مع الأعتذار للمعلمة المخلصة ..

[أبو يزيد]

بعض المفردات والجمل العادية التي تحصل من الطالبة وردة فعلها لدى المعلمة : كل الحوارات التالية تحدث بالحصة وبين الطالبة والمعلمة )))) :


ـ استاذة مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة


ـ استاذة ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟


ـ استاذة ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين على الحمام


ـ استاذة ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتشولفين وتتكلمين


المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا


استاذة منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:ايش؟؟؟اخططلكم؟؟اطفال انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه


ـ أستاذة..دفتري ضايع..وش أسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل


المشهد/بنت تمسح السبورة ومشتطة ..بعد ماخلصت من التسميح:
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل


ـ استاذة..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا


ـ استاذة..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..


ـ استاذة الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح ـ استاذة بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس


ـ استاذة..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم


ـ استاذة..صراحة..الامتحان كان مرة صعب
ـ اسكتوا ماحد طلب رايكم


ـ(هذا في حصة الفراغ) ـ استاذة..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى


ـ استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!


ـ استاذة..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,


المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـ استاذة..نبغا نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟


المشهد:المعلمة تملي البنات الدرس..
ـ استاذة..ايش؟عيدي
ـ اسكتوا وبتسمعون


ـاستاذة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..


المشهد/المعلمة داخلة الفصل..والبنات بتأفف يسالونها
ـ أستاذة,,اليوم بتعطينا درس؟؟
ـ اجل ليش جايتكم؟؟


ـ استاذة..ماجبت الدفتر
في هالحالة المعلمة تختار احد هذه الردود:
(1) ليش؟؟ايش قاعد يسوي في البيت؟؟نايم؟؟
(2) اجل ليش جاية المدرسة؟؟؟
(3) شلون نسيتي الدفتر؟؟انحبكت من كل المواد مانسيتي الا دفتر مادتي؟؟
(4) ليه نسيتي الدفتر انتي ناسية الفسحة مثلا؟؟

ـ استاذة..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة‍
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)


ـ أستاذة..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا


ـ استاذة..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس


المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ استاذة..ممكن اكلم (فلانة)
ـ لأ..بعد الحصة‍‍
ـ استاذة..بعطيها شيء وأروح
ـ لأ..أطلعي بره..قلتلك بعد الحصة


المشهد/الأبلة تفتش على الواجب..بنت توقف وتقول
ـ استاذة..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ استاذة..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت..
منقول ((انا مالي ذنب :confused:

[الجليلة]

رائع ...بس مو كل المعلمات ..صح يابو يزيد:rolleyes:
لكن صراحة أضخكتني شكرا لنقلك

[سعودي]

والله مدرسه للاسف مو قد كذا بس مو كل المدرسات كذا عشان ما تزعل أختنى الغاليه الجليله


:D

[اضوااااااء]

هلا ابو يزيد صراحه مشاركه رائعه ومضحكه
بس ترى عندي سؤال من وين جايب الاحداث والوقائع والاحتمالات
والله يستر باقي اشياء ماذكرتها ;)
شكرا على ها المشاركه

[أبو يزيد]

:p

[عبرة قلم]

مع احترامي الشدييييييد لك أبو يزيد ،، إلا أنني لالالالالالالالاأظن أبدا أن هناك مربية أجيال بهذا السوء في التعامل ....
أتمنى أن أكون وزيراااااا للتعليم حتى أقيم معهدا خاصا لإعادة تأهيل مثل هؤلاء .. تربويا ،، وفكريا ،، ..........
كل ذلك حتى أبرئ ذمتي أمام الله ((((( قبل أن أبيدهم ))))) ....

[أبو يزيد]

أهلا عبرة ..وكما يقول المثل الشعبي ""عندنا وعندكم خير "":p
كيف لنا أن ننجح في جميع المجالات ونحن تخلينا عن ديننا أصلا ..
كيف لمعلمة أن تربي أمهات ومربيات أجيال وهي تقلد ""ديانا وطقتها "":cool:
كيف بها أن تربي أجيالا وهي تلبس الأحمر في أول السنة ..
كذا أنا راضي كل الرضى عن معلمتنا التي في المشاهد أعلاه ..
بس خليها على ربك ياااعبرة "":(

[عبرة قلم]

حقيقة أبو يزيد .. أعمل في مدرسة تعد من أعلام مدارس المملكة ... ( وبدون مبالغة ) ....إذ أنها تعتمد على نظام مختلف عن باقي المدارس ولم يطبّق في غيرها حتى الآن ....... وهو التعليم الذاتي ،، والتعليم عن بعد .....
مدرسة خيرية ( وقف خيري لتحفيظ القرآن الكريم ) ....
والمعلمات على قدر غيييييير عادي من المثالية .....
وهذا سبب تمسكي بالمدرسة ....
لذا قلت لك : لاأعتقد أن هناك معلمات بهذا المستوى ....
تحياتي

[أبو يزيد]

أهلا عبرة ..
وأنا لاأنكر بأن هناك الكثير أمثالك وزميلاتك ..
لكن نحن دائما نحاول أن نتكلم عن الشواذ على أمل أن يصلح الحال وترجع الى الدين ..
تحياتي لك

[sareena]

قووووووووووية منك يا أبو يزيد
بس الشهادة لله في نماذج كذا

[أبو يزيد]

:cool:
وعندنا في تعليم البنين خير وبركة يا أخت sareena:mad:
شكرات لردك الكريم

[تأملات]

استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!

ههههههههه
حلوووة هذي
كان سألتها عن نفسها


ـاستاذة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..

هههههه



تسلم بو يزيد على النقل

بصراااااحة هذي النماذج المتوفرة في زمنا
بس ما يخالف يلطفون الجو :)

مافي مثالية الحين لأنها ماتت واندفت الله يسلمكم

شكراً مرة ثانية أخي ولو إنها متأخرة كثييييييييييير
بس مين المصدر؟؟ :P

[أبو يزيد]

أهلين نتظرية

المصدر
يقولون انها عضوة معنا بالمنتدى هههه