساعات نوم 27 ساعة !!!!!!!!!

هوا مش اليوم 24 ساعة .. ده انا لسه محسبتش وقت الاكل كمان ؟؟

ازاي تقسيم اليوم المثالي يعني .

او يا دوك احكيلنا يومك الطبيعي من ساعة ما تصحى لحد ما تنام بعد اذنك ..

A H M A D 94
06-28-2012, 08:41 PM
امم بعدين في حاجة كمان ..

نفرض على كل التقديرات بالزيادة ..

لو انا هصحى 4 الفجر وهرجع 4 العصر ( مع المواصلات وكده ) ..

يبقى كده 12 ساعة + 5 مزاكرة = 17 ساعة

+ 10 ساعات نوم 27 ساعة !!!!!!!!!

هوا مش اليوم 24 ساعة .. ده انا لسه محسبتش وقت الاكل كمان ؟؟

ازاي تقسيم اليوم المثالي يعني .

او يا دوك احكيلنا يومك الطبيعي من ساعة ما تصحى لحد ما تنام بعد اذنك ..

في الصميم والله ahbat

كريم عطية UA07
06-28-2012, 08:48 PM
أنا من الصنف التالت وليا الفخر :36_11_15::36_11_15:

لؤلؤة مصر1
06-28-2012, 11:55 PM
عدلت مشاركتي في الرد 11 :)

Dr.Tomo7
06-28-2012, 11:57 PM
موضوع اكثر من رائع
وردود اكثر من رائعة

متابعين؛؛

فيصل 11
06-29-2012, 12:12 AM
الف شكر roseyzeeed

ان شاء الله .. النصيب يخليني طبيب :rolleyes:

Dr. Positive
06-29-2012, 01:05 AM
-
دراسة الطبٌ كنت اعتقد أنها تناسبنيُ
حتى عكس العالم كنت متحمسة لموضوع الجثثَ , وسرحت في آحلآميُ
بس الله ماكتبها ليُ , الحمدلله ع كل حال

وموضوع جدآ رائع : )

Mooha9
06-29-2012, 04:49 AM
الله يهديك بس ,,

حمستني زياده =(

=(

=(

staars
06-29-2012, 04:55 AM
جزالك الله الف خير والله انا بخاف من دراسة الطب دي اووي و لما قرأت الموضوع اندمجت جاامد ^_^
ربنا يوفقكوا ان شاء الله و بأعلى التقديرات و ربنا يجعلها في موازين حسناتك يا دكتور
والله افدتني بمعلومات قيمة جدا ,, كل الشكر لك ..

أنس زايد .
06-29-2012, 05:27 AM
موضوع أكثر من رائع ...
شكراً جزيلاً ...

هبه11
06-29-2012, 05:30 PM
جزاك الله خيرا يا دكتور على الرد


تعبناااااك معانا :)

Saeed Tharwt
06-29-2012, 06:50 PM
جميل جميل جميل

والله موضوع رائع ومفيييد جدا

الصراحة انت حمسيتني لكلية طب اوووي

وشلت كل الخوف اللي كان عندي

Abdullah.Sa3ed
06-29-2012, 07:48 PM
موضوع جميل....رائع....ممتاز

أنا بالنسبة لي لا أحمل أي خوف من دراسة الطب و الجثث و الحاجات دي ~~ قلبي ميت ههههههه


----------------
----------------


أن بيتي في مصر بعيد أوي أوي عن جامعة القاهرة والمواصلات صعبة فهل السكن الجامعي نظيف وملائم لمعيشة البشر ؟!

Jimmy Neutron
06-30-2012, 12:34 PM
ربنا يكرمك يا دوك .. وربنا يعيننا ..

عُقاب
06-30-2012, 02:51 PM
الموضوع بجد محترف مغطي كل حاجة
شكرا جزيلا
بس كان عندي سؤال ممكن يكون تافه .. هل ممكن الدكتور يقولي اقرا من المذكرة قدام الطلبة طبعا ( وتكون المذكرة مليانة مصطلحات جديدة أنطقها غلط ويبقى شكلي وحش )
لو كان ممكن يا ريت تقوللي إزاي أعرف النطق الصحيح للمصطلحات) ويارب ميكونش ممكن :):):)

آسف ع التفاهة دي

لا محصلتش ... وبالنسبة لموضوع النطق دا احضر المحاضرة واسمع الدكتور بينطق الكلمة ازاي .. تقريبا لكل كلية في مصر نطق مختلف ×_×
ولو غلطت في حاجات محدش هيحاسبك ولو حتى في امتحان الشفوي .. دا انا كنت بتكلم عنجليزي في اخر امتحان شفوي والحمد لله الدرجة كاملة :d

اشراقة فجر .~
06-30-2012, 09:47 PM
وعليكم السلام ورحمة الله وبركاتة ...


موضوع رااااائع :)


جزاكم الله خيرااا ،،

: )

siso
07-01-2012, 12:53 AM
رااااائع ... بل أكثر من راااااائع

ودي مش حاجة جديدة على مواضيعك .... انت مبدع كعادتك :)

بالتوفيق إن شاء الله في دراستك وبإذن الله امتياز السنة دي :)

مااالك
07-01-2012, 05:24 AM
موضوع رااااائع
سلمت يدااااااااك ياا دكتووور
بس صررااحه اناا عندي مشكله اخااف من الجثث وشفت المقطع خفت زياااده هههههههههههه
كيف يعني قااعد يشررح عاادي ويقطع ولا شكله مسلوووخ بعد والله شي يخووف الله يصبررني
وكماان يتكلم سررررررررررريع مشاااء الله كيف تفهمون عليه مررره سريع
مووفق دكتوور ^_^

gooooodman
07-01-2012, 01:35 PM
رووووووووووووووووووووووووعة

جميل جداً جداً جداً

شكراً شكراً شكراً

كل الشكر يا دتور أحمد استفدت منك افادة ليس لها حدود

فكل الشكر من أعماق قلبي

:)

@ abdoo @
07-01-2012, 08:25 PM
لا محصلتش ... وبالنسبة لموضوع النطق دا احضر المحاضرة واسمع الدكتور بينطق الكلمة ازاي .. تقريبا لكل كلية في مصر نطق مختلف ×_×
ولو غلطت في حاجات محدش هيحاسبك ولو حتى في امتحان الشفوي .. دا انا كنت بتكلم عنجليزي في اخر امتحان شفوي والحمد لله الدرجة كاملة :d

شكرا طمنتني والله

sandra kiwan
07-02-2012, 08:17 PM
المــوضوع رااائـع بـحــق ..

ولــي عـــوده لو شـاء الله ..

بالتــوفـيق :)

Dя.Λнмє∂Ƨαммσυяα
07-02-2012, 10:48 PM
معلش يااجمااعة أناا عارف إنى اتأخرت عليكوا ف الإجابـــة .. :(

بس الظرووف بقاا .. إن شاء الله ف أقرب فرصة أجااوب ع كل أسئلتكوا :):):)

أبوأسـامة
07-02-2012, 11:05 PM
حبيبنا يا دكتور أحمد :) انتا من الناس الأوفياء بجد لمنتديات يزيد

وقفة شكر ليك ولكل اللي بتعمله عشاننا roseyzeeed

ربنا يسهل عليك ويوفقك في دراستك

ودعواتك لنا

e$a
07-03-2012, 01:06 AM
ااشكرك شكرا جزيلا
لقد افدتنى وازلت عنى مخاوف كتيره واسئله كانت محيرانى
اشكرك مرة اخرى وربنا يجعله فى موازين حسناتك
******الموضوووووووووع عجبنى جدا وزاد من اشتياقى لها*********
:36_1_33:

SOCO
07-03-2012, 03:43 AM
وعليكم السلام ورحمة الله وبركاته :
موضوع شامل ومفيدومكتوب باسلوب حلو جدا
تسلم ايدك يا دوك
والف مبروووووووك ع الاجازة الاكلينكية دي :)

driv
07-03-2012, 08:08 AM
الله يعطيك ألف عافية أنا ليا ميلول حاد للطب
وخليتني أتمسك فيه أكثر وبإذن الله بالتوكل على الله
محد رح يردعني عن الطب اصبري جاعة أم القرى نحن أتوون ندرس الطب عندك بعون الله

وأشكرك أخوي كثير

سسمـاآاء ..~
07-03-2012, 12:52 PM
اللاآآهـ

حسسسيت بالمتعـة وعشت الججو :)

ششكرا يا دكتور ربنا مايحرمك الاجر ..

اللهم وفقنا93
07-04-2012, 10:21 AM
بصراحة موضوووع رائع يا دكتور ... جزاك الله كل خير عليه يارب ..
انا عن نفسي لو فكرت اكتب عن الطب مكنتش هعرف اكتب الكلام المصطلحات الانجلش عربي ابدااااا .. :)
لاني بصراحة شبه نسيتها من كتر ما اتعودت عليها ... :) ... مع العلم عشان كل اللي ناوي على طب ان شاء الله انا اول محاضرة واستحالة انساها في حياتي كانت Histology .. اول ما خلصت المحاضرة جبت الورق بتاعها ورجعت البيت ... المحاضرة كانت 5 صفحات .. اقسم بالله اخدت فيها 5 ساعات !!! ... وبعد ما خلصت اخويا سالني فيها حسيت ولا كاني شفت الكلام قبل كده !!
ف انا بقول كده عشان مش تقلقوا من حكاية التعود وكده .. هتيجي بسرررعة باذن الله ...

حاجه كمان كنت عاوزة اعلق عليها الطب دا جميل جداااااا وبصراحة بالرغم من التعب والمعاناة اللي شفتها في السنة دي الا اني بحمد ربنا اني دخلت الكلية دي ودي كانت اكبررر نعمة عليا من ربنا ... ولو رجع بيا الزمن مكنتش هختار غيرها ... بس عشان اكووون صريحة ... اللي هيدخل الكلية دي عشان منصب او اسم او اعلى كلية عمره ما هيستفيد بل هيتعب جاااااامد جداااااا ....

اسفة على الاطالة .. وجزاك الله كل خير مرة تانية يا دكتور ..

asoooomi
07-04-2012, 04:11 PM
عندي سؤال بس احسه غريب بس تحملنا
هالحين احسن مافيه ثبات في يديني يعني لو بتسوي عملية هل هم يعلمونك عليها او لها (بمعنى مرجوج)

اشراقة فجر .~
07-04-2012, 06:11 PM
^

+11111111

نفس السؤال :)

lovely smile
07-05-2012, 01:24 AM
perfect ,, as usual ya dooc ;)

عُقاب
07-06-2012, 08:14 AM
عندي سؤال بس احسه غريب بس تحملنا
هالحين احسن مافيه ثبات في يديني يعني لو بتسوي عملية هل هم يعلمونك عليها او لها (بمعنى مرجوج)

يا عم انت داخل حامي كدا ليه :d
هتبدا بالتدريج
و هتتعود .......... هتتعود ..... هتتعود ..... لدرجة بلاش تفكر فيها دلوقت .. عشان لو فكرت فيها هتتعب هههه

asoooomi
07-06-2012, 05:03 PM
يا عم انت داخل حامي كدا ليه :d
هتبدا بالتدريج
و هتتعود .......... هتتعود ..... هتتعود ..... لدرجة بلاش تفكر فيها دلوقت .. عشان لو فكرت فيها هتتعب هههه


الله يطمنك يعني تجي بالتعود. موب. موهبه

فروما
07-06-2012, 06:01 PM
موضوع قميل أوي أوي :)

COLD*ZERO
07-08-2012, 06:47 PM
جزاك الله خيرا <3

بالتوفيق في سنواتك القادمة يا رب

Emey 2013
07-08-2012, 07:31 PM
الله يادكتور عيشتني جو الطب الجميل اول ما شفت الفيديو خفت بعدين عجبني كملته يارب ماتحرمني يارب امنيه حققهالي

kimo elmasry
07-09-2012, 07:06 AM
رائع موضوعك طبعا ومش محتاج غير اني ارفعلك القبعة اساحبي
وحاول كد تعرفني :))

@بنت النـــور@
07-09-2012, 05:09 PM
موضوع رائع يادكتور احمدicon309

ياريت يادكتور تقارن بين الطب البشري والاسنان مقارنة شاملة على قد ماتقدر ( من ناحية توفر الفرص داخل مصر وخارجها والرواتب في مصر وخارجها.....الخ)ياريت تشرح باسهاب شوية واكون لك شاكر وبظهر الغيب لك داعيا
عشان بصراحة محتااار اوي بين التخصصين :36_1_42:


+10000000000000
انا العايزة اعرفه طب اسنان لما يخلص يتطور ازاى يعنى الدكتور بيتطور بعد مايخلص كليته ويتقدم اما طب اسنان ايه اخبار الموضوع دة لو سمحت تذكر مميزات طب اسنان وبيطور نفسه ازاي ويعمل ايه بعد مايخلص لانى محتااااارة جاااااااااامد وشكرا ع الموضوع الاكثر من رائع جزاك الله خير ويوفقك ويكرمك وتكون دكتور عظيـــــــــــــــم ومعلش ان كنا بنتعبك معانا

slam2011
07-09-2012, 06:24 PM
موضوع جميل جدا جزاك الله خيرا حمستني اكتر لدخول كلية طب شكرا

Dr-Yara
07-09-2012, 07:13 PM
موضوع رائع يادكتور احمدicon309

ياريت يادكتور تقارن بين الطب البشري والاسنان مقارنة شاملة على قد ماتقدر ( من ناحية توفر الفرص داخل مصر وخارجها والرواتب في مصر وخارجها.....الخ)ياريت تشرح باسهاب شوية واكون لك شاكر وبظهر الغيب لك داعيا
عشان بصراحة محتااار اوي بين التخصصين :36_1_42:



+11111111

Jimmy Neutron
07-09-2012, 10:20 PM
عندي سؤال بس احسه غريب بس تحملنا
هالحين احسن مافيه ثبات في يديني يعني لو بتسوي عملية هل هم يعلمونك عليها او لها (بمعنى مرجوج)
إمال يعني هيدوك المشرط ويقولوا لك افتح بطن العيان من غير ما تكون متعلم ؟!!
يبني أول حاجة تشتغل مع الدكتور كمساعد يجي عشرين عملية أو أكتر
بعد كدا يخلوك تعمل حته صغيرة ويمسكوا إيدك وأنت بتعملها كمان
يعني حتى العقدة بتاعت التخييط بيمسكوا إيدك وأنت بتعملها

Dя.Λнмє∂Ƨαммσυяα
07-10-2012, 08:55 PM
موضووووووووع اكثر من رائع
عندي كم سؤاااال
1- هل يعتمد الطب بالدرجة الاولى على الحفظ البحت
2- قضية حفظ الهرمونات والانزيمات والمسميات الاخرى تتنسى بعد فترة فماهو الحل حتى ترسخ المعلومة للأبد:)

لأ طبعاً .. لازم الأول تفهم كويس أووى وبعدين تحفــــظ !
: )

بالنسبة لقضية الهرموناات والإنزيمات دى .. فـ انتاا بتحفظهاا عشان الدراسة وإنك هتمتحن عليهاا وكداا .. لكن كـ دكتور مش هتحتااج منهاا إلا اللى يفيدك ف مهنتك كـ طبيب ..
فـ حتة إنك تحفظهاا كلهاا دى صعبة شوية .. إلا لو كنت هتشتغل ف معامل التحاليل أو دكتور كيمياا حيوية وهتدرسهاا للطلبة :):)

ترسيــخ المعلومات للأبــد دى مبتمشيش إلا مع الحااجة اللى بتحتاجهاا طبياً وبتزاولهاا باستمرار .. البااقى مع الوقت بيتنسى للأســـف طالماا مش بتستعمله ! :(

موضوع رائع يادكتور احمدicon309

ياريت يادكتور تقارن بين الطب البشري والاسنان مقارنة شاملة على قد ماتقدر ( من ناحية توفر الفرص داخل مصر وخارجها والرواتب في مصر وخارجها.....الخ)ياريت تشرح باسهاب شوية واكون لك شاكر وبظهر الغيب لك داعيا
عشان بصراحة محتااار اوي بين التخصصين :36_1_42:


زى ماقلتلك موضوع المقارنة داا مش من تخصصى :):):)

تقدر تسأل فيه حد من اللى ف أسنان يفيدك من ناحية كليته :)

وبالنسبة للرواتب والوظايف والكلام داا .. فـ جـــوووجـــل موجود :)

Dя.Λнмє∂Ƨαммσυяα
07-10-2012, 09:07 PM
موضوع رااااائع
سلمت يدااااااااك ياا دكتووور
بس صررااحه اناا عندي مشكله اخااف من الجثث وشفت المقطع خفت زياااده هههههههههههه
كيف يعني قااعد يشررح عاادي ويقطع ولا شكله مسلوووخ بعد والله شي يخووف الله يصبررني
وكماان يتكلم سررررررررررريع مشاااء الله كيف تفهمون عليه مررره سريع
مووفق دكتوور ^_^

هى الحكااية حكااية تعود مش أكتر إن شاء الله :)

ومتشلش همهاا زياادة عن اللازم عشان متتعبش :):):)

وبالنسبة للدكتور .. هو بيتكلم بسرعة عشاان بيتكلم ف حاجاات عارفينهاا قبل كداا :):)

عندي سؤال بس احسه غريب بس تحملنا
هالحين احسن مافيه ثبات في يديني يعني لو بتسوي عملية هل هم يعلمونك عليها او لها (بمعنى مرجوج)

الحكااية كلهاا بتيجى بالتدريــــــج .. فـ متشيلووش هــمّ :)

Dя.Λнмє∂Ƨαммσυяα
07-10-2012, 09:15 PM
الله يطمنك يعني تجي بالتعود. موب. موهبه

لأ طبعاً أكيد مش موهبــة .. دى أرواح بشــر برضوو :):):)

:36_11_4:

+10000000000000
انا العايزة اعرفه طب اسنان لما يخلص يتطور ازاى يعنى الدكتور بيتطور بعد مايخلص كليته ويتقدم اما طب اسنان ايه اخبار الموضوع دة لو سمحت تذكر مميزات طب اسنان وبيطور نفسه ازاي ويعمل ايه بعد مايخلص لانى محتااااارة جاااااااااامد وشكرا ع الموضوع الاكثر من رائع جزاك الله خير ويوفقك ويكرمك وتكون دكتور عظيـــــــــــــــم ومعلش ان كنا بنتعبك معانا

زى ماقلت .. موضوع طب أسنان داا تقدروا تسألوا فيه حد بيدرس هنااك هيفيدكوا أكتر منى ..

وبالتوفيـــق :) :)

Dя.Λнмє∂Ƨαммσυяα
07-10-2012, 09:17 PM
وبـ كداا نكون خلصناا الإجابة ع استفسارات الجميــــع :):)

معلش مرة تاانية ع التأخيـــــر :):)

وبقيت النااس رديت عليهم ع التقييـــم :):)

واللى عنده أى استفساار يتفضـــل ..

أناا خلاص فااضى .. إن شاء الله :):)

لؤلؤة مصر1
07-10-2012, 09:26 PM
الف مبروووووووووووك الاجازة يادكتور:)

عقبال النتيجة يارب :)

أبوأسـامة
07-10-2012, 10:33 PM
تتهنى بإجازتك يا حمادة :)
....................................

السؤال الاول ,
معروف ان الطب 6 سنوات + سنة إمتياز

السؤال الذي حير الكل ..
طيب انا لو عايز اتخصص مثلا قلب !!
كم عدد السنوات ؟ وهل هي إضافية ؟(لو افترضنا انها 3 سنوات) هل يبقى الطب 7+3 = 10 !؟ :(
أم انها تكون من ضمن الـ 6 سنوات ؟؟!!


اظن السؤال فوق مستوى طالب في اول جامعة :) لكن لربما نجد الاجابة عند الدكتور احمد

في انتظارك ,,’’..؛؛

آبو عاپد
07-10-2012, 10:46 PM
تتهنى بإجازتك يا حمادة :)
....................................

السؤال الاول ,
معروف ان الطب 6 سنوات + سنة إمتياز

السؤال الذي حير الكل ..
طيب انا لو عايز اتخصص مثلا قلب !!
كم عدد السنوات ؟ وهل هي إضافية ؟(لو افترضنا انها 3 سنوات) هل يبقى الطب 7+3 = 10 !؟ :(
أم انها تكون من ضمن الـ 6 سنوات ؟؟!!


اظن السؤال فوق مستوى طالب في اول جامعة :) لكن لربما نجد الاجابة عند الدكتور احمد

في انتظارك ,,’’..؛؛

ايوه شيء أكيد
بعد السبع سنوات تتخصص

أبوأسـامة
07-10-2012, 10:51 PM
ايوه شيء أكيد
بعد السبع سنوات تتخصص

يالله مافي مشكلة , نطلب العلم من المهد إلى اللحد
































:36_1_4:

B$D
07-10-2012, 11:12 PM
^^

:):):):)


مــــوضــــوع روعــــــــــــة يآ أحــــمــد كــعــادتــك


وموفق ياربُ






















:36_1_4::36_1_4:


:)

اشراقة فجر .~
07-11-2012, 01:21 AM
....................................

السؤال الاول ,
معروف ان الطب 6 سنوات + سنة إمتياز

السؤال الذي حير الكل ..
طيب انا لو عايز اتخصص مثلا قلب !!
كم عدد السنوات ؟ وهل هي إضافية ؟(لو افترضنا انها 3 سنوات) هل يبقى الطب 7+3 = 10 !؟ :(
أم انها تكون من ضمن الـ 6 سنوات ؟؟!!


اظن السؤال فوق مستوى طالب في اول جامعة :) لكن لربما نجد الاجابة عند الدكتور احمد

في انتظارك ,,’’..؛؛


بعد اذن دكتر أحمـــد .. هارد علي السؤال

بواقع ان اخويا في سنة 6 طب
اللي اعرفة انوا لسا مش اتخصص !
يعني تقريبا زي ما حضرتك ذكرت ان التخصص سنواتة اضافية ليست من ضمن الـ 6 سنوات


اسفة علي التطفل tongue
وفقكم الله جميعا ..

@بنت النـــور@
07-11-2012, 02:57 AM
شكرا ع الرد

Khalil vs Qeyas
07-11-2012, 10:20 PM
أخوي أحمد

برأيك أي نظام أفضل

التقليدي الي أنت تدرس به حالياً

أم نظام التعليم بحل المشكلات ( pbl )

A H M A D 94
07-11-2012, 11:16 PM
معلش يادكتور احمد
ياريت تجاوب في الموضوع دا مش في التقييم لان في اسئلة بيسالها بعض الاعضاء واكون عاوز اعرف احابتها فمش لازم اكرر نفس السؤال
يعني زي السؤال دا كان نفسي اعرف اجابته فلما تحط الاجابه في التقييم مش هاعرف


امم بعدين في حاجة كمان ..

نفرض على كل التقديرات بالزيادة ..

لو انا هصحى 4 الفجر وهرجع 4 العصر ( مع المواصلات وكده ) ..

يبقى كده 12 ساعة + 5 مزاكرة = 17 ساعة

+ 10 ساعات نوم 27 ساعة !!!!!!!!!

هوا مش اليوم 24 ساعة .. ده انا لسه محسبتش وقت الاكل كمان ؟؟

ازاي تقسيم اليوم المثالي يعني .

او يا دوك احكيلنا يومك الطبيعي من ساعة ما تصحى لحد ما تنام بعد اذنك ..

A H M A D 94
07-11-2012, 11:26 PM
والسكن الجامعي كويس ولا لا؟ وكم واحد في الغرفة؟ وهل صحيح ان لو واحد دخل في السكن الجامعي مايشيلش مواد ؟

Dr.Tomo7
07-12-2012, 02:10 AM
+10000000000000
انا العايزة اعرفه طب اسنان لما يخلص يتطور ازاى يعنى الدكتور بيتطور بعد مايخلص كليته ويتقدم اما طب اسنان ايه اخبار الموضوع دة لو سمحت تذكر مميزات طب اسنان وبيطور نفسه ازاي ويعمل ايه بعد مايخلص لانى محتااااارة جاااااااااامد وشكرا ع الموضوع الاكثر من رائع جزاك الله خير ويوفقك ويكرمك وتكون دكتور عظيـــــــــــــــم ومعلش ان كنا بنتعبك معانا

هوا انا مش فاهمة السؤوال بالضبط ,,
بس دكتور اسنان بعد ما يتخرج بيكون مستعد للعمل على طول ( يعني مش محتاج ماجيستير)
حاله حال مثلا خريج صيدلو او هندسة او اي كلية تانية ,,
طبعا طب الاسنان زي اي مجال فيه تقدم كبير ,, وعشان طبيب الاسنان يتقدم بيعمل نفس اللي طبيب قلب مثلا بيعمله ,, بيحاول يطلع بنفسه على المواقع مثلا المجلات العلمية يحضر مؤتمرات وهكذا ,,
( ممكن يقدم ماجيستير عشان يبقى دقيق التخصص في حاجة معينة ,, يقدم في التقويم مثلا او في التيجان والجسور )
ياريت لو السؤوال مش كده تقولي لي ^_^

Dr.Tomo7
07-12-2012, 02:21 AM
موضوع رائع يادكتور احمدicon309

ياريت يادكتور تقارن بين الطب البشري والاسنان مقارنة شاملة على قد ماتقدر ( من ناحية توفر الفرص داخل مصر وخارجها والرواتب في مصر وخارجها.....الخ)ياريت تشرح باسهاب شوية واكون لك شاكر وبظهر الغيب لك داعيا
عشان بصراحة محتااار اوي بين التخصصين :36_1_42:










.........
التخصص نفسه ,,
للاسف انا السنة الماضية قضيتها كلها في كلية علوم (اعدادي كما ذكرت )
ليس عندي معلومات عن كلية اسنان نفسها ,,
بس اللي اعرفه من زميلاتنا في السنوات الأكبر مننا ,,
إن الكلية كويسة ,, بس طبعا كاي كلية عملية مجهدة ,,

........
للاسف أخي الفاضل كلنا فكرنا بعواطفنا مش بعقولنا في اختيار التخصص ,,
انا لم تكن لدي رغبة بدخول كليات الطب كلها ..
لإني كنت في صغري مش باحب الاطباء ,,
ولا اتمنى ان ارى نفسي يوما ما طبيبة ,,

كمان كنت مش بحب الأحياء في ثانوي ,,
وفي المقابل باستمتع جدا بدراسة الرياضيات والفيزياء ,,

ولكن تحت ضغط الأهل ( الشديد ) في اني ادخل طب بشري بالذات ,,
وكمان استخسار المجموع ,,
ورؤيتي الشخصية في ان كلية هندسة مش مناسبة للبنات ,,
قررت أني ادخل كلية طبية ..

وبعد تفكير طويل ,,
من حيث المميزات والعيوب ,,
ربنا هداني اني اكتب في التنسيق اسنان ,,

فكرت وقتها في مدة الدراسة ,,
طبعا اسنان 5 سنوات + سنة امتياز ,,
طب بشري 6 سنوات + امتياز + سنة ونص على اقل تقدير ماجيستر ,,

عدد طلاب الدفعة
اسنان القاهرة السنة دي = 1 / 3 طب القاهرة ,,

تركيز الدراسة على تخصص واحد ,,
اسنان بندرس 4 سنوات في التخصص ( القاهرة ) أو 5 ( في عين شمس )
في طب بيدرسوا آخر التخصصات في آخر 3 سنوات ,,
وأول 3 سنوات بيدرسوا مواد اساسية عامة ( هيستولوجي / فيسيولوجي / فارما / ... ودي احنا كمان بناخدهم في اول سنتين بعد اعدادي بس طبعا بشكل مختصر عن كلية طب )
فمثلا تخصص اطفال ممكن يدرسوه مع باطنة في سنة خامسة ( مثلا انا مش فاكرة بالضبط )
طيب لو انا حبيت اتخصص اطفال هاقدم ماجيستر كمان سنة نص ,,
كده يبقى اجمالي دراستي للاطفال ,, سنتين ونص ,,
اكيد مش هاكون بنفس كفاءة واحد درس تخصصه اربع / خمس سنين ,,

الجزء العملي في اسنان اكبر من الجزء النظري ,,
والعكس تماما بالنسبة لطب ,,

في اسنان بنشتغل آخر سنتين على عيانين حقيقين بإيدنا احنا ,,
ودا طبعا بيضمن مستوى خريج جيد ,,

المستوى المادي كمان لطبيب الاسنان يعتبر جيد ,,
لإن المجال نفسه مربح ,, وإن كنت عن نفسي لا اهتم بالمستوى المادي للتخصص ,, باعتبار اني لن أكون مسؤولة عن الانفاق ..

يعني بالنسبة لاخواننا الأولاد : كويسة لانها تحقق مستوى مادي جيد ,,
وبالنسبة لاخواتنا البنات : كويسة لقصر مدة الدراسة ,,

واستبعدت صيدلة لإن دراستها صعبة ,, ( كمياء )


طبعا دا رأيي الشخصي في الفروقات بين طب واسنان ,,
ممكن يكون لزملائنا في كلية طب رأيي تاني ,,
وكلامي ده لا يعني اني باقلل من شأن كلية طب ,, لأ طبعا ,,
كلية مهمة جدا .. وهي ام الكليات الطبية ,,


......
نصيحة مهمة جدا ,,
يا ريت لما نفكر في مستقبلنا نفكر فيه بالمنطق والعقل ,, مش بالهوى او العواطف ..
لإن الهوى أو العاطفة ممكن تتغير ,, انا النهاردة بحب كلية طب جدا ,,
ممكن بعد سنتين اغير رأيي فيها ,,
لكن الحجج العقلية والمنطق دا مش هيتغير بمرور السنين ,,

وفي الآخر ,و كل ميسر لما خلق له ,,
وربنا يكتب لكم وإيانا الخير ,, ثم يرضنا به ,,




وكمان عشان اكون منصفة هاضيف عيوب اسنان بالنسبة لطب :
** تكاليف فتح عيادة عالية للاسف ,, لان ادوات طبيب الاسنان مكلفة اكتر بكتير من طب ,,
** الدراسة بشكل عام برضو مكلفة لإن في حجات كتير بنشتغل بيها ( مواد / ادوات) والكلية مش بتوفرها فنجيبها احنا ,,
تقريبا بس كده ..:)
بالنسبة للرواتب وكده ,, اللي اعرفه انها حلوة :) :) " خصوصا لو هتسافر برا مصر " بس معنديش فكرة عن الأرقام
" طبعا لو هتشتغل في حكومة في مصر بيكون مش كويس خالص ,, بيكون نفس راتب الطبيب البشري العام,, عشان كده غالبية الناس بتستقيل من التكليف "

Dr.Tomo7
07-12-2012, 02:26 AM
أخوي أحمد

برأيك أي نظام أفضل

التقليدي الي أنت تدرس به حالياً

أم نظام التعليم بحل المشكلات ( pbl )





حل المشكلات موجود في مصربس في طب قناة السويس ( الاسماعيلية) ,,
بس بيدرسوا بالنظام دا اول 3 سنوات ( حتى بيكون ممنوع التحويل فيهم) وآخر اربع سنوات نظام روندات زي باقي كليات مصر ,,
طبعا ليس لدي فكري انهي الاحسن ,, بس حبيت انوه ,, للي عايز يدرس بالنظام ده في مصر ,,

سلفادور
07-12-2012, 02:27 AM
وعليكم السلام والرحمة

ده موضوع بطل والله ! :)

لي رجعــه قريبة إن شاء الله

موفق يا دكتور

جنرال القدرات
07-12-2012, 08:31 AM
خلص قبول مصر للطب ؟

B$D
07-12-2012, 12:54 PM
^^

مابدأ أصلاً :)

Jimmy Neutron
07-12-2012, 01:02 PM
نصيحة مهمة جدا ,,
يا ريت لما نفكر في مستقبلنا نفكر فيه بالمنطق والعقل ,, مش بالهوى او العواطف ..
لإن الهوى أو العاطفة ممكن تتغير ,, انا النهاردة بحب كلية طب جدا ,,
ممكن بعد سنتين اغير رأيي فيها ,,
لكن الحجج العقلية والمنطق دا مش هيتغير بمرور السنين ,,

وفي الآخر ,و كل ميسر لما خلق له ,,
وربنا يكتب لكم وإيانا الخير ,, ثم يرضنا به ,,

طب يعني أنا المفروض أعمل إيه :(((((((((((((((((
أنا والله تعبت من التفكير في موضوع الكلية دا وخاصة موضوع الشغل بعد التخرج
آخر ما اتخنقت قولت خلاص الرزق بإيد ربنا وأنا مش هادخل إلا إللي أنا نفسي فيه وعايزه
علشان كدا قررت أدخل طب بشري
وربنا يكتب إللي فيه الخير أياً ما كان يااااااااااااارب

آبو عاپد
07-12-2012, 02:38 PM
الحجج العقلية والمنطق

مثل ايش ؟؟؟؟؟

Dr.Tomo7
07-12-2012, 03:30 PM
الحجج العقلية والمنطق

مثل ايش ؟؟؟؟؟

زي المقارنة بين الكليتين اللي في الرد السابق ,,

Dr.Tomo7
07-12-2012, 03:35 PM
طب يعني أنا المفروض أعمل إيه :(((((((((((((((((
أنا والله تعبت من التفكير في موضوع الكلية دا وخاصة موضوع الشغل بعد التخرج
آخر ما اتخنقت قولت خلاص الرزق بإيد ربنا وأنا مش هادخل إلا إللي أنا نفسي فيه وعايزه
علشان كدا قررت أدخل طب بشري
وربنا يكتب إللي فيه الخير أياً ما كان يااااااااااااارب

لو حضرتك بتحبها وهيا رغبتك من الأول ( من قبل ما تجيب مجموع ثانوية عامة ) يبقى توكل على الله وادخلها ,,
يعني مفيش داعي تحرم نفسك من تخصص نفسك فيه من زمان (خصوصا لو حضرتك بتتمناه قوي) ,,
وطبعا صلي استخارة واستشير الأهل ..
وربنا يقدم الخير يا رب ,,
وعموما اسنان من بشري مش فرق كبير ,,
ممكن تعتبر انك دخلت بشري بس اتخصصت اسنان :)

Dr.Tomo7
07-12-2012, 06:09 PM
شوية معلومات كده عن اسنان ,,
حبيت اخليهم في نفس الموضوع ( بعد اذن د, أحمد طبعا) ,,
عشان المقارنة وكده :) :)

الدراسة في اسنان عبارة عن دراسة عملية اكتر منها نظرية ,,
يعني السكشن العملي عندنا اهم مليون مرة من المحاضرة مثلا ,,
وبالتالي فهي دراسة عملية ,, لإن الأهم في طبيب الاسنان انه يعرف يشتغل بايديه اكتر من اهمية وجود معلومات عن الاسنان وكده ,,
زي الطبيب الجراح كده ,, الأهم انه يعرف يعمل عمليات بدقة وبفن اهم من معرفته بالمعلومات وكده ..
كان في مقولة بتقول ان طب الاسنان فن ,,
ليه بقى ,, لان طبيب الاسنان بيعمل كل حاجة بايديه,, وبدقة متناهية ( يعني في الحشو مثلا لو زاد الحشوة 1 ملم بس عن ارتفاع السنة العادي ,, ممكن لا قدر الله تحصل مشاكل في مفصل الفك )
دا عن التخصص بشكل عام ,,

اما بقى نظام الدراسة كالتالي :

سنة اعدادي :
دي بتتاخد في علوم ,, وبناخد فيها مواد عادية خالص :)
كمياء - فيزياء - إنجلش - نبات - علم حيوان ,,
وأغلب المعلومات اللي فيها هيا نفسها اللي في تانية / تالتة ثانوي ,,
بس بالانجليزي
يعني ممكن نقول ان الهدف من السنة دي اننا ناخد خلفية جامعية وخلفية انجليزية وفقط :)

بس كان في كلام عن انها هتتلغي على دفعتكم في القاهرة ,,
( دا غير ان عين شمس مثلا مفيهاش من الأصل اعدادي)
بس انا شايفاها كويسة قبل ما ندخل في الجد ( عاملة زي هدوء ما قبل العاصفة)

وبعدين هناخد 4 سنوات في كليتنا ( أسنان ):
سنة اولى اسنان :
بناخد فيها ماديتين من كلية اسنان واربع مواد من طب ,,
مواد اسنان : خواص المواد الحيوية ( اللي بنستخدمها في طب اسنان) زي مواد الحشو والمواد اللي بيعملوا منها اطقم الاسنان وكده ,,
و تشريح وصفي وفسيولوجيا الاسنان ,,
ودي العملي بتعها لذيذ خالص ,, بننحت الاسنان على الشمع ,,
ودا عشان نتلعم الدقة في الاعمال اليدوية ,, وعشان نفتكر تفاصيل كل سنة بسهولة ( اسهل ما نعد في الامتحان نوصف السنة وتفاصيله ,, ننحتها اسهل)
الماديتين يعتبروا مواد اولية في الاسنان ,, يعني مبادئ وكده ,, بس طبعا مهمين جدا ..
مواد طب بقى :
هيستولوجي ( علم الانسجة ) ودا قريب من الباب بتاع الانسجة اللي في تالتة ثانوي بس باستفاضة ,,
بيوكميستري ( كمياء حيوية) ودا اغلبه بيتكلم عن المواد الغذائية وهضمها وانتاج الطاقة منها ,, وفيه حتة عن الـ dna
فسيولوجي (وظائف الأعضاء)
اناتومي ( تشريح ) : واحنا مقرر علينا بس نظرة عامة على تشريح الجسم كله ,, وبعدين بالتفصيل بقى الراس والرقبة ,,

طبعا مادتين بتوع اسنان فيهم بقى كلام كتير وكده لانهم هما المهمين ,, وكل مادة منهم عليها 150 درجة ,,
مواد طب احنا مش بناخد نفس مناهج طب لأ مناهجنا مختصرة شوية عنهم ,, والمادة بـ 100 درجة
....
سنة تانية اسنان برضوا مواد من طب
فارما ( علم الأدوية) وباثولوجي ( علم الامراض) وميكروبيولوجي(علم الكائنات الدقيقة)
دول التلاتة اللي من طب ,,
ومعاهم تقريبا اربع مواد من اسنان ( بس ماعرفهمش :) :) )
السنتين اللي بعدها نفس النظام ..
كام مادة خفيفة من طب مع مواد اسنان ,,
بس بتبقى مواد طب في اخر سنتين متسهلة خالص ,, يعني مثلا بناخد باطنة ورمد وانف واذن وجراحة والحجات دي بس على خفيف خالص ( اخف حتى من مواد طب في سنة اولى وتانية)
......
اول سنتين بعد اعدادي ( يعني اولى وتانية اسنان ) بنتدرب على اسنان مخلوعة مثلا او مجسمات او كده ,,
وآخر سنتين بنشتغل على بيشنت حقيقين ^_^
يعني بنتابع مع الحالة مثلا على مدار 6 اسابيع مثلا كل سكشن نروح ومعانا الحالة بتاعتنا ونشتغل والمعيدين يصححوا لنا وهكذا ..
عشان كده خريج اسنان بيكون كويس وفاهم في شغله ,, لإنه اشتغل قبل كده في الكلية ,,
عشان نقطة الممارسة دي ,, يعني بنشتغل كاننا في عيادتنا من رابع سنة في الكلية ودي ميزة ,,
.....
كده نبقى خلصنا دراستنا
وممكن نطلع شهادة مؤقتة ,,
بس عشان نطلع بقى شهادة بكاليريوس دائمة ,, ونخلص اجراءات النقابة ,,
لازم نعد سنة كمان في الكلية ( اسمها امتياز)
بنشتغل في مستشفى الكلية عادي خالص كاننا دكاترة عاديين ,,
وبناخد مرتب كمان ( صحيح هوا مرتب صغيور ,, بس برضو اكيد ليه لذته لانه اول مرتب)
.....
كده خلصنا :) ,,
ومبروك العيادة او الشغل في مستشفى او التكليف او اي مكان يعجبك
اسنان مش محتاجة تقديم ماجيستير بعد البكاليريوس ,,
لكن لو حد عايز يقدم هوا ماجيستير عشانه هوا يعني ( زي مثلا مهندس يقدم ماجيستير)
ممكن طبعا ,, بيقدمه في التخصص اللي يعجبه
يعني الاصل ان طبيب الاسنان حديث التخرج بيشتغل في كل حاجة ( ماعدا جراحة الوجه والتقويم)
لكن اللي عايز يبقى متخصص قوي في حاجة معينة ممكن يقدم ماجيستير و دوكتوراة ,,

.......
لو حد عنده اي استفسار ,, يا ريت يتفضل : )

لؤلؤة مصر1
07-13-2012, 02:34 AM
^^^^^

كلااااااااااام جميل جدااااااااااا:)

جزاكي الله خير يادكتورة بجد فدتيني جداااااااااااا:)

جزاك الله خير وتسلم ايدك كلام من دهب :)

ربنا يحميكي يارب:)

لؤلؤة مصر1
07-13-2012, 03:05 AM
سؤال بعد اذنك يا دكتورة :)

ايه نظام السكن الجامعي لو عندك خلفيه عنو؟

في القاهرة و عين شمس ؟

ومتشكرة خالص يا دكتورة هتعبك معايا معلش:)

فتاة القران
07-13-2012, 05:53 AM
السلام عليكم ورحمة الله وبركاته ..
موضوع رااائع جدا ومشوق ..شكرا لكم وكان لدي بعض الاسئلة ..

بداية كلية الطب كلية رائعه جدا ومغرية للأسف ...لكن كونها 7 سنوات ألا يعتبر عقبة بوجهي كفتاة ..؟؟
مع العلم اني كنت دوما ما اشعر بأن ميولي للهندسة أقرب لكني ايقنت اليوم اني ان فكرت بالمنطق لفادني اكثر من التفكير بعواطفي ..فمن جهة ضغط الاهل لدخول الطب ورؤيتهم انها الافضل على الاطلاق ويؤلمني بشدة الا احقق رغبتهم .. ومن جهة اخرى رؤيتي للهندسة انها ايضا لا تلائمني كفتاة ..وبالتالي عقبتي الثانية هي اني ربما لن استطيع ان ابدأ الاااان في التأقلم على الطب ..فلم اكن احب الاحياء ولا اكرهه ..كانت مااادة متوسطة في المتعه ..غاية في الطوول .. لكني كنت استمتع بالرياضيات واتقنها اكثر

اسفة جدااا على هذه الكلمات التي اشعر ان هذا الموضوع الحماسي ليس مكانا لها ..لكن كم هو صعب حينما تجد الحلم الجميل الذي كنت تدافع عنه لم يكن سوى كابوسا واصبحت تشعر ان النعمة اصبحت نقمة ...

للاسف احمل من الاحباط ما يجعلني اكررره الطب والهندسة والدراسة الذي لا يحمسني ابدا على ايا منهما وبالطبع لن افكر بكليات طب الاسنان والعلوم ...الخ لاني في البداية لا اميل لهذه المواد


فحيرتي الان تكمن بين الطب والهندسة ..ارجو النصيحة وشكراا

e$a
07-13-2012, 04:02 PM
طبعا انا في حيره
لان انا نفسي ادخل طب المنصوره قسم امراض نساء ولما سألت الناس الأراء متابينه واغلبها الرفض والسبب انى هتعب والمشوار طويل وبدأو يقترحوا عليا طب أسنان ........وزادت الحيره(طبعا انا مش بيفرق معايا حكاية التعب بس انا خايفه اندم على القرار اللى اخدته )
فأنا مش عارفه الى الان ااخد القرار النهائى .
هو أنا اللى فى حيره ولا كلكم كنتم كدا
وعملتوا ايه ؟؟؟

Dr.Tomo7
07-13-2012, 05:19 PM
سؤال بعد اذنك يا دكتورة :)

ايه نظام السكن الجامعي لو عندك خلفيه عنو؟

في القاهرة و عين شمس ؟

ومتشكرة خالص يا دكتورة هتعبك معايا معلش:)

للاسف معنديش فكرة عنه بالنسبة للشهادات المعادلة ,,
اجراءات القبول فيه وكده ,,
: (
بس اعرف ان بيتقبل فيه وافدين ( غير مصريين) ,, فاكيد بيتقبل فيه شهادات معادلة من باب اولى ,,

Dr.Tomo7
07-13-2012, 05:27 PM
السلام عليكم ورحمة الله وبركاته ..
موضوع رااائع جدا ومشوق ..شكرا لكم وكان لدي بعض الاسئلة ..

بداية كلية الطب كلية رائعه جدا ومغرية للأسف ...لكن كونها 7 سنوات ألا يعتبر عقبة بوجهي كفتاة ..؟؟

انا رأيي انك تدخلي طب هتناسبك أكتر من كذا جهة :
** زي ما قلتي الهندسة لا تناسب الفتيات ,, وطبعا الطب انسب ,,
** ومن جهة السهولة والصعوبة باحس ان طب اهون من هندسة ,,
طب ممكن تذاكري وتنجحي ,, بس في هندسة ممكن تذاكري كويس قوي لا قدر الله بعد الشر عنك وعن القرئين مش تنجحي ,,
لإن ممكن مثلا امتحان الرياضيات يجي معقد او الفيزياء متتحلش ( ودا انا سمعته من زميلاتي اللي دخلوا هندسة .. وكانوا بيحبوا الرياضة جدا)
وبعدين الرياضة والفيزياء بيفرقوا كتير من ثانوي للكلية ,, يعني رياضيات ثانوي مختلف عن الجامعة ,,
الله اعلم ,, استخيري ربنا وان شاء الله يكتب لك الخير ,,
وبرضوا اعيدي التفكير في صيدلة واسنان يعني متقفليش الباب تماما ,, فكري في كل المتاح ,,

Dr.Tomo7
07-13-2012, 05:29 PM
هو أنا اللى فى حيره ولا كلكم كنتم كدا
وعملتوا ايه ؟؟؟
والله ربنا في الآخر بيدي كل واحد اللي على مقاسه ,,
يعني والله فعلا بتلاقي نفسك في الوضع المثالي بالنسبة لك ,,
استخيري وقرري ,, وثقي بان ان شاء الله ربنا هيكتب لك الأخير ,,
متشليش هم ^_^

Shmo0o5
07-13-2012, 09:42 PM
الحمدلله قبلتني العلوم الطبيه بس راح اجتهد واجيب معدل عالي واحول ان شاء الله ع الطب

فتاة القران
07-13-2012, 10:20 PM
طيب هل طب افضل ولا طب اسنان ؟؟

Dr.Tomo7
07-14-2012, 01:19 AM
طيب هل طب افضل ولا طب اسنان ؟؟

السؤال دا غاليتي انتي اللي تردي عليه ,, وده حسب ظروفك وميلك واستعدادك النفس لتقبل الكليتين ,,
انتي اجتهدي الفترة دي في انك تجمعي معلومات عن كل كلية وبعدين تقرري تدخلي واحدة فيهم ,,
لإن هتلاقي ان اراء الناس مختلفة ,,
يعني انا اكيد هاقولك اسنان احسن ,,
وزمايلنا في طب هيقولويك طب احسن ,,
استخيري وفكري واختاري ,,
وربنا يكرمك ويسهلك الخير ..

DoC.bArCa
07-16-2012, 06:56 AM
للاسف في تخصص هنا ما سمعت عنو اطلاااقا آلآ وهو ([ الصيــــــــــدلــة)]
ممكن واحد يني معلومات عنو كدا !؟!

Khalil vs Qeyas
07-16-2012, 09:47 PM
للاسف في تخصص هنا ما سمعت عنو اطلاااقا آلآ وهو ([ الصيــــــــــدلــة)]
ممكن واحد يني معلومات عنو كدا !؟!

بركا أقرأ العنوان

إيش دخل الصيدلة في السالفة ؟ :)

الاميرة رهف
07-16-2012, 09:57 PM
الله الله موضوع رائع متعوب عليه يستاهل 5 نجوم
استفدت منه كتير
حتى في معلومانت ما سمعت فيها من قبل
و الفيديو تبع التشؤيح شفت اول 30 ثانيه و سكرته لما دخل الملقط جواها و بعدها ما حسنت كمل < بدايه مبشرة
جزاك الله خير أخي

عندي كم استفسار ان شاء الله بكتبهم عن قريب

+

جزاك الله خير يا دكتوره dr.tomo7 معلوماتك فادتني كتير

+

DoC.bArCa
07-16-2012, 11:00 PM
ماهم يتكلمو عن الطب وطب الاسنان :)

smart_rose
07-17-2012, 06:16 AM
موضوع رااائع جدا يا دكتور
شامل ووافي
وأسلوبك سهل وواضح جدا

ربنا يجزاك خير على المجهود الكبير ده
وربنا يوفقك والنتيجة تكون أعلى من اللي بتتمناه



كل ما أقرأ عن الكلية دي أتحمس ليها أكتر وأكتر :(
يااارب ألحقها لو كان فيها خير


________________


دكتورة طموح شكرًا جدا لحضرتك

معلومات رائعة ومهمة جدًا

جزاكِ الله خيرًا

LOLOA
07-17-2012, 09:56 PM
السلام عليكم
اولا: الموضوع جمييل وكويس وهايساعدكم انكوا تتجمعوا وتشوفوا الموضوع من منظور اكبر واوسع وبتبادل الاراء هتلاقي نفسك بتفهم حاجات اكتر وبعد اذن الدوكتر احمد انا هارد ع بعض النقط

ثانيا :ماتقلقش ابدا من موضوع الكليه كل اللي مطلوب منك تعمله دلوقتي اقعد مع نفسك وفكر واستخير واسال ربنا انه يهديك للصح وباذن الله ربنا هايكتبلك اللي فيه الخير حتى لو مافهمتش ده دلوقتي هاتلاقيه بعد كده

ثالثا :باقي التفاصيل هاتلاقيها لما تدخل الكليه زي موضوع الكورسات او موضوع اروح الكليه ولا لأ او اذاكر قد ايه او زي اسئله اصحي امتى ومواصلات قد ايه وكده ....
كله بظروفه لان ظروفك هاتختلف عن ظروف زميلك او اي حد فحضرتك هاتظبط نفسك ع حسب ظروف نفسك والتظبيط ده مش هايبقى بسهوله ابدا ممكن تقعد كل الترم الاول وانت حاسس انك متلخبط وممكن تفكر انك ندمت او اتسرعت في قرارك بس كل المطلوب انك تصبر والظروف هاتتحسن ان شاء الله

رابعا:موضوع مذاكره المواد وعدد الساعات بيختلف لان في ماده الدكتور تحسه انك هاتحضر فيها دوكتوراه وماده تانيه اسئله السنين اللي فاتت بتكفي وفي مواد تقعد تذاكر فيها الصعب والصعب اوي وتسيب السهل وتلاقي الامتحان كله من السهل وبتحل بالحظ كده وفي مواد الدكاتره فيها ع مزاجهم بس عاوزه اقلكم موضوع الدرجات ده مش هايبقى زي ثانوي ابدا ابدا ابدا اللي كان بينقص درجه كان يروح يعيط ويجيب ناس كمان تعيط معاه :):) ده مش هايبقى في كليه لانك ممكن تلاقي نفسك ناقص عشرين تلاتين درجه وبتقول احمدك يارب:):):)

خامسا :مستواك هناك في وسط صحابك مش بيبقى مختلف اوي ممكن جدا تلاقي ناس كانوا من بره وفي احتماليه انهم يرتبوا ع الدفعه فهتلاقيك عادي في ناس اعلى منك وفي ناس اقل منك انت .....وظروفك

سادسا:هتلاقي حاجات مختلفه وناس مختلفه وحياااه مختلفه عن اللي كنت عايشها الفصل بقى مدرج والكانتين بقى كافتريا والحصه بقت محاضره والاستاذ بقى دوكتر بس هاتلاقي الحياااااه هناك ممتعه وجميله وصعيه واوقات ضغوطات نفسيه رهيبه بس كله بيعدي..:)


سابعا :معلش ع اللاطاله وانا موجوده ولو حد عنده اي سؤال بعد اذن دوكتر احمد انا مستعده

ربنا يوفقكم يارب ويهديكم للصح ويبعد عننا وعنكم اي سوء

سـرآب
07-18-2012, 10:59 AM
باك :)

موضوع رائع ياباشا :)


طيب ايه رايك بالطب كدراسة ؟ وندمت لما دخلتو ولا ؟ :)


ومن ناحية المذاكرة , كم ساعة تذاكر باليوم ؟


شكرا على موضوعك القميل ده :)

Dя.Λнмє∂Ƨαммσυяα
07-18-2012, 07:39 PM
تتهنى بإجازتك يا حمادة :)
....................................

السؤال الاول ,
معروف ان الطب 6 سنوات + سنة إمتياز

السؤال الذي حير الكل ..
طيب انا لو عايز اتخصص مثلا قلب !!
كم عدد السنوات ؟ وهل هي إضافية ؟(لو افترضنا انها 3 سنوات) هل يبقى الطب 7+3 = 10 !؟ :(
أم انها تكون من ضمن الـ 6 سنوات ؟؟!!


اظن السؤال فوق مستوى طالب في اول جامعة :) لكن لربما نجد الاجابة عند الدكتور احمد

في انتظارك ,,’’..؛؛

الله يهنيـــك :):)

هو أينعم السؤال صعب شوية بس اللى أعرفه إن ..

الـ 6 سنين اللى بتدرسهم ف الكلية .. بتدرس فيهم كـــــل حااااجــــة :):)
وبعد كداا انتاا وحسب مجموعك التراكمى بتااع الـ 6 سنين ..
بيبقاا ف تنسيــق بتختاار منه التخصص اللى يعجبك .. حسب ترتيبك ع الدفعة :):)

فـ أكيد التخصص بيبقاا خاارج عن الـ 6 سنين :):)

أخوي أحمد

برأيك أي نظام أفضل

التقليدي الي أنت تدرس به حالياً

أم نظام التعليم بحل المشكلات ( pbl )

بصرااحة معنديش فكرة عن نظام الـ pbl ..
فـ مش هقدر أفيدك :(

Dя.Λнмє∂Ƨαммσυяα
07-18-2012, 07:43 PM
معلش يادكتور احمد
ياريت تجاوب في الموضوع دا مش في التقييم لان في اسئلة بيسالها بعض الاعضاء واكون عاوز اعرف احابتها فمش لازم اكرر نفس السؤال
يعني زي السؤال دا كان نفسي اعرف اجابته فلما تحط الاجابه في التقييم مش هاعرف

داا لا جاوبت عليه ف التقييم ولا ف رد :):)

بس أفضل إجاابة زى ماقالت Dr.LOLOA ..

إن دى حااجة بتختلف من شخص لـ شخص حسب ظروفه ..

وانتاا ع حسب الظروف دى بتقدر تكيّف نفسك مع الوقت :):)

والسكن الجامعي كويس ولا لا؟ وكم واحد في الغرفة؟ وهل صحيح ان لو واحد دخل في السكن الجامعي مايشيلش مواد ؟

السكن الجاامعى لياا أصحاب فيه وبيقولوا كويــس ..

2 !

لأ مش صحيـــح خااالـــص !! زيك زى غيرك برضوو :):)

Dя.Λнмє∂Ƨαммσυяα
07-18-2012, 07:48 PM
خلص قبول مصر للطب ؟

لساا مبدأش أصلاً :):):)

طب يعني أنا المفروض أعمل إيه :(((((((((((((((((
أنا والله تعبت من التفكير في موضوع الكلية دا وخاصة موضوع الشغل بعد التخرج
آخر ما اتخنقت قولت خلاص الرزق بإيد ربنا وأنا مش هادخل إلا إللي أنا نفسي فيه وعايزه
علشان كدا قررت أدخل طب بشري
وربنا يكتب إللي فيه الخير أياً ما كان يااااااااااااارب

بص حااول تبعد تفكيرك عن موضوع الوظاايف والشغل والكلام داا ..

لأن دى حااجة لساا بدرى عليهاا .. وكماان الأرزاق بايد ربناا ..

وف أى مجاال انتاا لوو شااطــر فيه .. هتكسب من ورااه دهــب ! :):)

لؤلؤة مصر1
07-19-2012, 02:39 AM
دكتور احمد معلش تقلت على حضرتك جدااا

انا دلوقتي كنت عاوزا اسنان ولكن معنديش اسنان في الحتة اللي فيها ومش هقدر على السفر والسكن هتعب ،،

فبفكر في صيدلة اوطب ان شاء الله انا عندي اخ في طب عاوزني ادخل بس تعبان فيها وبيقول ضغط وكلام وحش :)

واختي بتقولي حلوة عشان في اول سنة انا بقول كده :)

انا عاوزا اعرف ايه اللي حجات اللي اذا كانت موجودة فيا اقدر امشي في طب ان شاء الله ؟؟

ومعلش طولت على حضرتك وهتعبك معايا ،،

Dя.Λнмє∂Ƨαммσυяα
07-19-2012, 03:14 AM
دكتور احمد معلش تقلت على حضرتك جدااا

انا دلوقتي كنت عاوزا اسنان ولكن معنديش اسنان في الحتة اللي فيها ومش هقدر على السفر والسكن هتعب ،،

فبفكر في صيدلة اوطب ان شاء الله انا عندي اخ في طب عاوزني ادخل بس تعبان فيها وبيقول ضغط وكلام وحش :)

واختي بتقولي حلوة عشان في اول سنة انا بقول كده :)

انا عاوزا اعرف ايه اللي حجات اللي اذا كانت موجودة فيا اقدر امشي في طب ان شاء الله ؟؟

ومعلش طولت على حضرتك وهتعبك معايا ،،

لازم يكون عندك عزيمــة وقوة تحمل + حب للمجاال :)

لأن الكلية - لا أخفى عليكِ سراً - متعبــة جداًاااا لكن ف نفس الوقت بيبقاا تعب بمتعـــة ..

ولو حاابة المجال .. هتحسى بلذة الاستكشااف بجد والإبحاار ف العلم وهتسمتعى وانتى بتذاكرى :)

بس كداا تقريباً :):):)

لؤلؤة مصر1
07-19-2012, 03:23 AM
لازم يكون عندك عزيمــة وقوة تحمل + حب للمجاال :)

لأن الكلية - لا أخفى عليكِ سراً - متعبــة جداًاااا لكن ف نفس الوقت بيبقاا تعب بمتعـــة ..

ولو حاابة المجال .. هتحسى بلذة الاستكشااف بجد والإبحاار ف العلم وهتسمتعى وانتى بتذاكرى :)

بس كداا تقريباً :):):)

بس انا مش بحب طب ولا بكرها يعني هي عادية عندي

بس مشكلتي معاها كانت الطول وشوية خوف بس

بس انا بحب اسنان و مش عارفا احب طب ازاي ؟؟

ممكن احبها مع الدراسة وكده ان شاء الله ،،

شكرا جزيلا لحضرتك

سـرآب
07-19-2012, 07:32 PM
باك :)

موضوع رائع ياباشا :)


طيب ايه رايك بالطب كدراسة ؟ وندمت لما دخلتو ولا ؟ :)


ومن ناحية المذاكرة , كم ساعة تذاكر باليوم ؟


شكرا على موضوعك القميل ده :)

تم التعديل :):)

Dr.Nouf
07-21-2012, 05:11 PM
رغبتي طب وابغيها لكن انقبلت بتخصص غير الطب والله حاس بحسره بقلبي ومستعده ادفع كل شئ عشان رغبيتي وطموحي انا مش علشان الناااااااس
يسلموو يادكتووور عالموضوع الرائع

Jimmy Neutron
07-21-2012, 05:47 PM
أيوه ليا رغبة : ))
وربنا يكتب إللي فيه الخير مهما كان
: ))

D_الزهراء
07-22-2012, 01:18 PM
جزاك الله خيربالتوفيق ا

النادي1
07-23-2012, 05:03 AM
موضوع جميل جدا وأكتر من رائع ما شاء الله , والصراحة استفدت جدا منه وربنا يجعله في ميزان حسانتك ان شاء الله ويوفقك في الكلية وتجيب تقدير وتحقق اللي نفسك في بإذن الله و بالتوفيق للجميع ان شاء الله ^_^

مصرية طموحة
07-25-2012, 09:17 PM
موضوع رائع وفيه معلومات مفيدة كتير
بس كان عندي سؤال : هل فعلا في جثة بنجيبها البيت من اول سنة لانه خالو كان زمان عنده جثة في البيت
وشكرا اوي يا دكتور ربنا يوفقك في كل السنوات الجاية

الاميرة رهف
07-25-2012, 10:13 PM
^^
أنا بعرف هيكل عظمي [ جمجمه ] مو جثه

ملك روحي
08-03-2012, 06:18 AM
بيرفـــــــــكت يا دكتــــــور :)))

السادات
08-27-2012, 12:15 AM
لازم يكون عندك عزيمــة وقوة تحمل + حب للمجاال :)

لأن الكلية - لا أخفى عليكِ سراً - متعبــة جداًاااا لكن ف نفس الوقت بيبقاا تعب بمتعـــة ..

ولو حاابة المجال .. هتحسى بلذة الاستكشااف بجد والإبحاار ف العلم وهتسمتعى وانتى بتذاكرى :)

بس كداا تقريباً :):):)

د أحمد سمير طب القاهرة / د.ملك روحي طب المنصورة
عسى أن تكونوا بخير وباقي طلبة الطب من الثانوية السعودية
الرجا طمأنتنا عن تقديراتكم في سنه أولى
أنا بنتي طلعت بجيد في أولى طب الزقازيق ، وزعلت منها
ووعدتني بالاجتهاد أكثر في الأعوام القادمة انشاء الله علشان التراكمي
هل هذا التقدير يعتبر مناسب لسنة أولى ؟

Dя.Λнмє∂Ƨαммσυяα
08-27-2012, 08:46 AM
د أحمد سمير طب القاهرة / د.ملك روحي طب المنصورة
عسى أن تكونوا بخير وباقي طلبة الطب من الثانوية السعودية
الرجا طمأنتنا عن تقديراتكم في سنه أولى
أنا بنتي طلعت بجيد في أولى طب الزقازيق ، وزعلت منها
ووعدتني بالاجتهاد أكثر في الأعوام القادمة انشاء الله علشان التراكمي
هل هذا التقدير يعتبر مناسب لسنة أولى ؟

بخير والحمد لله ياعموو :)

أناا الحمد لله جيد جداً مرتفع بفرق 4 درجات عن الامتيااز :)

ومفيش مشاااكل خاالص بالنسبة للتقدير .. داا غير إنه مش مقيااس :)
وكماان أول سنة بتبقاا صعبة شوية ع الكـــــل !

عندناا معيدة كاانت كل سنة بتجيب "جيد" وجت ف سنة 5 و 6 ..
شدت حيلهاا جااااامد وف الآخـــر رتبت الساابعة ع الدفعة ف التراكمى واتعينت :):)

فـ العبرة بالخواتيـــــــــــم ..

وبالتوفيق لبنت حضرتك وألف شكر على سؤالك ..
^_^

السادات
08-27-2012, 09:28 PM
بخير والحمد لله ياعموو :)

أناا الحمد لله جيد جداً مرتفع بفرق 4 درجات عن الامتيااز :)

ومفيش مشاااكل خاالص بالنسبة للتقدير .. داا غير إنه مش مقيااس :)
وكماان أول سنة بتبقاا صعبة شوية ع الكـــــل !

عندناا معيدة كاانت كل سنة بتجيب "جيد" وجت ف سنة 5 و 6 ..
شدت حيلهاا جااااامد وف الآخـــر رتبت الساابعة ع الدفعة ف التراكمى واتعينت :):)

فـ العبرة بالخواتيـــــــــــم ..

وبالتوفيق لبنت حضرتك وألف شكر على سؤالك ..
^_^

مبروك دكتور أحمد ، ويارب بالتوفيق دائما وتحقق كل أمنياتك
وشكرا لاهتمامك ، وأنا فخور بكم وبأعضاء هذا المنتدى من الطلبة المصريين المتفوقين
ودعوة للتواصل الدائم في فترة الأجازة الصيفية من خلال منتديات يزيد قسم قياس العام
هذا المنتدى الذي شهد تحقيق جزء من أحلامكم وطموحاتكم وأحلامنا معكم
وتقبلوا خالص التحية والتقدير ، بارك الله فيكم وفي أمثالكم

dna123
08-30-2012, 08:05 PM
أشكرك على الشرح الممتع

HodHod Cool
09-24-2012, 10:21 PM
مششاء الله تبارك الرحممن

موضووع جميييل جدا

بصراحة كفيت ووفيت

الله يعطيك العاافية

12345677
10-23-2012, 12:43 PM
شكرا جدا على هذاالموضوع المفيد

قطة الأحلام
10-29-2012, 12:03 PM
جزاك الله خير يارب

أنا حاليا باقي الترم الثاني بدخل السنة التحضيرية وربي يكتبلي إني أضمن الطب

جزاك الله خير مرة أخرى

::مياو::

Dя.Λнмє∂Ƨαммσυяα
11-23-2012, 04:16 PM
up
:)

omar 95
11-23-2012, 04:31 PM
موضوع اكثر من رااااائع يا دكتور :)

سؤال : انت ساكن يا دكتور في المدينة الجامعية ولا لا :)
ولو ايوه : كويس السكن ولا لا ؟؟

ولو لا : اول ما نزلت مصر خدت على زحمة المواصلات على طول ؟؟

red**flower
12-04-2012, 09:02 PM
شكرا بجد استفدت انا كنت شوي متخوفة من الطب برغم بحبه كثير واحس بمتعه فيه لكن بعد ما قرأت وصفك الشامل بجد استسهل عليا مع انو كنت دايم اقلهم مادام انك تحب هالشيء فأكيد بتنجح فيه

omar dammas
12-04-2012, 09:31 PM
حمااااس الموضوع .. بإذن الله تعالى السنة الجايه ان شاء الله اكون >>dr :) وكل الي يتمنوها.

اصعب سؤال !
12-05-2012, 05:43 AM
بجدددددددددددددددددددددددددد حممااااااااااااااااااااااااااااااااااااااااااااااا اااااااااااااااااااس :)

+

حفظت الموضوع ف المفضلة :) استفيد منه السنة الجاية بإذن الله

براء داود
12-05-2012, 06:46 AM
موضوع رائع.
بالتوفيق يادكتور.

أسوما
12-27-2012, 05:49 PM
يعطيــكـ ألــف ألـف عاآفيــةة دكتور ..
لا خلا ولا عدم..
موضووع كتيير مفيد وجمييل..




طيب ..الأعضـاء في حدا منكـم بيدرس في اليمن في حضرموت.. طب ؟؟
ابي استفسر عن اشيــاء؟؟

Dя.Λнмє∂Ƨαммσυяα
01-09-2013, 08:09 PM
ياارب يكون ناال إعجاابكــم :):)

وبالتوفيــق لكم جميعاً فى حيااتكــم المدرسية والجاامعيــة (بإذن الله) :)

حقق الله مرادكـــم :)
^_^

مااالك
01-09-2013, 08:12 PM
ياارب يكون ناال إعجاابكــم :):)

وبالتوفيــق لكم جميعاً فى حيااتكــم المدرسية والجاامعيــة (بإذن الله) :)

حقق الله مرادكـــم :)
^_^


ياارب تتيسسر بسس ونخش طب :d6a1a2638b:


آلآ كيف سسنه تاانيه يا دكتور :)

يقآل آنها آآحسسن من آولى :)


بالتووفيق يادكتور و عئئبال التخصص ^^

Dя.Λнмє∂Ƨαммσυяα
01-09-2013, 08:30 PM
ياارب تتيسسر بسس ونخش طب :d6a1a2638b:


آلآ كيف سسنه تاانيه يا دكتور :)

يقآل آنها آآحسسن من آولى :)


بالتووفيق يادكتور و عئئبال التخصص ^^

بتسلم عليك .. :):)

هى فعلاً أحسن من أولى بكتييييير ..

بس المنهج فيهاا الضعــــــف :(
:36_1_26:

وربك يسترهاا إن شاء الله :)

آميــن ياارب وإيااك :) ^_^

Abood RKO
01-09-2013, 10:39 PM
البايو البايو مصيبة

اشراقة فجر .~
01-09-2013, 10:58 PM
البايو البايو مصيبة

+1 :d6a1a2638b: :d6a1a2638b:


يا دكتور احمد هياا سنة تانية احسن من اولى من ناحية اية ؟ : )

Abdullah.Sa3ed
01-10-2013, 02:17 AM
موضوع رائع بقراه كل يوم :)

بالغت انا في الحتة دي بس تشكر ع المعلومات دي بتسهل ع ناس كتير والله

ربنا يوفقك

انتِمَآء
01-10-2013, 02:22 AM
جزآك المولى خير ي دكتور
طرحك مفيد للغآية .

Dina Afifi
01-10-2013, 02:29 AM
بـارك الله فيكم

هبه11
05-08-2013, 05:29 PM
ومرت الايام :)

DoC.bArCa
05-08-2013, 06:57 PM
بالــــــــــــــــــــــفعـل مـرتـ الايـآمـ

Abu - Khaled
05-08-2013, 06:59 PM
ومرت الاياام كسرعة البرق :)

انتِمَآء
05-08-2013, 07:06 PM
آسعدك الباري ..

ممتنه roseyzeeed

طموح *
05-08-2013, 09:32 PM
الله موضوع رآئع جداً وحممسسني للطب وحببني فيه آكثر ,

بس ياليت يكون في زي الموضوع ذآ للسعوديين وعن جامعتنآ بالتحديد :)

+ آكثر شيء خآيفه منه بالطب هو العزله عن الناس عشان المذاكره :(

انا هالايام مع ثالث ثانوي والقدرات واللتحصيلي واختبارات المدرسه والتعب والضغط النفسي انعزززلت جداً عن آهلي حتى :(

وصآروآ يقولوآ عني نفسيه كمآن :):):)

و كيف اذا دخلت الطب اذا كان ثالث ثانوي خلتني كذآ ؟؟!

وكثير يقولوآ مآرآح اقدر آكمل ومعظم يومي راح اكون مضغوطه ومنعزله وبين الكتب وبس

وانا صح استمتع بالمذاكره ولكن آحيآنا يبلغى السيل الزبى و آطططق وآزههق :)

آيش تنصحوني فيه :( ؟!

serag1995
05-19-2013, 08:36 PM
رفع للفائدة :)

أنس زايد .
05-20-2013, 11:27 AM
^

سراج ..!
قل آمين ..؟!
الله يرزقك اياها ( يارب ) ..

serag1995
05-20-2013, 12:02 PM
^

سراج ..!
قل آمين ..؟!
الله يرزقك اياها ( يارب ) ..

آمين يا رب و اياك ان شاء الله حبيبي :)

Ohoud.E
05-21-2013, 12:49 AM
من طفولتي وانا احلم بالطب وكبر معي الحلم الى ان امتزج بالخوف مع اني احبه ومتقبلته كتخصص بس الخوف مسيطر علي اني اندم من سنواته الطويله كمية المعلومات وصعوبه المواد ساعات المذاكره طويله جداا مقارنه مع باقي التخصصات الصحيه اللي راح يؤدي للعزله الاجتماعيه احيانا كثيره الى ان صرفت النظر عنه

وبديت احب الصيدله تخصص "الفارم دي ( دكتور صيدلي )" بس عمري مافكرت مجرد التفكير بطب الاسنان

اللي حصل رجعتني لحلمي الجميل عشت جو مع الموضوع وكاني بدرس هالمواد بكراا بديت اعيد النظر فيه!!!

عجبني كلام الاخت " المفروض ماننجرف وراء العواطف فقط لازم نفكر بالعقل والمنطق "
مع ايماني ان الشخص اذا دخل شي مايحبه مستحيل ينجح فيه بس الحال مع التخصصات الصحيه مختلف تماما كونهم يدرسون مواد مشتركه مع اختلاف الكم
يعني انا احب الاناتومي وهو موجود بالصيدله والطب والاسنان وعلم الاعضاء جميل نسبينا احب الكيمستري طيب علم الامراض برضوو حلو وغيرها وغيرها من المواد المشتركه او اللي كلها تتمحور حول بعض فهنا لازم نحسبها بالمنطق والعقل

وهذا الي خلاني احط طب الاسنان الان من ضمن الخيارات

+ الجميل بالموضوع ان احنا بالسعوديه مجبورين بالسنه التحضيريه على ترتيب الرغبات وهم يحطوونا بالمفاضله

مريح من ناحية ان الله يختارلي مو مثل لما اروح لجامعه معينه واقصد تخصص محدد فهنا بتعب نفسيا اكثر



بالنهايه نصيحه

الاغلب ينفرون من تخصص بحكم انهم مايحبونه وهذا غلط اذا ماكنت تعرف الخطه الدراسيه + طبيعة المواد + السنوات + المستقبل الوظيفي

كيف حكمت عليه بالكره !!!!!

Ohoud.E
05-21-2013, 01:01 AM
توني انتبه ان الموضوع قبل سنه =))))

يعني الحين دكتورنا بالسنه الثانيه ياليت يرجع لنا بموضوع ويقولنا أيش صار بسنه ثانيه طب ...

MEDO013
05-21-2013, 11:23 AM
الله يرزقني كثر ماقلت يآلبيه :)

Dя.Λнмє∂Ƨαммσυяα
05-28-2013, 03:02 AM
توني انتبه ان الموضوع قبل سنه =))))

يعني الحين دكتورنا بالسنه الثانيه ياليت يرجع لنا بموضوع ويقولنا أيش صار بسنه ثانيه طب ...

إن شااء الله لماا أخلص سنة تاانية هبقاا أكتب لكوا تجربتى عنهاا :):)

بس دعواتكووا بس امتحاناات آخر السنة تعدى ع خير الأول :d6a1a2638b::d6a1a2638b::d6a1a2638b:

Ohoud.E
05-28-2013, 05:45 AM
إن شااء الله لماا أخلص سنة تاانية هبقاا أكتب لكوا تجربتى عنهاا :):)

بس دعواتكووا بس امتحاناات آخر السنة تعدى ع خير الأول :d6a1a2638b::d6a1a2638b::d6a1a2638b:

ربنا يوفئك ياحماده :d6a1a2638b:

kh-hamouda
06-01-2013, 11:37 PM
إن شااء الله لماا أخلص سنة تاانية هبقاا أكتب لكوا تجربتى عنهاا :):)

بس دعواتكووا بس امتحاناات آخر السنة تعدى ع خير الأول :d6a1a2638b::d6a1a2638b::d6a1a2638b:


مستني على احر من الجمر :) :) :)

المعلومات
06-02-2013, 06:31 AM
يعطيك العافيه

ahmad karam
06-03-2013, 09:28 AM
ان شاء الله نسجل الموضوع ونحفظة خطوة خطوة السنة الجاية :)

egypt smile
06-04-2013, 09:46 AM
موضوع بجد رائع ....
كنت بدور علية من زمان بس انت وفرت على مشوار كبير اوى ...
ان شاء الله ربنا يوفقنا ندخلها على خير :)

شكرا كتير ليك :) :)
وربنا يوفقك وتكون الاول على الدفعة :)

Dя.Λнмє∂Ƨαммσυяα
06-28-2013, 03:58 PM
مستني على احر من الجمر :) :) :)

خلاص مش هحط حااجة :p

معدل تراكمي
06-28-2013, 04:01 PM
موضوع رائع فعلا دكتور احمد يااااارب يكرمنا بدخولها ياااااااارب

اشراقة فجر .~
07-10-2013, 06:03 AM
إن شااء الله لماا أخلص سنة تاانية هبقاا أكتب لكوا تجربتى عنهاا :):)

بس دعواتكووا بس امتحاناات آخر السنة تعدى ع خير الأول :d6a1a2638b::d6a1a2638b::d6a1a2638b:

في انتظاااار الموضووووع p:

المفروض دلوقتي لما حضرتك تكتب الموضوع .. نفهمة بطريقة مختلفة
نفهم كل كلمة مقصود بيها اية :)


اخدت بالي ان في حاجات كانت بتتقال للواحد قبل ما يدخل الكلية و في اول اسبوع
مفهمش معناها الا في الاسابيع الاخيرة ! Xd :)




دعواتكوا اننا نخللص على خير :(

أسـ،ـيل الـورد
07-10-2013, 05:59 PM
موضوع رآئع بكل المقاييس .. ننتظر تجربتك في سنة ثانية طب :)

Dя.Λнмє∂Ƨαммσυяα
07-11-2013, 02:50 AM
في انتظاااار الموضووووع p:

المفروض دلوقتي لما حضرتك تكتب الموضوع .. نفهمة بطريقة مختلفة
نفهم كل كلمة مقصود بيها اية :)


اخدت بالي ان في حاجات كانت بتتقال للواحد قبل ما يدخل الكلية و في اول اسبوع
مفهمش معناها الا في الاسابيع الاخيرة ! Xd :)




دعواتكوا اننا نخللص على خير :(

مش فااهم أوووى بس مش مشكلة :100:

Dя.Λнмє∂Ƨαммσυяα
07-11-2013, 02:53 AM
أولاً كل سنة وانتوا طيبين .. ورمضاان كريــم عليكووا :)

ثانياً الحمدلله خلصناا امتحاناات امباارح .. وخدناا الإجاازة :)

ثالثاً .. قريب إن شااء الله هحط تجربتى عن سنة تاانية :)

تاابعـــووناا :d :):)

i_Abdullah_i
07-11-2013, 06:45 AM
^
lbb

ناجح بإذن الله :)

ما شاء الله عليك , في الانتظار lbb

الله يحمينا
07-07-2014, 06:34 PM
ي رب ادخل كليه الطب امنيه واتمنى ربنا يحققها لي
موضوعك جمييييييييل جدا
قبل ما افرأ الموضوع كنت بحسب الطب مخيييف والدم والجثث والكلام ده
بس بعد ما قرأت موضوعك حسيت انوو سهههل جدا
جزاك الله خير انك وضحت لنا موضوع كليه الطب وما يحويه من مواد و....الخ
انا لسه ف تاني ثانوي بس عندي امل كبييييييييييييير ف ربنا اني ادخل الطب
ان شالله

حكايه مبعثرة
07-09-2014, 09:24 AM
^ +1


يآآآآآرب وأنآ كمـــــــــــــــــــــــــــــــــــــــــآن lbb

t5yl
07-10-2014, 02:49 AM
شوفوا ذا للي يبي يتطور باللغة .. هآم+متعوب عليه
http://www.yzeeed.com/vb/showthread.php?t=277839

Dя.Λнмє∂Ƨαммσυяα
07-11-2014, 01:08 AM
ي رب ادخل كليه الطب امنيه واتمنى ربنا يحققها لي
موضوعك جمييييييييل جدا
قبل ما افرأ الموضوع كنت بحسب الطب مخيييف والدم والجثث والكلام ده
بس بعد ما قرأت موضوعك حسيت انوو سهههل جدا
جزاك الله خير انك وضحت لنا موضوع كليه الطب وما يحويه من مواد و....الخ
انا لسه ف تاني ثانوي بس عندي امل كبييييييييييييير ف ربنا اني ادخل الطب
ان شالله

ربناا ينااول لكِ إياهاا .. :)
هو الطب فعلاً مخيف لأنه مسئولية كبيرة وأرواح نااس ..
لكن الفكرة إن الموضوع بيبتدى مع الواحد بالتدريج فـ مش هيحس بيه مع الوقت :) :)
ومش سهل .. لأنه محتااج مجهوود جبااااار ومذاكرة طوول حيااتك تقريباً :)
بس مع الاجتهااد والتعب كله بيهوون .. :)

وجزاكم ^^

^ +1


يآآآآآرب وأنآ كمـــــــــــــــــــــــــــــــــــــــــآن lbb


ربناا يوفقكوا ويحقق لكوا مرادكم :)

Jimmy Neutron
07-14-2014, 04:29 PM
أيااااام : )
يا رب : )

عادل محروس
07-19-2014, 02:34 PM
:36_1_11:ماشاء الله يادكتور ادعو لي ان يصبح ابنى دكتور ساحتفظ بهذا المقال له ان شاء الله

Dя.Λнмє∂Ƨαммσυяα
07-20-2014, 12:29 AM
:36_1_11:ماشاء الله يادكتور ادعو لي ان يصبح ابنى دكتور ساحتفظ بهذا المقال له ان شاء الله

ربناا يباارك لك فيه وتفرح بيه ويحقق له مراده ياارب :)

abdo1234
07-23-2014, 06:52 PM
ما شاء الله يا دكتور أحمد مقالتك أكتر من رائعة ادعو لي بأن أدخل كلية الطب

د.لولوه
07-23-2014, 08:20 PM
لو كان نظام دراستكم بلوكات كان أحلى، أحس نظام البلوكات أمتع :)

على طاري الجثث والدمان لمن قريت قبل فترة أن الجثث مافيها دم عشان الفورمالين ضاق صدري :) عندي هوس بالدمان بشكل غير طبيعي وكنت أتخيل أن بإختبار العملي للأناتومي أحنا اللي نشرح ووناسة بس بالنهاية صار يأشرون على مكان وأقول اسمه :( بالتحضيري عندنا نشرح فار ومتحمسه له مره :)

موفق دكتور أحمد وعقبال ما نشوفك دكتور قد الدنيا، ألا صح سنوات الكلينيكال عندكم متى تبدى؟؟ مثلنا سنة ثالث طب ولا لا :) أمتع شي بالطب الكلينيكال ربي يسهله عليك ويوفقك فيه